Nisan-ის შვილობილი მდიდრული მარკა Infiniti-ი ფრანკფურტის ავტოშოუზე (17-27 სექტემბერი) ახალ კომპაქტს, Infiniti Q30-ს წარმოგვიდგენს. სერიულთან მაქსიმალურად მიახლოვებული ვერსია სტუდიური მოდელის, Q30 Concept-ის მიხედვით შეიქმნა, ეს უკანასკნელი კი, გეხსომებათ, ფრანკფურტის ავტოშოუზე ორი წლის წინათ ვიხილეთ.
Infiniti-ის ახალი კომპაქტი Mercedes A-კლასის ბაზას იყენებს - როგორც იცით, Nisan-ი და Mercedes-ი თანამშრომლობენ. ახალი Infiniti Q30-ის წარმოება ინგლისში, სანდერლენდის ქარხანაში დაიწყება. ”ინფინიტის” ხელმძღვანელების განცხადებით, ეს იქნება ავტომობილი მათთვის, ვინც ”ურბანულ ინდივიდუალურობას” ეძებს. იაპონელები უმაღლესი ხარისხის შესრულებას და კარგ მართვადობას გვპირდებიან. აქვე ვთქვათ, რომ Q30 ბენზინის ძრავებს ”რენოსგან” მიიღებს, დიზელის აგრეგატები კი Mercedes-ის ექნება. ახალი Infiniti Q30-ის ოფიციალური პრეზენტაცია ფრანკფურტის ავტოშოუზე 15 სექტემბერსაა დაგეგმილი.
