პორშეს ისტორია ფერდინანდ პორშეს სახელს უკავშირდება, კომპანიის დამაარსებელი, გამომგონებელი, ინჟინერი, დიზაინერი, Daimler-ის (შემდგომში Mercedes-Benz) ხელმძღვანელი, Mercedes-Benz SSK–ისა დაVolkswagen beetle–ის შემქმნელი, 1000ზე მეტი პატენტის ავტორი და 1999 წელს, საუკუნის ავტო–ინჟინერად დასახელებული ფერდინანდ პორშე 1875 წელს, ჩრდილოეთ ბოჰემიაში (დღევანდელი ჩეხეთის ტერიტორია), გერმანულენოვან ოჯახში დაიბადა.
1931 წლამდე, სანამPorsche GMBH–ს დააარსებდა, ფერდინანდ პორშემ 1898 წელს შექმნა პირველი ელექტრო ავტომობილი – P1. 1905 წელს ის დასახელდა ავსტრიის ყველაზე გამორჩეულ ავტო-ინჟინერად. 1906 წელს დანიშნეს Austro-Daimler–ის მთავარ დიზაინერად, 1916 წელს მმართველ დირექტორად. 1924–1929 წლებში ის Daimler Motoren Gesellschaft–ის ტექნიკური დირექტორის პოსტს იკავებდა. კომპანიის დატოვების შემდეგ, 1931 წელს, პორშე შტუტგარტში დაბრუნდა და მისი ადვოკატის – ანტონ ფიხის ფინანსური მხარდაჭერით, საბოლოოდ შექმნა საკუთარი კომპანია, (პროცენტულად, კომპანიის ყველზე დიდ წილს დღესაც ეს 2 ოჯახი ფლობს), დაიქირავა ძველი მეგობრები, რომლებიც სხვადასხვა საწარმოში მუშაობისას შეიძინა. თავდაპირველად, კომპანია სხვა ავტო ბრენდებისთვის ქმნიდა დიზაინს. შემოსავლების ზრდასთან ერთად, ფერდინანდ პორშემ საკუთარ დიზაინზე დაიწყო მუშაობა, რომელიც მან დაიმლერ–ბენც–ში მუშაობისას შექმნა. 1932 წელს გერმანიაში, AUDI-ს, DKW-ს, Horch–ის Wanderer–ის ბრენდების მონაწილეობით შეიქმნა ავტო გაერთიანება, რომელმაც პორშეს უხმო ახალი ავტომობილის დიზაინის შესაქმნელად.
1933 წელს, ბერლინის მოტორ შოუზე, გერმანიის კანცლერმა – ადლოფ ჰიტლერმა საზოგადოებას გააცნო თავისი განზრახვა, ქვეყნის „მოტორიზების“ შესახებ. ამ სურვილის განხორციელების შედეგად, ყველა გერმანელს უნდა ჰყოლოდა ავტომობილი ან ტრაქტორი. პროექტის ფარგლებში, გერმანულ ავტო მწარმოებელი კომპანიებისთვის გამოიყო დიდი თანხები, რომელიც სინამდვილეში არა ტრაქტორის, არამედ ომის წინა სამზადისში, სამხედრო ტექნიკის შესაქმნელად იხარჯებოდა. Porsche GMBH – მა II მსოფლიო ომისთვის Tiger Tank და Elephunt Tank Destroyer შექმნა.
1935 წელმა ფერდინანდ პორშეს და მის კომპანიას უდიდესი აღიარება მოუტანა. ამ წელს ჰიტლერმა პორშეს „ხალხის ავტომობილის“ (Volks-Wagen–ის) შექმნა დაავალა. შედეგად მივიღეთ პირველიVolkswagen Beetle.
მეორე მსოფლიო ომის შემდგომ, საფრანგეთის მთავრობამ პორშე და ფიხი დააპატიმრა, როგორც ომის დამნაშავეები. 2 წლიანი პატიმრობის შემდეგ,
პორშემ და მისმა ვაჟიშვილმა პატარა ქალაქ გმუნდში, ძველ საწყობში, ხელით ააწყვეს 49 ცალი „Porsche 356“, პირველი მოდელი ამ ბრენდის ქვეშ, თუმცა მისი სერიული წარმოება იმ დროისთვის შეუძლებელი იყო, რადგან კომპანიას ამერიკული ემბარგო ედო. ფერი (ფერდინანდ პორშე უმცროსი), ერთ–ერთი “356“–ით “Volkswagen”–ის დილერებს ესტუმრა და ამ მოდელის შეკვეთების მიღება შესთავაზა. ნელ–ნელა, წარმოების პროცესში უმცროსმა პორშემ მოახერხა კომპანიის აღდგენა და ემბარგოსგან დახსნა, რის შემდეგაც, 1500 ეგზემპლარი პორშე „356“ დაამზადა. მომდევნო 17 წლის განმავლობაში, პორშემ 78 000 „356“ გაყიდა… 1951 წელს უფროსი ფერდინანდ პორშე გარდაიცვალა და მართვის სფერო მისმა ვაჟიშვილმა გადაიბარა.
1963 წელს, კომპანიამ მუშაობა ლეგენდარულ მოდელზე,Porsche 911–ზე დაიწყო. თავდაპირველად, ავტომობილს 901 ერქვა, თუმცა ეს პეჟოს ნუმერაციას წააგავდა და მისი სახელწოდება მალევე 911–ად გადაკეთდა. ეს სპორტ–კუპე სამოციანი წლების ავტო სიმბოლოდ იქცა, რამაც კომპანიას კოლოსალური შემოსავლები მოუტანა. კლასიკური მოდელი, 1963დან 1998მდე– 35 წლის განმავლობაში გამოდიოდა და 2013 წლისთვის, მის 50 წლის იუბილეზე 820 000 „911“ იყო გაყიდული. 1989 წლამდე გამოსული 150 000 ერთეული პორშე 911 დღესაც მოძრაობს მსოფლიოს გზებზე. თავად მოდელი კი უკვდავია (1963–present)!
1972 წელს, ფერი პორშემ გადაწყვიტა კომპანიაში სოიჩირო ჰონდა–ს პოლიტიკა გაეტარებინა, რაც კომპანიის უშუალო მართველობის ოჯახის წევრებისგან გათავისუფლებას გულისხმობდა. შედეგად, კომპანიაში შეიქმნა აღმასრულებელი ბორდი, რომელიც გამოცდილი მენეჯერებით დაკომპლექტდა და სამეთვალყურეო ბორდი, რომელშიც პორშეს და ფიხის ოჯახის წევრები შედიოდნენ.
პორშე მუდმივად ინარჩუნებდა მჭიდრო ურთიერთობებს ფოლკსვაგენთან. 1969 წელს კომპანიებმა შექმნეს Volkswagen-Porsche 914 ფოლკსვაგენის ძრავით და 914–6 პორშეს ძრავით. 1976 წელს შეიქმნა Porsche 912E და 924, რომელიც Audi-ს მრავალ კომპონენტს შეიცავდა (Audi VW–ს შემადგენლობაში შედის).
პორშემ მრავალი მმართველი გამოიცვალა და წარუმატებელი მოდელებიც ჰქონდა, როგორიცაა მაგალითად 928, (1978–1995წ) რომელსაც ბევრი თქვენგანი სავარაუდოდ პირველად ხედავს, მაგრამ კომპანია სიმძლავრის, სტაბილურობის და საიმედოობის იმიჯს არ კარგავდა.
1996 წელს პორშემ გაყიდვაში ახალი მოდელი – Boxter ჩაუშვა, რომლის 1–ლი ვერსიაც 2004 წლამდე გამოდიოდა. დღეს ბოქსტერის უკვე მე–3 თაობის მოდელი სიმძლავრის და აგრესიულობის მხრივ, საკუთარ კლასში კვლავ ნოვატორია.
2002 წელს, კომპანიამ წარადგინა Porsche Cayenne რამდენიმე ვერსიით (S), (Turbo), (Turbo S). ეს იყო პორშეს პირველი და წარმატებული მცდელობა მაღალი გამავლობის საავტომობილო კლასში. დღეს Cayenne–ის მეორე თაობის მოდელს აწარმოებს. 2004 წლიდან Toyota-სთან თანამშრომლობის შედეგად, უკვე Cayenne S E-Hybrid–იც გამოდის.
2005 წლიდან პორშეს სახლს ახალი სერია, Cayman დაემატა. 2009 წლიდანPanamera, 2013დან 918 Spyder, 2014 წელს კი Cayenne-თან შედარებით, უფრო მცირე ზომის ქროსოვერი Macan.
დღეს, კომპანია 7 მოდელს უშვებს, ყველა მოდიფიკაციით ჯამურად – 44-ს. მიუხედავად იმისა, რომ პორშე მხოლოდ მაღალი კლასის ავტომობილებს აწარმოებს, მისი გაყიდვების სტატისტიკა მუდმივად იზრდება. 2010 წელთან შედარებით, ეს რიცხვი თითქმის უკვე გაორმაგებულია.
წელი/ერთეული
2010 – 97,273
2011 – 116,978
2012 – 143,096
2013 – 162,145
2014 – 189,849
2010 – 97,273
2011 – 116,978
2012 – 143,096
2013 – 162,145
2014 – 189,849
კომპანიის ისტორია, რეალურად 120 წლის წინ დაიწყო, როდესაც ფერდინანდ პორშემ პირველ ელექტრო ავტომობილს P1 (პორშე, როგორც N1) დაარქვა. კონცერნი, რომლის სლოგანია „შემცვლელი არ არსებობს“, არსებული მოდელების გაუმჯობესების გარდა, ამჟამად, პორშე ელექტრო–ქარ Pajun–ის კონცეპტს ავითარებს, რომელიც პანამერას ბაზაზე მუშავდება. მისი წარდგენის სავარაუდო თარიღად 2018 წელი სახელდება.
