აშშ -ში ავტომობილების გასაყიდი ავტომატი გამოჩნდა

ავტომობილის შეძენა – ბევრისთვის სანერვიულო და დამღლელი პროცესი, რადგან მოდელის ამორჩევასთან ერთად, მყიდველმა უნდა შეიტანოს თანხა და გააფორმოს სხვადასხვა დოკუმენტები. რას იტყოდით თუ ავტომობილის შეძენა ავტომატის საშუალებით შეგეძლებოდათ – ზუსტად ისე როგორც შოკოლადის ან გაზიანი სასმელის?

ეს უკვე რეალურია. აშშ -ში შეიმუშავეს პირველი ნამდვილი ავტომატი რომელიც ავტომობილებს ყიდის. გამოგონება ეკუთვნის ახალგაზრდა კომპანია Carvana -ს, რომელმაც გადაწყვიტა ავტომობილის შეძენა მაქსიმალურად მარტივი გაეხადა.

ავტომობილის შეძენის სქემა შემდეგნაირად გამოიყურება: თავიდან კლიენტი ინტერნეტის საშუალებით აფორმებს შეკვეთას. მთლიან პროცესს სჭირდება არაუმეტეს 20 წუთისა. შემდეგ კლიენტი მიდის გაცემის პუნქტში, რომელიც გაფორმებულია როგორც გიგანტური ავტომატი. იქ ის მიიღებს გიგანტურ ჟეტონს, რომელიც უნდა ჩაუშვას სპეციალურ მოწყობილობაში და ამის შემდეგ რობოტები ავტომობილს პირდაპირ კლიენტთან მიიტანენ. ფულის ჩამოჭრა ანგარიშიდან მას შემდეგ ხდება, როდესაც ავტომობილი სალონ-ავტომატის ტერიტორიას დატოვებს.

თავიდან უჩვეულო მოწყობილობის შემქმნელები ავტომობილებს ინტერნეტში კლასიკური სქემით ყიდიდნენ. კლიენტებს პროდუქტის მიღება შეეძლოთ სახლში ან გაცემის პუნქტში მისვლის შემდეგ. იქიდან გამომდინარე, რომ უმეტესობა ირჩევდა მეორე პუნქტს, Carvana -ს თანამშრომლებმა გადაწყვიტეს პროცესი ნამდვილად დაუვიწყარი გაეხადათ. კომპანია მომავალში გეგმავს მსგავსი ავტომატების ქსელი მთელი ქვეყნის მაშტაბით გახსნას.

 
                                                                 წყარო: Driver.ge

სრულად »

Ford Mustang Shelby GT350R – წლის სპორტული ავტომობილი

ამერიკულმა გამოცემა Road and Track-მა, წლის სპორტულ ავტომობილად Ford Mustang Shelby GT350R დაასახელა. თავისი 5.2-ლიტრიანი V8 ძრავის 526 ცხენის ძალით, ეს ავტომობილი ბევრისთვის საოცნებოა, მაგრამ ჟურნალის კონკურსის ფინალისტთა შორის, სიის შუაში აღმოჩნდა. და მაინც, შედარებით ხელმისაწვდომი ფასით და ბევრი პარამეტრის საშუალეო მაჩვენებლებით, მაინც ყველა კონკურენტი დაჩრდილა და პოპულარული გამოცემის აღიარებაც დამსახურებულად მოიპოვა.

არადა, „როუდ ენდ ტრეკის“ კონკურსში გამორჩეულმა ავტომობილებმა მოიყარეს თავი. მათ შორის იყო: Bentley Continental GT3-R, CadillacATS-V კუპე, Chevrolet Corvette Z06, Dodge Viper ACR, Mercedes-AMG GT S, Porsche Cayman GT4. კონკურსანტებს შორის ყველაზე ძვირი Ferrarri 488 GTB იყო, რომელიც 347 942 დლარი ღირს და დაახლოებით ხუთჯერ ძვირია ყველაზე გამორჩეულ Stang-ზე. თუმცა, ჟიურის წევრებისთვის, თვის ყველაზე საინტერესო მახასიათებელი ფასი ნამდვილად არ იყო.

ჟიურიმ კონკურსში მონაწილე ავტომობილები ჯერ გზებზე ატარა, შემდეგ სარბოლო ტრეკზე და ყველა სპორტულ ვითარებაში „გაწურა“, შემდეგ კი მათ „კორვეტის ეროვნული მუზეუმის მოტორსპორტულ პარკში“ მოუყარა თავი. იქ კი „მუსტანგმა“ ყველაზე გამორჩეულ ვარსკვლავად „იგრძნო თავი“.

ჟიურიმ განსაკუთრებით გამოჰყო ამ ავტომობილის ძრავი, რომელიც მუშა მოცულობის ყოველ ლიტრზე, თითქმის 100 ცხენის ძალას გამოიმუშავებს. ამით კი ნებისმიერი სუპერ ავტომობილი იამაყებდა. რეალურად, ეს არის სარბოლო ტექნოლოგიებით შექმნილი ძრავი, თუმცა ეს გარემოება ავტომობილის ფასზე თითქმის არ აისახა.ყოველ შემთხვევაში, კიდევ ერთი ღირსება, რომელიც გამოცემის მთავარმა რედაქტორმა ლარი ვებსტერმა აღნიშნა, Shelby GT350R ხელმისაწვდომობითაც გამოირჩევა.

ცნობისათვის, Road and Track-ის წლის სპორტული ავტომობილის წოდება შარშან Sporsche 911 GT3-მა“ მოიპოვა, ერთი წლით ადრე კი გამარჯვებული Corvette გახდა.

                                                                                         წყარო: Smartbox

სრულად »