აი, როგორი იქნება ახალი Lincoln Navigator-ი

”ლინკოლნის” დიდი ქროსოვერის, ”ნავიგატორის” ახალი თაობა 2017 წლის ბოლოს უნდა გამოვიდეს, მანამდე კი ამერიკელებმა კონცეპტი წარმოადგინეს - მაშ ასე, როგორი იქნება ახალი ”ნავიგატორი”?

”მშვიდი ფუფუნება” - სწორედ ასე მოიხსენიებენ ლინკოლნელები თავიანთ ახალ კონცეფციას, რომელსაც ფოტოებზე ხედავთ. დიდი დაკვირვება არ ჭირდება იმას, რომ ავტომობილი ულტრა-მდიდრულია - ამას ნებისმიერი რაკურსით გადაღებულ ფოტოზე შეამჩნევთ. საქმე ისაა, რომ ”ნავიგატორის” ეს კონცეპტი ვიზუალურად მართლაც უფრო მშვიდია, ვიდრე აგრესიული.

”ლინკოლნის” დიზაინერები აცხადებენ, რომ მუშაობის დროს, მათთვის იდეების წყარო თანამედროვე მდიდრული იახტები იყო. თუმცა კრიტიკული თვალი აუცილებლად შეამჩნევს მსგავსებებს Range Rover-თან. კარების ამგვარი კონცეფცია, რა თქმა უნდა, არფრთოვანებას გამოიწვევს, მაგრამ ნაკლებად სავარაუდია, რომ სერიულ მოდელს ასეთი კარები ჰქონდეს.



სამაგიეროდ, დიდია იმის შანსი, რომ ახალი ”ნავიგატორი” ვიზუალურად მართლაც ასე გამოიყურებოდეს - მით უმეტეს ინტერიერი! იმ ქვეყნებში, სადაც ამხელა ქროსოვერები უყვართ, ნამდვილად აღფრთოვანდებიან იმითაც, რომ საბარგულში რეალური, ნამდვილი გარდერობია.

კონცეპტი აღჭურვილია 3,5-ლიტრიანი EcoBoost ძრავით, რომლის სიმძლავრე მინიმუმ 400 ცხენის ძალაა. ახალ, სერიულ ”ლინკოლნ ნავიგატორს” საავტომობილო მსოფლიო 2017 წლის ბოლოს ელოდება.

                                                                   წყარო: AutoBild

სრულად »

Volvo V40 ოფიციალურად

წინა კვირაში გაკეთებული განცხადების შემდეგ, შვედური Volvo ოფიციალურად წარმოგვიდგენს 2017 V40–ის ფეისლიფტინგს, რომელიც ასევე ჟენევას ავტო შოუზე წარდგება ოფიციალურად.

ეს გახლავთ Volvo–ს ბესთსელერი ევროპაში და კომპანიის ნომერ მეორე პოპულარული ავტომობილი მსოფლიო მასშტაბით, ასე რომ კომპანიას მთელი ძალისხმევით უნდა ემუშავა მის გაუმჯობესებაზე.

ყველაზე თვალშისაცემი ცვლილება განახლებული წინა LED მაშუქებია, რომელიც დიზაინით XC90, S90 და V90 მოდელებისას წააგავს. ფეისლიფტმა მოდელს ასევე განახლებული რადიატორის ბადე, ახალი ლოგო და 5 ახალი საღებავი: Amazon Blue, Denim Blue, Bursting Blue, Mussel Blue და Luminous Sand შეამატა.

2017 Volvo V40–ის ინტერიერს ახალი ტყავი, ახალი საჭე, ალუმინის პანელები, ოფციონალური ახალი გასაღები, განახლებული მულტიმედია და ჰაერის გაფილტვრის ფუნქცია შეემატა.

რაც შეეხება ტურბოდიზელის 4 ცილინდრიან 2 ლიტრიან D2 ძრავას, იგი განახლებულ 6 საფეხურიან მექანიკურ გადაცემათა კოლოფზეა გადაბმული, რომელიც ეკოლოგიურ/ეკონომიურ მონაცემს საგრძნობლად აუმჯობესებს.

ფეისლიფტირებულ V40–ს კომპანია 1 მარტს ჟენევაში წარმოადგენს V90–თან ერთად, და მისი გაყიდვები გაზაფხულის შუა პერიოდიდან დაიწყება.

სრულად »

Audi Q2 ოფიციალურად

წარმოგიდგენთ Audi–ს სრულიად ახალ პროდუქტს Q2–ს, რომელიც ჟენევის ავტო შოუზე წარდგა ოფიციალურად. ეს გახლავთ ის აუდი რომელსაც სრულიად დამოუკიდებელი დიზაინი გააჩნია, უახლესი დიზაინის ცხაურით, ახალი მაშუქებით, დიდი ჰაერმიმღებებით, პლასტმასის და ალუმინის დეტალებით, დავარდნილი უკანა სახურავით, ახალი დიზაინის მქონე დისკებით, მოლდინგებით, ახალი უკანა სტოპებით, LED მაშუქებიანი ტექნოლოგიით, ანდერბოდი დამცავით და სხვა.

Audi Q2 ხელმისაწვდომი იქნება 5 კარიან ვერსიად საკმაოდ დიდი საბარგულით (1050 ლიტრი). Audi-ს ყველაზე მცირე Q მოდელის ინტერიერი MMI–ს ტაჩსქრინით, განახლებული ნავიგაციის სისტემით, სპორტული სავარძლებით და ალუმინის დეტალებით არის გაფორმებული. დამატებით საფასურად მას შესაძლოა დაემატოს ინსტრუმენტთა ახალი დაფა, სტოპ & გოუ და უამრავი დამხმარე სისტემა.

რაც შეეხება ძრავთა გამას თავდაპირველად ხელმისაწვდომი იქნება 2 დიზელის და 3 ბენზინის ძრავა, რომელთა შორისაც უმცირესია 3 ცილინდრიანი 1 ლიტრი მოცულობის TFSI 116 ცხენისძალით. შედარებით დიდი მოცულობის გახლავთ 1.4 ლიტრიანი TFSI, ხოლო ყველაზე დიდი 2 ლიტრიანი 4 ცილინდრიანი TFSI–ა, რომელსაც 190 ცხენისძალა გააჩნია. რაც შეეხება დიზელის 1.6 და 2 ლიტრიან TDI ძრავებს, მათი ტექნიკური მახასიათებლები ჯერ უცნობია.

ყველა აღნიშნულ ძრავს 6 საფეხრურიანი მექანიკური ან ოფციონალური 7–იანი ავტომატი ექნება, რომელიც სიმძლავრეს წინა ამძრავს ან ოფციონალურ კვადრო სისტემას მიაწვდის.

სრულად »

Lamborghini Centenario ოფიციალურად

კომპანია Lamborghini-ი დამაარსებელი Ferrucio–ს 100 წლის იუბილეს აღნიშნავს. Aventador SV–ს ბაზაზე აწყობილ Centenario–ს, კარბონის ექსტერიერი გააჩნია და მისი მაქსიმალური წონა 1.520 კილოგრამს იწონის, მისი წონის და სიმძლავრის ფარდობა კი 1.97 კილოგრამს შეადგენს 1 ცხენისძალაზე. კარბონის დეტალებმა ადგილი ექსტერიერში მხოლოდ წონის გამო არ დაიკავეს, მათ აგრესიული და ძალიან აეროდინამიკური ვიზუალიც შექმნეს, რაც აუმჯობესებს ავტომობილის პერფორმანსს.

ცვლილებები ინტერიერსაც შეეხო სადაც 10.1 ინჩიანი თაჩსქრინი, ძვირფასი ტყავი და კარბონის დეტალები ჩამონტაჟდა.

რაღა თქმა უნდა 6.5 ლიტრიანმა V12–მაც გარკვეული მოდიფიკაციები გაიარა და მას ამჯერად 770 ცხენისძალა გააჩნია. Centenario–ს 0–100 კმ/სთ–მდე ასაჩქარებლად 2.8 წამი სჭირდება, 0–300 კმ/სთ–მდე კი 23.5 წამი, მისი მაქსიმალური სიჩქარე კი 350 კმ/სთ–ს შეადგენს.

აღსანიშნავია უკანა თვლების მოხვევის სისტემა და ახალი სამუხრუჭე სისტემა, რომელიც ცენტენარიოს 100 კმ/სთ–დან 30 მეტრში ჩერდება, ხოლო 300 კმ/სთ–დან 290 მეტრში.

Lamborghini, Centenario–ს მხოლოდ 40 ერთეულად გამოუშვებს რომელთაგან 20 როდსტერი იქნება. თითქმის ყველა მათგანი უკვე გაყიდულია საწყის ფასად 1.9 მილიონი.

სრულად »

Mercedes-Benz C-Class Cabriolet

Mercedes–Benz–ის ყველაზე საინტერესო პრეზენტაცია ჟენევის ავტო შოუზე C-Class Cabriolet–ი გახლავთ. Audi A4 და BMW 4 Series Convertible–ს კონკურენტი.

ძალიან ელეგანტური და მიმზიდველია მისი LED განათება, ქრომირებული დეტალები, 18–იანი დისკების არჩევანი, 4 ფერში არსებული რბილი სახურავი (რომელსაც მხოლოდ 20 წამი უნდა ოპერირებისთვის და მისი მოხსნა 31 მლ/სთ–თი მოძრაობის დროსაც შესაძლებელია).

ინტერიერი კუპეს იდენტურია, თუმცა მას დამატებული აქვს კისრის გათბობის სისტემა და სიცხის ამრიდებელი ტყავის სავარძლები.

ამერიკულ ბაზარზე ყველაზე დაბალი კლასის მოდელი C300 Cabriolet იქნება, რომელსაც 2 ლიტრიანი ტრუბო I4 გააჩნია 241 ცხენისძალით. მის სამართავად უახლესი 9G-TRONIC ავტომატური გადაცემათა კოლოფი გამოიყენება, რომელიც უკანა ამძრავს ან ოფციონალურ 4MATIC სისტემას აწვდის სრულ სიმძლავრეს.

უკანა ამძრავიანი ვერსია 0–100 კმ/სთ–მდე 6.4 წამში ჩქარდება. უფრო მეტის მსურველთათვის ხელმისაწვდომია C43 AMG Cabriolet–ი, 3 ლიტრიანი ბიტურბო V6–ით, რომელსაც 362 ცხენისძალა გააჩნია.

როგორც ზემოთ აღნიშნულ ვერსიას, C43–საც 9 საფეხურიანი ავტომატი და სტანდარტულად სრული ამძრავი გააჩნია, რომელიც ელეგანტურ კაბრიოს 100–მდე 4.8 წამში აჩქარებს მისი მაქსიმალური სიჩქარე კი ელ.ლიმიტირებულ 250 კმ/სთ–ს შეადგენს.

სრულად »

Koenigsegg Regera ოფიციალურად

Koenigsegg Regera–ს მზა ვერსია გახლდათ წლევანდელი Geneva Motor Show–ს ერთ–ერთი ყველაზე დიდი ინტრიგა და საინტერესო მოდელი, რომელსის პირდაპირი კონკურენტი Bugatti Chiron–იც სწორედ ამ ავტო შოუზე წარდგა, (მის შესახებ სტატიასაც აუცილებლად იხილავთ).

ორიგინალი მოდელისგან განსხვავებული 3,000 დეტალის შემჩნევა ამ მზა ვერსიაში ცოტათი რთულია თუმცა რადგან კოენიგსეგელები ასე ამბობენ უნდა დაუჯეროთ.

მხოლოდ 2 ფოტოს მიუხედავად შეგვიძლია ავღნიშნოთ, რომ მისი ძირითადი სტილი და დიზაინი უცვლელია, ინტერიერში კი რამდენიმე გასართობი და დამხმარე სისტემაა ჩამატებული, თუმცა ეს ვის აინტერესებს ? ალბათ ძალიან ცოტას.

უფრო მნიშვნელოვანი და საინტერესო 5 ლიტრიანი ბიტურბო V8–ა, რომელსაც 3 ელექტრო ძრავა და Direct Drive System–აა, რომელმაც გადაცემათა კოლოფი ჩაანაცვლა, (სამწუხაროდ ინფორმაცია ამ მექანიზმის და ავტომობილის სრული პერფორმანსის შესახებ ჯერ უცნობია). შიგაწვის 8 ცილინდრიანი და 3 ელექტრო ძრავა ჯამში 1.500 ცხენისძალას გამოიმუშავებს. ალბათ ყველაზე სწრაფი ავტომობილი მსოფლიოში, 0–100 კმ/სთ–მდე 2.8 წამში ჩქარდება, 0–200 კმ/სთ–მდე 6.6 წამში, 0–300 კმ/სთ–მდე 10.9 წამში, 0–400 კმ/სთ–მდე 20 წამში, მაქსიმალური სიჩქარე კი უცნობია.

სრულ მონაცემებთან ერთად ამ ეტაპზე Regera–ს ფასიც უცნობია.

სრულად »

Bugatti Chiron ოფიციალურად

Bugatti Chiron–ს თავისუფლად შეგვიძლია წლის დებიუტი ვუწოდოთ, რადგან სუპერ ავტომობილთა კლასში აღნიშნული ბრენდი ყველაზე დიდი პოპულარობით სარგებლობს. მისი ოფიციალური დებიუტი ჟენევის ავტო შოუზე შედგა და მომხმარებელმა პროდუქციისთვის მზა ვერსია იხილა.

ეს გახლავთ Vision Gran Turismo კონცეფტის მზა ვერსია, რომლის დანიშნულებაც ლეგენდარული Veyron–ის ჩანაცვლებაა. ბუგატის ბოსი Wolfgang Dürheimer–ი აცხადებს რომ ჩაირონი სრულიად ახალი პროდუქტია, რომელსაც ვეირონთან საერთო არაფერი გააჩნია, თუ არ ჩავთვლით W16 8 ლიტრიან ძრავას 4 ტურბო დამბერით, რომელმაც საკმაოდ სერიოზული ცვლილებები განიცადა და Chiron–ის კაპოტქვეშ 1.500 ცხენისძალას და 1.600 ნიუტონმეტრს წარმოქმნის.

ასევე განახლებულია 7 საფეხურიანი ორმაგი გადაბმულობის მქონე გადაცემათა კოლოფი, რომელიც AWD სისტემასთან მუშაობს. ამჟამინდელი ინფორმაციით 1.995 კილოგრამი წონის მქონე მდიდრული ჰიპერქარი Chiron–ი, 0–100 კმ/სთ–მდე 2.5 წამში ჩქარდება, 0–200 კმ/სთ–მდე 6.5 წამში, 0–300 კმ/სთ–მდე 13.6–ში მაქსიმალური სიჩქარე კი 420 კმ/სთ–ა.

თუმცა ბუგატელები ამობენ, რომ მისი მონაცემები გაყიდვების დაწყებამდე შესაძლოა კიდევ შეიცვალოს ანუ გაუმჯობესდეს. Bugatti–ს უკვე 150 შეკვეთა აქვს მიღებული ახალ Chiron–ზე, რომელიც მხოლოდ 500 ეგზემპლარად გამოვა და თითოეული მათგანის ფასი 2.61 მილიონი დოლარი იქნება.

პროდუქცია საფრანგეთში Molsheim–ის ქარხანაში დაიწყება, მფლობელები კი კუთვნილ ავტომობილებს წლის ბოლოდან მიიღებენ.

სრულად »

Alfa Romeo Disco Volante Cabrio

Carrozzeria Touring Superleggera წარმოგვიდგენს Disco Volante Coupe–ს Spyder ვერსიას, რომელიც ოფიციალურად Geneva Motor Show–ზე წარდგა.

სპაიდერი კუპეს იდენტურია, თუმცა უსახურაოდ და მას გააჩნია ახალი ლურჯი საღებავი, ძალიან არაორდინარული დიზაინი, იტალიური სტილი და გემოვნებიანი ინტერიერი როდსტერს ძალიან მიმზიდველს ხდის.

კუპეს მსგავსად როდსტერსაც 450 ცხენისძალიანი, 4.7 ლიტრიანი V8 გააჩნია, რომელიც ნახევრად ავტომატური 6 საფეხურიანი გად. კოლოფით იმართება. კუპეში 0–100 კმ/სთ–ს 4.2 წამში აღწევს, მაქსიმალური სიჩქარე კი 290 კმ/სთ–ა, თუმცა მეტი წონის და ნაკლებად აეროდინამიკურობის გამო, Disco Volante Spyder–ი ასეთი პერფორმანსით არ გამოირჩევა.

სრულად »

Aston Martin DB11 ოფიციალურად

Aston Martin DB11–ის მსოფლიო პრემიერა Geneva Motor Show–ზე შედგა. DB9–ის შემცვლელი DB11 ბიტურბო 5.2 ლიტრიანი V12–ით არის აღჭურვილი, მას 608 ცხენისძალა გააჩნიადა და 700 ნიუტონმეტრი გააჩნია.

შედეგად ეს გახლავთ ყველაზე მძლავრი DB ოდელი, რომელიც 0–100 კმ/სთ–მდე 3.9 წამში ჩქარდება და ავითარებს 322 კმ/სთ–ს.

ასტონელებმა ახალ ძალურ დანადგარს ZF–ის გადაცემათა კოლოფი და ბლოკირებული ხიდიც მიუმატეს. საკმაოდ მძიმე 1.770 კილოგრამი მასის მქონე სუპერქარის წონა წინ და უკან შესაბამისად 51%–49%–ზეა გადანაწილებული რაც იდეალურია პერფორმანსისთვის. ზომების მხრივ DB11 კიდევ უფრო განიერი, გრძელი და დაბალია ვიდრე DB9.

სრულად »

Brabus Rocket 900

Brabus–ი ახალი C63 AMG–ის გვერდით ჟენევის ავტო სალონზე Rocket 900 Coupe–თი წარდგა. ეს გახლავთ Mercedes-AMG S65 Coupe სტეროიდებზე, რომელიც მსოფლიოში ყველაზე სწრაფი ლუქს კლასის კუპეა.

12 ცილინდრიანი ბიტურბო ძრავადან, რომლის მოცულობაც Brabus–მა 6–დან 6.3 ლიტრამდე გაზარდა, კომპანიის შეშლილმა ინჟინრებმა 887 ცხენისძალა და 1.500 ნიუტონმეტრი ამოიღეს, თუმცა ამხელა მაბრუნებელი მომენტის სამართავად, მათ 7 სიჩქარიანი გად. კოლოფის მოდიფიცირება და ხიდი ბლოკირებაც დასჭირდათ.

უკანა ამძრავიანი დიდი ზომის მდიდრული კუპე 0–100 კმ/სთ–ს 3.7 წამში ავითარებს, 0–200 კმ/სთ–ს 9.1 წამში მაქსიმალური სიჩქარე კი 350 კმ/სთ–ზეა ელექტრონულად შეზღუდული, რაც იმას ნიშნავს, რომ Rocket 900 Coupe–ს გაცილებით მეტის გავითარებას შეუძლია.

რაც შეეხება ექსტერიერის და ინტერიერის ცვლილებებს, ალბათ ყველაფერი შემჩნევადია, თუმცა მაინც გეტყვით, რომ S-Coupe–ს დიდი ჰაერმიმღებების მქონე წინა ბამპერი, ახალი რადიტორის ბადე, ვინგლეტები, ჭრილებიანი უკანა ბამპერი, დიფუზორი, სპოილერები და 4 თავიანი ჩამხშობი დაემატა, ხოლო ინტერიერში მხოლოდ ტყავი და მისი ფერები შეიცვალა.

სრულად »

მერსედესის ახალი SUV-კუპე: GLC Coupe

დაიმლერმა ნიუ იორკში GLE Coupe-ს პატარა ძმა, Mercedes GLC Coupe წარმოადგინა. გაყიდვები წლის ბოლოს იწყება

კონცეპტის პრეზენტაციიდან ზუსტად ერთი წლის შემდეგ, ”მერსედესმა” ნიუ იორკის ავტოშოუზე GLC Coupe-ს სერიული ვერსიის პრეზენტაცია გამართა. ავტომობილი სიგრძეში 4,73 მეტრია, რაც იმას ნიშნავს, რომ ჩვეულებრივ GLC-ზე დაახლოებით 8 სანტიმეტრით გრძელია. მიხვდებოდით, რომ GLC Coupe სწორედ GLC-ის ტექნიკურ ბაზაზეა შექმნილი. სამაგიეროდ, 1,7-ტონიანი SUV-კუპე ჩვეულებრივ GLC-ზე 4 სანტიმეტრით დაბალია (1,60 მ) და მისგან ვიზუალურადაც საკმაოდ განსხვავდება - განსაკუთრებით ცხაურით და უკან მკვეთრად ვარდნადი სახურავით.

ავტომობილის უკანა ტანი მის უფროს ძმას, GLE Coupe-ს გაგახსენებთ, ოღონდ GLC Coupe-ს უკანალი უფრო დახვეწილი გვეჩვენება. განსაკუთრებული დიზაინერული ელემენტებია ვიწრო უკანა მაშუქები, ინტეგრირებული მაყუჩები და ქვედა დამცავი დიფუზორის რანგში.

ინტერიერში ”C-კლასის” გარემოს ამოიცნობთ. ცენტრალურ კონსოლზე განთავსებული სენსორული ეკრანი ნაწილობრივაა ინტეგრირებული. ვისთვისაც ასეთი ინტერიერი საკმარისად მიმზიდველი არ არის, შეუძლია, დამატებით ფასად AMG ხაზის ინტერიერი შეუკვეთოს - სპორტული სავარძლებით.

GLC Coupe-ს სერიულად მოყვება სპორტული სავალი ნაწილი სვლის ხუთი რეჟიმით. ჩვენ ამ მანქანით ნიუ იორკში მცირე გასეირნება მოვიწყვეთ და დავრწმუნდით, რომ GLC Coupe უფრო სპორტულად დადის, ვიდრე ჩვეულებრივი GLC. ავტომობილი კიდევ უფრო სპორტულია სავალი ნაწილით Dynamic Body Control. დამატებით ოფციებშია სავალი ნაწილი 15 მილიმეტრამდე რეგულირებით. ნებისმიერ GLC Coupe-ს მოყვება განახლებული მოხვევის სისტემა, რომელიც გაცილებით უფრო პირდაპირი და მგრძნობიარეა. GLC Coupe ხელმისაწვდომია ბენზინისა და დიზელის 4-4 ძრავით, ასევე Plug-in-ჰიბრიდული ვერსია და AMG-ვერსია.

უდავოდ გამორჩეული და განსაკუთრებული ვერსიაა Mercedes-AMG GLC 43 Coupe. AMG-ს ახალი ნომენკლატურის მიხედვით, ამიერიდან 43-ები შეცვლიან 450-AMGსპორტულ მოდელებს. ისევე, როგორც GLC 43, GLC 43 Coupe-ც AMG-სთვის დამახასიათებელი სპორტული ვიზუალით და 367-ცხენისძალიანი V6-Biturbo ძრავით გამოირჩევა. ”მერსედესის” ახალი SUV-კუპე 9-საფეხურიანი ავტომატური გადაცემათა კოლოფითაა აღჭურვილი და, რა თქმა უნდა, სრული ამძრაობით იწარმოება.

ასეთი აღჭურვით GLC Coupe 100 კმ/სთ-მდე 5 წამზე ნაკლებ დროში ჩქარდებაო, გვპირდებიან შტუტგარტელები. გადაწყვეტილია, რომ გამოვა GLC Coupe-ს კიდევ უფრო მძლავრი ვერსია 63 AMG, რომლის სიმძლავრე 510 ცხენის ძალა იქნება (V8-Biturbo). ამ ძრავას ის C 63-სგან მიიღებს. AUTO BILD-ის ინფორმაციით, ორივე მძლავრი ვერსია 2017 წელს გამოვა. ზოგადად კი, GLC Coupe-ს გაყიდვები 2016 წლის სექტემბრიდან იწყება და მისი საწყისი ფასი დაახლოებით 40 000 ევრო გახლავთ.

                                                                      წყარო: Auto Bild

სრულად »

მარჯვენასაჭიანების აკრძალვის ახალი სავარაუდო თარიღი და ახალი დეტალები

შინაგან საქმეთა მინისტრის მოადგილე შალვა ხუციშვილი მარჯვენასაჭიანი და საჭეგადატანილი მანქანების რეგისტრაციის აკრძალვის სავარაუდო თარიღად 2017 წლის 1-ელ იანვარს ასახელებს. მისივე თქმით, კონსულტაციების შედეგად შედგა შეთანხმება, რომ აღნიშნული შეზღუდვა არ იმოქმედებს სპორტულ მანქანებზე და იმ ტიპის ავტომობილებზე, რომელიც ტურისტულ ბიზნესში გამოიყენება.

ამასთან დაკავშირებით ხუციშვილმა განმარტებები პარლამენტის საფინანსო-საბიუჯეტო კომიტეტის სხდომაზე გააკეთა, სადაც მთავრობის მიერ ინიცირებული საკანონმდებლო პაკეტი წარადგინა.

როგორც შს მინისტრის მოადგილემ განაცხადა, ამ ეტაპისთვის, კონსულტაციების შედეგად შეთანხმებული თარიღი 1-ელი იანვარია, რათა იმპორტიორებს "ბიზნესის გადაწყობის" და დაწყებული კონტრაქტების ბოლომდე მიყვანის საშუალება მიეცეთ.

რაც შეეხება მთავრობის საკანონმდებლო პაკეტის კიდევ ერთ სიახლეს, რომელიც მართვის მოწმობებზე 100-ქულიანი სისტემის დაწესებას და საგზაო ადმინისტრაციული ჯარიმების დაგროვებისა და შედეგად, ქულების განულების შემთხვევაში, მართვის მოწმობის გაუქმებას ითვალისწინებს, ამასთან დაკავშირებით ხუციშვილმა განმარტა, რომ მიმდინარეობს ინტენსიური კონსულტაციები იმის შესახებ, რომ მართვის მოწმობის გაუქმების ნაცვლად, მოხდეს მისი გარკვეული ვადით ჩამორთმევა, ხოლო თუკი მძღოლს ჩამორთმეული მოწმობის ვადაზე ადრე დაბრუნების სურვილი ექნება, ასეთ შემთხვევაში ის გამოცდას ჩააბარებს.

გარდა ამისა, როგორც ცნობილია, საკანონმდებლო პაკეტით 3-დან 6-წლამდე ავტომობილები აქციზის განაკვეთის შეღავათიანი დაბეგვრის რეჟიმში ექცევა, ხოლო მნიშვნელოვნად იზრდება აქციზის გადასახადი რვა და რვა წელზე მეტი ასაკის ავტომობილებისთვის. შეღავთიან რეჟიმში გადადის მოპედებისა და მოტოციკლების აქციზით დაბეგვრაც.

"ამასთან დაკავშირებით დამატებითი კონსულტაციები გაიმართა ფინანსთა სამინისტროსთან. შესაბამისი ცხრილი, რაც წარმოდგენილია, შეიცვლება – კუბადურის მიხედვით, 12 წლის ავტომობილის განბაჟება 70 თეთრი იქნება, 12 წლის ქვევით - 50 თეთრი, ხოლო ხუთი წლიდან ისევ დაიწყებს გაძვირებას. სეგმენტი, რაც იაფი მანქანებისთვის იყო ორიენტირებული, გარკვეული შეღავათებისათვის, გათვალისწინებული იქნება, რათა მოსახლეობისთვის ავტომობილების შეძენა შესაძლებელი იყოს. ჩვენი პრინციპული პოზიციაა, არ მოხდეს ავტოპარკის დაძველება, ამიტომ 12 წლიდან ეტაპობრივად, ხოლო 14 წლიდან კრიტიკულად გაძვირდება ავტომობილების განბაჟება, კუბადურის მიხედვით", - განმარტა შალვა ხუციშვილმა საკომიტეტო მოსმენისას.

სრულად »

ჩავიხედოთ ბრაბუსის მაიბახში

მდიდრული ლიმუზინი, თუ სპორტული ავტომობილი? ვინც ასეთი არჩევანის წინაშე დგას და გადაწყვეტილების მიღება უჭირს, არჩევანი ”მაიბახზე” უნდა შეაჩეროს. თანაც, არა ჩვეულებრივ ”მაიბახზე” (თუკი შეიძლება, რომ ”მაიბახს” ჩვეულებრივი ეწოდოს), არამედ ახალ, კიდევ უფრო გამდიდრებულ ვერსიაზე, რომელზეც თვით ”ბრაბუსმა” იმუშავა. ამ შემთხვევაში მიიღებთ მდიდრულ ლიმუზინს წარმოუდგენელი სპორტული სულისკვეთებით.

საქმე იმაშია, რომ ”ბრაბუსმა” ”მაიბახი” არა მარტო კიდევ უფრო კომფორტულ ავტომობილად გადააქცია, არამედ გაცილებით სწრაფიც გახადა.

”ბრაბუსის” მიერ ჩატარებული სამუშაოების შემდეგ, ამ შავ ლიმუზინს 530-ის ნაცვლად 900 ცხენის ძალა აქვს და მისი მაქსიმალური სისწრაფე 350 კმ/სთ-მდე გაიზარდა, რაც სერიულ მოდელზე 100 კმ/სთ-ით მეტია!

რა თქმა უნდა, შეიცვალა ვიზუალიც: ”ბრაბუსმა” გარეგნულად სპეციალური, აეროდინამიკური კომპონენტები და 21-დუიმიანი დისკები დაამატა, ინტერიერში კი - უფრო მეტი ურბილესი ტყავი, ალკანტარა, კარბონი და უახლესი, საუკეთესო მულტიმედია-სისტემა.

ცხადია, რომ ამ ყველაფერმა Brabus Rocket 900 6.3 V12 Biturbo-ს ფასზეც ძალიან იმოქმედა: მხოლოდ ძრავის გადაკეთება 94 000 ევრო ჯდება! მანამდე კი, ”მაიბახის” მფლობელს ”მერსედესისთვის” უკვე 187 000 ევრო უნდა ჰქონდეს გადარიცხული...

                                                                  წყარო: AutoBild

სრულად »

McLaren-ის ახალი სარბოლო ავტომობილი – 570S GT4

McLaren-მა თავის მოდელ Sports Series-ის სარბოლო ვერსია შეიმუშავა, რომელიც ორ ვარიანტად დამზადდება. ერთია სატრეკო 570S Sprint-ი, მეორე კი – სარბოლო 570S GT4. პირველი მხოლოდ სატრეკო დღეებისთვის არის გამოსადგი და არც რბოლებზე დაიშვება და არც საერთო სარგებლობის გზებზე. მეორე კი სარბოლო ავტომობილია, რომელიც ბრიტანეთის GT-ს ჩემპიონატში მიიღებს მონაწილეობას.

ბრიტანულ გრან ტურიზმოს ჩემპიონატში, 570S GT4-ით მონაწილეობას მხოლოდ ერთი გუნდი – „ბლექ ბულ ეკური ეკოსი“ მიიღებს. ეს ავტომობილი ჯერ დასრულებული არ არის, თუმცა „მაკლარენი“ აპირებს, რომ მისი სრულყოფა რბოლების დროს განახორციელოს. რაც შეეხება 570S Sprint-ს, ეს სატრეკო ავტომობილი კი არის, მაგრამ მის მფლობელებს, მისი GT4-ად გადაკეთების და რბოლებში მონაწილეობის საშუალება ექნებათ.

GT4-ს გაგანიერებული წინა და უკანა კვალი აქვს, ძარა და შასი კარბონითა და ალუმინით არის დამზადებული. საკიდარში გამოყენებული ზამბარების და ამორტიზატორების წყვილები, ორ პოზიციაში რეგულირდება. ახალია აეროდინამიკური პაკეტი, რომელშიც უკანა დიდი ზომის ანტი ფრთა და დიდი ზომის წინა სპლიტერი შევიდა. ახალი ბამპერის ქვეშ კი დამატებითი რადიატორი განლაგდა.

სარბოლო ავტომობილი 3.8-ლიტრიანი V8 ძრავით აღიჭურვა, რომელსაც ორი ტურბო კომპრესორი ემსახურება. საბაზო Sports Series-ზე ამ ძრავის სიმძლავრე 570 ცხენის ძალა, მაბრუნი მომენტი კი 600 ნიუტონმეტრია. სარბოლო ვერსიების შემთხვევაში კი ჯერჯერობით ძრავის მონაცემები არ გამოქვეყნებულა. იმავე Sports Series-ს ადგილიდან ასის ასაკრეფად 3.2 წამი ჰყოფნის, მისი მაქსიმალური სიჩქარე კი საათში 328 კილომეტრს აღწევს.

სარბოლო და სატრეკო ავტომობილები, უსაფრთხოების კარკასით, ხანძარ საწინააღმდეგო სისტემით და ახალი, მაგნიუმის ბორბლებითაა აღჭურვილი. ბორბლები კი Michelin-ის წარმოების, სარბოლო საბურავებით შეიმოსა.

სარბოლო 570S GT4-ის ფასი 159 900 გირვანქა სტერლინგია.

                                                                        წყარო: SmartBox

სრულად »

Apollo-ს 1000 ცხენისძალიანი „ისარი“

ამ კომპანიას ადრე Gumpert-ი ერქვა და Apollo-ს სახელით, ის მსოფლიოში ერთ-ერთ ყველაზე სწრაფ, მაგრამ საკმაოდ უშნო ავტომობილს უშვებდა. მერე გერმანული კომპანია გაკოტრდა და მის ადგილას ახალი კომპანია შეიქმნ, რომელმაც სახელად Apollo დაიტოვა. ამ სახელის მქონე სუპერ ავტომობილის ბაზაზე კი თავისი პირველი მოდელი, Arrow დაამზადა და ის პირველად ჟენევის მოტორ შოუზე წარადგინა.

„ისარი“ ძველი „აპოლოსგან“ გარეგნულად ძლიერ განსხვავდება. აშკარაა, რომ მისი შემუშავებისას, დიდი ყურადღება დაეთმო აეროდინამიკას. სუპერ ავტომობილი ბევრი ისეთი ელემენტითაა აღჭურვილი, რომელთა დანიშნულებაც, ძარისთვის გარსშემოდენილი ფორმის მინიჭება და ბორბლებზე დინამიური დატვირთვის და შესაბამისად, მათი გზის საფართან ჩაჭიდების გაზრდაა. გაუმჯობესდა გაგრილების სისტემის ეფექტურობა. ასეთი რადიკალური ცვლილების მიუხედავად, ახალი ავტომობილიც, წინამორბედზე არანაკლებ აგრესიულად და რაც მთავარია, თანამედროვედ გამოიყურება.

Arrow კარბონის კომპოზიტისგან დამზადებულ მონოკოკურ არქიტექტურაზეა აგებული. მისი გარეგნობაში აშკარადაა გამოკვეთილი ხასიათი – ეს ავტომობილი ექსტრემალური მართვის მოყვარულებისთვის არის შექმნილი. მას აქვს ეგრეთ წოდებული თოლიას ფრთის სტილის კარები. ძრავი კი ბაზაში, კაბინის უკან არის განლაგებული. ასეთი შეთანწყობაც სუპერ ავტომობილების ჟანრს შეესაბამება და მოსახვევების სწრაფად და მდგრადად გავლის საშუალებას იძლევა.

Apollo Arrow აღჭურვილია 4.0-ლიტრიანი წყვილ ტურბო კომპრესორიანი V8 ძრავით, რომელიც 1000 ცხენის ძალას (!) და 1000 ნიუტონმეტრს (!) გამოიმუშავებს. ძრავთან ორქუროიანი გადაბმულობით 7-საფეხურიანი სეკვენტალური გადაცემათა კოლოფია დაკავშირებული. ამ ტანდემის დახმარებით, ავტომობილს ადგილიდან 100 კმ/სთ სიჩქარის ასაკრეფად 2.9 წამი ჰყოფნის, ორასს 8.8 წამში აღწევს, მისი მაქსიმალური სიჩქარე კი 360 კმ/სთ-ია.

Apollo ამბობს, რომ Arrow-ს საგზაო სერტიფიკატი აქვს მიღებული და იმავდროულად, სრულად შეესაბამება FIA-ს (საერთაშორისო საავტომობილო ფედერაცია) სტანდარტებს. ეს კი იმას ნიშნავს, რომ სხვადასხვა სარბოლო სერიების ჰომოლოგაციის მიღება არ გაუჭირდება.

                                                                   წყარო: SmartBox

სრულად »

BMW ადასტურებს i8 Roadster-ის გამოშვებას

ოთხი წელი გავიდა, რაც BMW-მ პირველად გვიჩვენა i8-ს ღია ვერსია, სახელად i8 Spyder-ი. მას შემდეგ, ბაზარი ამ ავტომობილის გამოსვლის მოლოდინშია და აი, გერმანულმა კომპანიამ, მისი წარმოება გადაწყვიტა. ბავარიელთა მიერ გამოქვეყნებულ ოფიციალურ განცხადებაში ნათქვამია, რომ i8 Roadster-ის გარდა, ჰიბრიდული და ელექტრული მოდელების მწარმოებელი ქვებრენდი i ასევე გეგმავს ჰეჩბეკ i3-ის განახლებას, რის შემდეგაც გაიზრდება მისი ელემენტების ბლოკის ტევადობა და შესაბამისად, ავტომობილის სვლის სიშორე.

ამ ორი ავტომობილის მახასიათებლები ჯერჯერობით არ გამოქვეყნებულა. სამაგიეროდ, BMW-ს რელიზში ლაპარაკია იმაზეც, რომ მალე i-ს მოდელების რაოდენობა შვიდამდე გაიზრდება. მათ შორის იქნება როგორც ელექტროობილები (როგორიცაა i3), ასევე პლაგ-ინ ჰიბრიდული ავტომობილები, რომლებიც ელექტრო ძრავების გარდა, შიდაწვის ძრავებითაც აღიჭურვება. ამათგან მეორის დანიშნულება, მხოლოდ ელექტრო ენერგიის გამომუშავება იქნება. გარდა ამისა, ამ შვიდ ავტომობილს, პლაგ-ინ სისტემით აღჭურვილი Mini-ც დაემატება.

უფრო მეტიც, ჰიბრიდების და ელექტრომობილების პარალელურად, BMW წყალბადის ფიჭური ელემენტების ტექნოლოგიებსაც განავითარებს და მათ დანერგვაზეც იზრუნებს. საინტერესოა, რომ ასეთი სისტემებით აღჭურვილი მისი სატესტო ავტომობილების სვლის სიშორე 700 კილომეტრს აღწევს.

მწვანე ტექნოლოგიების გარდა, ბავარიელები ავტონომიურ ავტომობილებზეც მუშაობენ. კონცეპტუალური პროექტი, სახელად Project i 2.0, ამ მიმართულებით მათი პირველი დიდი ნაბიჯია და ისინი იმედოვნებენ, რომ მისი დახმარებით, ავტონამიური ავტომობილების მოწინავე მწარმოებლის სახელს დაიმკვიდრებენ. სხვათა შორის, ამ მიმართულებით BMW უკვე ინტენსიურად მუშაობს და ავტონომიური ავტომობილისთვის საჭირო არაერთი ტექნოლოგია, ახალ მე-7 სერიაზე დანერგა.

                                                                   წყარო: SmartBox

სრულად »

Global-Platform Subaru მის ახალ გლობალურ პლატფორმას გვაცნობს

Subaru-მ თავისი უახლესი, „გლობალური პლატფორმის“ მოკლე აღწერა გამოაქვეყნა. ეს პლატფორმა მოდულურია და მას იაპონური კომპანია თავისი ახალი თაობის მოდელებისთვის გამოიყენებს. მათ შორის პირველი ახალი Impreza გახდება, რომლის პრემიერაც მალე ნიუ იორკის ავტო შოუზე გაიმართება.

ახალი პლატფორმა, Subaru-ს საშუალოვადიანი გეგმის ნაწილია და კომპანიის განვითარების ძირითად ელემენტს წარმოადგენს. ისეთივეს, როგორებიცაა ბოქსერის ტიპის ძრავების ახალი ოჯახი და სიმეტრიული სრულ ამძრავიანი სატრანსმისიო სისტემა. პლატფორმა დინამიურ, უსაფრთხო და კომფორტულ მართვას, ასევე შემცირებუ ხმაურსა და ვიბრაციის დაბალ დონეს უზრუნველყოფს.

გარდა ამისა, მისი მოდულური სტრუქტურა იმის საშუალებასაც იძლევა, რომ კომპანიამ ეს პლატფორმა ელექტრომობილებისა და ჰიბრიდული მოდელებისთვისაც გამოიყენოს. როგორც Fuji Heavy Industries-ის (Subaru მის ჯგუფში შედის) პრეზიდენტი იასუიუკი იოშინიგა ამბობს, მისი კომპანია მალე ჰიბრიდული ავტომობილების წარმოებას დაიწყებს.

ახალი პლატფორმის წყალობით, მასზე დაფუძნებული მოდელების სტრუქტურული სიმტკიცე, ახლანდელი მოდელების შესაბამის მაჩვენებლებზე, 70-100 პროცენტით მეტი იქნება. გარდა ამისა, საშუალოდ 5 მილიმეტრით დაბლა დაიწევს სიმძიმის ცენტრი. გაზრდლი სიმტკიცის წყალობით, დაახლოებით 50 პროცენტით შემცირდება მოსახვევების გავლისას, ავტომობილის დახრა. ძარაში ინტეგრირებული იქნება უკანა განივი მდგრადობის სტაბილზატორი. ახალი პლატფორმის წყალობით, შეჯახებისას ავტომობილების ენერგოშთანმთქმელი უნარი დაახლოებით 40 პროცენტით გაიზრდება.

კუპე BRZ-ის გარდა, Subaru-ს პრაქტიკულად ყველა მოდელი ამ ახალ პლატფორმაზე აეწყობა. მისი აგებულება იმის საშუალებას იძლევა, რომ მასზე განსხვავებული კლასის და გაბარიტების ავტომობილები აიგოს. იგივე ითქმის შიდაწვის ძრავებზე, ჰიბრიდულ სისტემებსა და ელექტრულ ძალურ დანდგარებზე, რომლებითც ეს ავტომობილები აღიჭურვება.

                                                                   წყარო: SmartBox

სრულად »

ავსტრალიის დიდი პრიზი: როსბერგი - ჰემილტონი - ფეტელი

2016 წლის სეზონში რეგლამენტი თითქმის არ შეცვლილა, ისევე როგორც ძალების განლაგება, რაც კვალიფიკაციამაც დაამტკიცა, რომელიც პირველად ჩატარდა ახალ ფორმატში და მალევე სერიოზული კრიტიკა დაიმსახურა. პირველი რიგი Mercedes -ის მრბოლელებმა დაიკავეს - ლიუის ჰემილტონმა კარიერაში 50-ე პოული მოიპოვა, მეორე რიგიდან რბოლას Ferrari-ს მრბოლელები იწყებდნენ.

ფერარის ძრავებზე გადასვლის შემდეგ სერიოზულად მოუმატეს Toro Rosso-ში და მაქს ფერსტაპენმა კვალიფიკაციაში მეხუთე დრო აჩვენა, იგი მხოლოდ უძლიერესებს ჩამორჩა. მის გვერდით მესამე რიგიდან რბოლას მასა იწყებდა, ხოლო მეოთხედან საინსი და რიკარდო.

Red Bull Racing-ში ახალ კვალიფიკაციას ოპტიმალურად ვერ მიუდგნენ, დანიილ კვიატი ბრძოლას პირველივე სესიაში გამოეთიშა, ტრაფიკში მოყვა. რიკარდო ფინალში კი გაძვრა, მაგრამ პირველ რვა კაცს შორის ბოლო აღმოჩნდა.

შეიცვალა სპორტული რეგლამენტი - პირელიმ ეტაპზე სამი სახის საბურავი - Medium, Soft და SuperSoft მოიტანა - პირველი ორი გამოცხადდა აუცილებლად და გუნდებმა თითო-თითო კომპლექტი გადადეს, რათა ერთ-ერთი მაინც გამოეყენებინათ რბოლაში
კვალიფიკაცია ყველამ SuperSoft-ით ჩაატარა, და თუ პირველი რვა მრბოლელისთვის აუცილებელი იყო რბოლა დაეწყოთ გაცვეთილი საბურავებით, რომლებითაც მათ საუკეთესო დრო აჩვენეს მეორე სესიაში, დანარჩენებს შესაძლებლობა ქონდათ აერჩით მათთვის სასურველი საბურავები პირველი მონაკვეთისთვის, რითაც გარკვეულ უპირატესობას მოიპოვებდნენ. ჯამში პერესი, ჰიულკინბერგი, ბატონი, ბოტასი, კვიატი, გროჟანი, და გუტიერესი რბოლას იწყებდნენ Soft-ით, დანარჩენები SuperSoft-ით.

სტარტმა ინციდენტების გარეშე ჩაიარა. Mercedes-ის მრბოლელები ადგილიდან ნელა მოწყდნენ, ლიდერობა ხელში ფეტელმა ჩაიგდო, მეორე პოზიციას რაიკონენი დაეუფლა,ხოლო ჰემილტონი მეექვსეზე აღმოჩნდა.

პირველი ათეული მე-2-ე წრეზე: ფეტელი - რაიკონენი - როსბერგი - ფერსტაპენი - მასა - ჰემილტონი - საინსი - ჰიულკინბერგი - რიკარდო - ალონსო.

მეორე წრეზე მაგნუსენმა საბურავები შეიცვალა, მესამეზე ჰემილტონმა მასას გაასწრო მეხუთე პოზიციისთვის ბრძოლაში, მეოთხეზე რიკარდომ მერვე პოზიციისთვის ჰიულკინბერგს აჯობა.

მერვე წრეზე საინსმა შეიცვალა საბურავები, ბოტასმა ერიკსონს და ვერლაინს გაასწრო, ხოლო მეცხრეზე რიკარდომ მასას მეექვსე პოზიცია წაართვა.

მეათე წრისათვის ფეტელი რაიკონენს 2.5 წამს უგებდა, ხოლო როსბერგს 3,4-ს.
მე-10-ე წრესე ნასრმა შეასრულა პიტ-სტოპი, მეთერთმეტეზე მასამ, ერიკსონმა და ვერლაინმა, მეთორმეტეზე ბოტასმე ეფექტური დუელის შემდეგ პალმერს გაასწრო.

მე-12-ე წრეზე როსბერგმა, რიკარდომ, ალონსომ და პალმერმა შეიცვალეს საბურავები.

მე-13-ეზე ფეტელმა და ფერსტაპენმა. ფეტელი პირდაპირ როსბერგის წინ გამოვიდა, ნიკომ მას შეუტია, მაგრამ ფეტელი წინ დარჩა.

ფეტელმა SuperSoft-ის კიდევ ერთი კომპლექტი მიიღო მეორე მონაკვეთისთვის და მე-15-ე წრეზე ჰემილტონს გაასწრო, რომელსაც საბურავები ჯერაც არ ქონია შეცვლილი.
მე-15-ე წრეზე ბატონმა, რაიკონენმა, ჰემილტონმა და ჰიულკინბერგმა შეიცვალეს საბურავები.

მე-17-ე წრეზე სერიოზული ინციდენტი მოხდა. ალონსო გუტიერესის გასწრებას ცდილობდა და წინა მარჯვენა საბურავით გამოკრა მექსიკელის მანქანას, Mclaren-ი ჰაერში ავარდა, ბარიერს შეეჯახა, უსაფრთხოების ზონისკენ გადავარდა, ორჯერ ამობრუნდა ჰაერში და ისევ ბარიერს შეასკდა.

ალონსომ დამოუკიდებლად დატოვა კოკპიდი და მაყორებელს მიესალმა, შემდეგ გამოკვლევა ჩაიტარა სამედიცინო ცენტრში - ყველაფერმა ჩაიარა!

გამოვიდა უსაფრთხოების მანქანა , მე-18-ე წრეზე რბოლა წითელი დროშებით შეაჩერეს - საჭირო იყო ნატეხების გატანა და ბარიერის აღდგენა.

პირველი ათეული მე18-ე წრეზე: ფეტელი - როსბერგი - რაიკონენი - რიკარდო - ფერსტაპენი - საინსი - ჰემილტონი - მასა - გროჟანი - ბოტასი.

ბევრმა პილოტმა შეიცვალა საბურავები, Medium-ზე გადაერთვნენ, რომ ფინისამდე არ შეესრულებინათ პიტ-სტოპი, მაგრამ ფერარი SuperSopt-ზე დარჩა - და ფინიშის შენდეგ შეცდომა აღიარეს.

მაგნისენს უფლება მიცეს ლიდერთან ერთ წრეში დაბრუნებულიყო.
მე-19-ე წრეზე უსაფრთხოების მანქანა პიტ-ლეინზე დაბრუნდა. ფეტელმა ლიდერობა შეინარჩუნა. ბატონმა პერესს გაასწრო მე-13-ე პოზიციისთვის ბრძოლაში.

22-ე წრეზე რაიკონენმა ბოქსებში შეუხვია და ბოლში გახვეული მანქანა გააჩერა - გაჩნდა ცეცხლი და მექანიკოსებს ცეცხლჩამქრობის გამოყენება მოუწიათ.

პირველი ათეული 24-ე წრეზე: ფეტელი - როსბერგი - რიკარდო - ფერსტაპენი - საინსი - ჰემილტონი - მასა - გროჟანი - ჰიულკინბერგი - ბოტასი.

ფეტელი SuperSoft-ზე დარჩა და ვერ ახერხებდა Medium-ზე დარჩენილი როსბერგის მოცილებას - თავიდან ინტერვალი სტაბილური რჩებოდა, შემდეგ ფეტელის საბურავებმა ეფექტურობა დაკარგა და ნიკომ ჩამორჩენა შეამცირა.

პერესმა ბატონს გაასწრო მე-12-ე პოზიციისთვის ბრძოლაში.

30-ე წრეზე ბატონმა შეიცვალა საბურავები, 31-ეზე საინსმა, 32-ეზე ვერლაინმა და ფერსტაპენმა - მანქნის მომსახურების დროს შეყოვნება მოხდა. 35-ე წრეზე ფეტელი ეწვია პიტ-ლეინს და ტრასაზე მეოთხე დაბრუნდა.

პირველი ათეული 35-ე წრეზე: როსბერგი - რიკარდო - ჰემილტონი - ფეტელი - მასა - გროჟანი - ჰიულკინბერგი - ბოტასი - პალმერი - საინსი.

მე-40-ე წრეზე მარკუს ერიკსონი ბრძოლას გამოეთიშა, მანქანა კი ბოქსებში გააჩერა.
საინსი პალმერის უკან გაიჭედა, უკნიდან მას ფერსტაპენი უტევდა, რომელიც გუნდს თავაზობდა რომ იგი კარლოსს გაეტარებინა, მაგრამ საინსი არ დანებდა და პალემრს გაასწრო, შემდეგ კი მაქსმაც.

42-ე წრეზეჰემილტონმა რიკარდოს მეორე ადგილისთვის ბრძოლაში გაასწრო და დანილმა ბოქსებისკენ შეუხვია საბურავების გამოსაცვლელად, ტრასაზე კი მეხუთე დაბრუნდა SuperSoft-ის კომპლექტით.

45-ე წრეზე რიკარდომ მასას გაასწრო მეოთხე ადგილისთვის ბრძოლაში.
პირველი ათეული 46-ე წრეზე: როსბერგი - ჰემილტონი - ფეტელი - რიკარდო - მასა - გროჟანი - ჰიულკინბერგი - ბოტასი - საინსი - ფერსტაპენი.

ბოლო წრეებზე ჰემილტონის საბურავებმა ეფექტურობა დაკარგა, ფეტელი მას შეტევის დისტანციაზე მიუახლოვდა - -ბრძოლა მეორე ადგილისათვის გრძელდებოდა იქამდე, სანამ სებასტიანი ბალახისკენ არ გადავარდა შეცდომის შემდეგ - იგი ტრასაზე დაბრუნდა, მაგრამ ლიუისი გაუშვა.

ნიკო როსბერგმა სეზონის პირველი, კარიერაში მე-15-ე და ზედიზედ მეოთხე გამარჯვება მოიპოვა. ლიუის ჰემილტონი პოდიუმის მეორე საფეხურზე ავიდა - Mersedes-მა დუბლი მოიპოვა, მესამე ადგილი ფეტელმა მოიპოვა. წელს Mercedes-ისა და Ferrari-ის ბრძოლა საინტერესოდ უნდა განვითარდეს.

ახალმა ამერიკულმა გუნდმა Haas F1-მა თითქმის შეუძლებელი შეძლო - პირველივე რბოლაში ქულები მოიპოვა - გროჟანმა რბოლა მეექვსე პოზიციაზე დაასრულა!
სამ დებიუტანტს შორის საუკეთესო ჯოლიონ პალმერი აღმოჩნდა, მე-11-ე ადგილი.
ორ კვირაში სეზონი ბაჰრეინის რბოლით გაგრძელდება. დრო მალე გაივლის!

სრულად »