Renault-ის ისტორიაში პირველი პიკაპი

პარიზის მოტორ შოუზე, Renault-ის პავილიონში, შესანიშნავ კონცეპტ Trezor-ს გვერდს სერიული პიკაპი Alaskan-ი უმშვენებდა, რომელიც ფრანგული კომპანიის ისტორიაში, ამ ტიპის პირველი გლობალური ავტომობილია.

ის ნათესავი Nisan-ის პიკაპ Navara-ს პლატფორმაზეა ბაზირებული, რომელზეც მალე თავის პიკაპს Mercedes-benz -იც გამოუშვებს.

Alaskan-ის ძრავების გამაში, რამდენიმე აგრეგატი შევიდა. მათ შორისაა ბენზინის ოთხცილინდრიანი 2.5-ლიტრიანი 160 ცხენის ძალით, ასეთივე მოცულობის (ასევეოთხცილინდრიანი) ორი დიზელი, რომელთა სიმძლავრე 160 და 190 ცხენის ძალაა, ასევე წყვილ ტურბოიანი 2.3-ლიტრიანი dCi, რომელიც ასევე ფორსირების ორი ხარისხითაა და ასევე 160 და 190 ცხენის ძალას გამოიმუშავებს.

ძრავს უწყვილდება ან 6-საფეხურიანი მექანიკური, ან 7-საფეხურიანი ავტომატური კოლოფი. პიკაპი შეიძლება იყოს როგორც წინა, ასევე სრულ ამძრავიანი. მეორე შემთხვევაში, ავტომობილი ასევე ელექტრონული, გაზრდილი ხახუნის დიფერენციალითაც იქნება აღჭურვილი.

Renault Alaskan-ის კლირენსი 230 მილიმეტრია და მას 3.5-ტონიანი მისაბმელის ტარება შეუძლია, რაც, როგორც მისი მწარმოებელი ამბობს, კლასში საუკეთესო მაჩვენებელია. პიკაპის საბარგული შეიძება იყოს მოკლე, ან გრძელი. ამასთან, მასში არის ოთხი სამაგრი, რომელიც ბარგის სწრაფად დამაგრებას უზრუნველყოფს.

                                                              წყარო: Renault Georgia

სრულად »

Ford-ი Mustang-ს 2018 წელს განაახლებს

მეექვსე თაობის Mustang-ი ბაზარზე 2015 წელს გამოვიდა და მას შემდეგ, გაყიდვების რეკორდებს ხშირად ამყარებს. მაგრამ განახლების დროც მოუახლოვდა - საავტომობილო ბაზარზე ყურადღების მოდუნებას წარმატებული საქმის ჩაფლავება შეუძლია. ამიტომ Ford-ი უკვე მუშაობს მის მოდიფიცირებაზე და განახლებულ ავტომობილს ბაზარზე 2018 წელს გამოუშვებს.

გარეგნულ სიახლეებში იქნება უფრო დახვეწილი რადიატორის ცხაური, წინა და უკანა ფარები, წინა და უკანა ბამპერები. სიახლეები იქნება სალონშიც. რაც მთავარია, მსოფლიოში ყველაზე პოპულარული მასქლ ქარი ახალ, 10-საფეხურიან ავტომატურ გადაცემათა კოლოფსაც მიიღებს, რომელიც Ford-მა General Motors-თან ერთად შეიმუშავა და რომელსაც ასევე Stang-ის მთავარი კონკურენტის, Chevrolet Camaro-ს მყიდველს სთავაზობენ.

ძრავების გამა უცვლელი დარჩება. ევროპის ბაზრისთვის განკუთვნილი Mustang-ი კვლავაც ეკობუსტის 2.3-ლიტრიანი და ატმოსფერული 5.0-ლიტრიანი V8 ძრავებით აღიჭურვება. ამასთან, 10-საფეხურიან კოლოფს, ოფციის სახით, მხოლოდ V8 ძრავით აღჭურვილი Mustang-ის ამერიკელ მყიდველს შესთავაზებენ. მოგვიანებით, ეს კოლოფი ევროპელი მყიდველისთვისაც ხელმისაწვდომი გახდება.

Mustang-ის განახლების თაობაზე, ოფიციალურ ინფორმაციას ცისფერი ოვალი ლოს ანჯელესის (ნოემბერში გაიმართება), ან დეტროიტის (იანვარში) უახლოეს მოტორ შოუზე გამოაქვეყნებს.

                                                             წყარო: Ford Georgia

სრულად »

Mercedess-AMG-ი F1-ის ტექნოლოგიის მქონე ჰიპერქარს ქმნის

მიუხედავად ათასობით ჭორისა, Mercedes-მა მართლაც დაადასტურა ახალი ჰიპერქარის შექმნა, რომელიც გაჯერებული იქნება F1-ის ტექნოლოგიით.

მისი შექმნა კი Mercedes-AMG-ს performance-მა ითავა. რა თქმა უნდა არ ვსაუბრობ F1-ით შთაგონებულ ჰიპერქარზე, იგი მთლიანად გამოიყენებს F1-ის 1.6 ლიტრი მოცულობის V ტიპის 6 ცილინდრიან ჰიბრიდულ ძრავს, ენერგიის აღდგენის სისტემას და ჰიბრიდულ ტექნიკას. რაც, მიახლოებით 1000 ცხენის ძალის ტოლი იქნება. აქედან გამომდინარე, იგი ერთ-ერთი პირველი მანქანა იქნება, რომელიც F1-ის ტექნოლოგიას გამოიყენებს გზებზე.

Mercedes-მა AMG GT C როდსტერის პრეზენტაციისას დაადასტურა, რომ მათი ახალი ჰიპერქარი დაჯაბნის McLaren P1-სა და Ferrari LaFerrari-ის. ასევე გერმანელთა სიაში ახალი Aston Martin AM-RB-001-იც შევიდა.

ვინაიდანაც და რადგანაც მანქანა ჯერ კიდევ შექნის პროცესშია, მასზე არანაირი დეტალური ინფორმაცია არ არის, მაგრამ იმის ცნობა, რომ იგი ინტეგრირებული იქნება მთლიანად F1-თან, დამეთანხმებით საინტერესოა.

Mercedes-ის კვლევისა და განვითარების უფროსის Thomas Weber-ის თქმით, იგი ყველა დროის "ყველაზე ეფექტური და საუკეთესოდ შესრულებული" AMG-ს მანქანა იქნება.

ასევე AMG-ს უფროსის Tobias Moers-ის თქმით, მიწოდება დაიწყება "2 ან 2 წელ ნახევარში". აქედან გამომდინარე პროტოტიპი შესაძლოა მომავალ წელს ვიხილოთ.

სრულად »

FIA-მ გამოაქვეყნა Formula 1-ის 2017 წლის სეზონი

FiA-მ ეს-ესაა დაადასტურა 2017 წლის Formula 1-ის კალენდარი, რასაც ავსტრალიის გრან პრი გახსნის და კლავდაკვალ მიყვება ჩინეთი და ბაჰრეინი.

ლოჯისტიკური მიზეზების გამო, ავსტრალია და ჩინეთი თანმიმდევრულად იქნებიან.

Sepang Race now-ს მიზეზით, მალაიზიამ და სინგაპურმა ადგილები გაცვალეს.

კალენდარს, ისევე როგორც 2016 წელს, აბუ დაბი დაამთავრებს.

სამი რბოლა - კანადა, გერმანია და ბრაზილია დამტკიცების პროცესშია.

ასევე დადასტურებულია ევროპის გრან პრისა და ლე მანის 24 საათის "შეჯახება"

იხილეთ კალენდარი:

სრულად »

ახალი Land Rover Discovery-ის დებიუტი 28 სექტემბერს

ახალი Land Rover Discovery (ასევე ცნობილი, როგორც LR4 ამერიკის შეერთებულ შტატებში) დებიუტით წარსდგება თვის ბოლოს, Paris Motor Show-ს გახსნამდე. ოფიციალურ ჩვენებამდე კომპანია მხოლოდ ზემოთ არსებული სურათით შემოიფარგლა, რომელიც უდაოდ მკაცრი გამომეტყველებისაა და თანამედროვე სპორტული-ყველგანმავლის იერს ასახავს.

კომპანიამ დეტალების გაზიარება არ ისურვა გარდა მთავარი დიზაინერის, გერი მაკგოვერნის სიტყვებისა. მისი თქმით: "ახალი Discovery განსაზღვრულია როგორც დიდი სპორტული-ყველგანმავალი. Land Rover-ის დიზაინისა და ინჟინერიის ჯგუფმა შეიმუშავა Discovery-ის გეგმა, თუ როგორ შექმნან მაღალ მოთხოვნადი, მეტად მრავალფეროვანი და ძალზე უნარიანი პრემიუმ ყველგანმავალი".

საერთო ჯამში, მას მსგავსება Discovery Sport-თან უფრო მეტი გააჩნია, (ასევე 2014 წლის Discovery Vision Concept-დან აღებულია რეპლიკები) ვიდრე LR4-თან. ასევე ჭორების თუ დავუჯერებთ, Land Rover-ის სპეციალური დივიზია SVO, Hardcore ვერსიასაც შემოგვთავაზებს.

ინტერიერში კი ერთი შეხედვით დიზაინირებულ კოკპიტს შემოგვთავაზებენ, (როგორც ჭორები იტყობინება) რომელიც აღჭურვილი იქნება Jaguar Land Rover-ის 10.2 ინჩის Touchscreen ეკრანით, განლაგებული ცენტრში და InControl Touch Pro infotainment System სისტემით.

რაც შეეხევა ძრავას, სავარაუდოდ წინამორბედი 4 და 6 ცილინდრის მქონე იქნება, როგორც ბენზინის, ასევე დიზელის.

ცნობისთვის, წლევანდელი Paris Motor Show ხუთშაბათს, 29 სექტემბერს გაიმართება.

სრულად »

Toyota-ს და BMW-ს ერთობლივი პროექტი ავსტრიაში შეიქმნება

სურათზე Toyota FT-1 (ახალი მანქანების სურათი ჯერ-ჯერობით მიუწვდომელია)

როგორც იცით, BMW და Toyota მუშაობენ ერთად ახალი სპორტული ავტომობილის პლათფორმაზე უკვე 6 წელია და საერთო ნამუშევარი ჯერ კიდევ საიდუმლოდ რჩება. ახლა კი მხოლოდ ის ვიცით, თუ საიდან იქნება ის. გერმანული გაზეთი Kleine Zeitung-ის თქმით, ორივე მანქანა იქნება შექმნილი ავსტრიის ქალაქ გრაზში, დამოუკიდებელი სამანქანო მწარმოებლის, Magna Steyr-ის მიერ. დღეის ჟამს Magna ქმნის BMW-ს ორ ავტომობილს: Mini Clubman და Paceman, ასევე სატელევიზიო შოუს ვარსკვლავს, Mercedes-Benz G-class.

BMW ადასტურებს, რომ ახალი ავტომობილი გამოჩნდება პროდუქციაში 2018 წელს, მაგრამ ჯერ-ჯერობით კვლან დუმან თუ რა მანქანა იქნება. ნათქვამია, რომ ახალი Countryman ჯეროვნად იქნება წელს და Paceman "გადაშენების" პირასაა, ამის ფონზე კი ვარაუდია, რომ საიდუმლო ავტომობილი სპორტული სახის იქნება.

ინდუსტრიის აზრით, ახალ მანქანას ერქმევა Z5 და აღარ იქნება პრობლემა სლოტთან დაკავშირებით, რისი გამოცვლაც იყო საჭირო და რაც Z4-ს გააჩნდა. გრაზში ახალი მანქანების წარმოება იქნება მცირე რაოდენობით, (დაახლოებით 60.000) როგორც ეს Toyota-ს და Subaru-ს მოდელების: GT86 და BRZ შემთხვევაში იყო.

Toyota-ს მხრიდან ბევრი არაფერია ცნობილი შეთანხმების შესახებ, რომ ახალ მანქანას ერქმევა Supra, როგორც ამას ბევრი ავტოჟურნალი თუ მედია ფიქრობდა. ასევე არ გამოჩენილა მისი მანქანის ტესტირება, როგორც ამას BMW აკეთებს. ასევე არის ცნობა, რომ Toyota იყენებს ახალ ჰიბრიდ სისტემას, რომელიც მან უკვე გამოიყენა WEC (World Endurance Championship) ტიპის მანქანებში. ეს კი მითითებაა იმისა, რომ სპორტული მანქანაა მაგრამ ერთი რამ უკვე ნაცნობია უდაოდ, ეს არ იქნება ახალი Solara.

სრულად »

ფეტელის ფერარის არანაირი ძრავის დაზიანება არ აღენიშნება

ფერარის თქმით სებასტიან ფეტელის ფერარის არ აღენიშნება დაზიანების კვალი რომელიც რუსული გრან პრის დროს მოხდა.

რბოლის დაწყებისას კვიატი "შეიბოჭა" რის შედეგადაც მეორე მოსახვევში ფეტელს დაარტყა, ფეტელმა რული ვერ დაიმორჩილა და ბარიერს შეეჯახა.

რბოლის შემდეგ, team principal Maurizio Arrivabene-ის თქმით ფერარი დაურწმუნებელი იყო დაზიანების შესახებ, რაც უკვე ფეტელისთვის მესამეა სეზონში.

მან თქვა: "შეჯახება საკმაოდ ძლიერი იყო, განსაკუთრებით მანქანის უკანა ნაწილისთვის და ასევე ბარიერისთვის."

ქარხანაში ჩატარებული გამოძიების მიხედვით, ფერარის თქმით არავითარი ვარაუდი არის, რომ ძრავი დაზიანებულია.

გუნდი გამოცვლის გადაცემათა კოლოფს რაც დადგენილი წესია და არ მოიცავს დაჯარიმებას.

სრულად »

TVR ჯერ კიდევ პირდება დაბრუნებას 2016 წლის ლონდონის მოტორ შოუზე

8 წლიანი ხარვეზის შემდეგ ლონდონის მოტორ შოუ დაბრუნდა და თან სრულიად შესაფერისად, სადაც აღმდგარი ბრიტანული ავტომწარმოებელი TVR პირველად გამოჩნდება საჯაროდ შოუს განმავლობაში.

უკანასკნელი მანქანა რომელიც ვიხილეთ TVR-ს მიერ იყო დიდებული Sagaris, რომელიც წარმოებული იყო მცირე რაოდენობით 2005 წლიდან 2006 წლამდე. სანამ TVR-ს არ დაუნონსებია რა ერქმევა ახალ მანქანას, ვიცით მხოლოდ ის რომ იგი იქნება აღჭურვილი 5.0 ლიტრი მოცულობის V8 ტიპის ძრავით, რომელიც ფორდ მუსტანგ GT-ს ეკუთვნის. 

ახალი ავტომობილი მიიღებს ლეგენდარული ფორმულა 1-ის დიზაინერი გორდონ მურაის IStream კონსტრუქციას. რადგან რეგულარული მატერიის გამოყენება ღრმა მექანიზირებული კონსტრუქციის პროცესში არ შეეფერება თუნდაც ამ ილუსტრირებულ ავტომობილს. ძლიერი და მსუბუქი, monocoque ( სამხედრო სტრუქტურული მეთოდი რომლის დახმარებით ტვირთი/მგზავრი დაცულია ავტომობილის გარეგნული გარსით) სტრუქტურა და ძარის გარსი დამზადებული იქნება კარბონისგან, სპეციალური ვერსიებისთვის. და ასევე იქნება ხელმისაწვდომი როგორც ოფცია მოგვიანებით, პროდუქციულ მოდელებზე.

TVR-ს თავჯდომარის განცხადებით, 400-ზე მეტი დეპოზიტი დაიხურა რამაც წარმოების 1 წელი განათავსა. TVR-მ ასევე შექმნა სამომავლო გეგმა რომელიც მოიცავს ახალი 3 მოდელის დამატებას შემადგენლობაში და აწარმოოს დაახლოებით 2.000 მანქანა 2022 წლისთვის.

სრულად »

გუგლი ამატებს Chrysler Pacifica-ს თვით-მართვად პარკში

ბოლო თვეების განმავლობაში, გუგლმა გააფართოვა მისი თვით-მართვადი სამანქანო პროგრამა რათა ჩაეშვა საერთო ჯამში აშშ-ს 4 შტატში. რაც ნიშნავს, რომ კომპანიას სჭირდება მეტი ავტომობილი ტესტირებისთვის. სწორედ ამას შეემატა ახალი 2017 წლის Chrysler Pacifica ჰიბრიდი, რომელიც იქნება ამ პროგრამის განუყრელი ნაწილი.

გუგლის თანახმად, გეგმა შეიცავს 100 ჰიბრიდულ მინივენს. FCA-სთან (Fiat Chrysler Automobiles) პარტნიორობით, ისინი იმედოვნებენ რომ მათი Pacifica გამოჩნდება გზებზე წლის ბოლოს.

პირველი შემთხვევაა როდესაც გუგლი მუშაობს ავტომწარმოებელთან თავისი სისტემის გასაუმჯობესებლად. ეს ყველაფერი კი Pacifica-ს ქმნის უნიკალურ მანქანად გუგლის ტესტში. FCA ქმნის მინივენებს სპეციალურად გუგლისთვის, რაც უადვილებს მათ მოათავსონ ყველა ის კომპიუტერი თუ სენსორი ადვილად ავტომობილში.

Pacifica-ს უზუნველყოფით გუგლს აქვს შანსი დაიწყოს ტესტი უფრო დიდ ავტომობილზე. ამ ტიპის ავტომობილი შეიძლება იყოს გასაღები, როდესაც ზემოთხსენებული მანქანები იქნებიან გზაზე. ისინი ქმნიან უფრო მარტივ მგზავრთა ჩასასხდომს მათვე დიფერენციალურ კარებებში, რამაც შეიძლება შექმნას ზე-არჩევანი მგზავრთათვის. გუგლს იმედი აქვს თანამშრომლობა დააჩქარებს ტესტირების პროცესს და სისტემა მალე იქნება ხელმისაწვდომი.

სრულად »

როტორული ძრავი

როტორული ძრავი არის შიგაწვის ძრავთა ერთ-ერთი წარმონადგენელი, რომელიც პირველი მსოფლიო ომის დროს იქნა შექმნილი (1920წ). თავდაპირველად ამ ძრავას 80 კილოვატის განვითარება შეეძლო მაგრამ, დროთა განმავლობაში მოხდა მათი ავიაციაში გამოყენება და შესაბამისად სიმძლავრეც გაიზარდა.

როტორულ ძრავში არ არის ისეთი ნაწილები გამოყენებული, რომელთაც ჩვეულებრივში ვხვდებით. არსებობს ერთ, ორ, სამ და ოთხ როტორიანი ძრავები. პირველი ავტომობილი რომელიც ამ უკანასკნელით აღიჭურვა იყო Mazda Cosmo (2 როტორიანი).

მოკლედ განვიხილოთ ამ ძრავის მუშაობის პრინციპი. ჩვეულებისამებრ ბლოკში მოთავსებულია მუხლა ლილვი და იგი შიგ ბლოკშივე ტრიალებს, მაგრამ როტორულ ძრავის შემთხვევაში, კი პირიქით. მუხლა ლილვი ადგილზეა და მთლიანი ძარა ტრიალებს მის გარშემო.

   როგორ მუშაობს როტორული ძრავი

ამ ძრავებს, სხვა მრავალთაგან გამოარჩევს ისიც, რომ უძველესი დროიდან (ავიაციის პერიოდშიც კი) უარი ითქვა კარბურატორზე და მისი ადგილი ფრქვევანებმა დაიკავეს.
როტორულ ძარებს უფრო ხშირად მაზდას RX სერიის ავტომობილებში ვიხილავთ, მაგალითად RX-7 ან RX-8.
ქარხნულად ეს ძრავები არ გამოირჩევიან სიმძლავრით, მაგრამ მცირედი ცვლილებების შეტანისას (ბლოკი, როტორები, ფრქვევანები) 80-იდან 300მდე და უფრო მეტ კოსმიურ რიცხვებთან ახლოვდებიან.

აღსანიშნავია ასევე ის, რომ დიდი ზომის ტურბინის დაყენებისას როტორულ ძრავებს არ აქვთ ე.წ. Turbo Lag რაც ნიშნავს დროის მონაკვეთს ტურბინის გახსნამდე.
სამწუხაროდ, მაზდამ 2010 წელს უარი თქვა როტორიან ძრავებზე, რამაც ავტომოყვარულები იმედგაცრუებული დატოვა, მაგრამ მაზდას განცხადებით, ისინი მუშაობენ RX-9 კონცეპტზე რომელიც 3 როტორიანი ძრავით აღიჭურვება და ქარხნულად 300+ ცხენის ძალა ექნება.

ზემოთხსენებული როტორული ძრავები არის ძალიან პატარა, ანუ სურვილისამებრ, ჩაის მაგიდაზე შეგიძლიათ იგი ააწყოთ რაც მის სიმსუბუქეზეც მეტყველებს. ყველაფერ ამასთან ერთად აქვს მინუსიც და ეს მინუსი მის სიჩქარეში გამოიხატება. ანუ, დიდი სისწრაფისას და დიდი დატვირთვისას ხშირია მისი "დასტუკება", რაც გამომდინარეობს მისი ინტენსიური ცვეთისგან და დაბალრესურსიანობისგან.

არსებობს ბევრი მითი ამ ძრავთა კუბატურაზე. ქარხნულად 1.0-დან 1.3-მდე მერყეობს მაგრამ დიდი წვის გამო, ბევრი ამბობს რომ ეს 2.5 ან სულაც 3.6 არის.

სრულად »

რუსეთის დიდი პრიზი: როსბერგი - ჰემილტონი - რაიკონენი

2016 წელს რუსეთის დიდი პრიზი შემოდგომიდან გაზაფხულზე იქნა გადმოტანილი, მიუხედავათ ამისა მაისის პირველ დღეს ტრიბუნებზე ანშლაგი იყო. უიქ-ენდმა გრილ, მაგრამ მშრალ ამინდში ჩაიარა, პრაქტიკებზე მერსედესი დომინირებდა, ხოლო კვალიფიკაციაში მოულოდნელად ორი კვირის წინ განვლილი ჩინეთის ეტაპის სცენარი განმეორდა.

ჩინეთში ლიუის ჰემილტონმა კვალიფიკაციაში მონაწილეობა ვერ მოახერხა - ბოქსებიდან გამოსვლის დროს ძრავმა სიმძლავრე დაკარგა, მწყობრიდან გამოვიდა MGU-H. გუნდმა გამოძიება ჩაატარა, შეცვალეს რამოდენიმე ელემენტი და დარწმუნებულები იყვნენ, რომ პრობლემა გადაიჭრა, მაგრამ სოჭში სიტუაცია განმეორდა, ამჯერად არა პირველ, არამედ მეორე საკვალიფიკაციო სესიის დროს. ამგვარად, ნიკო როსბერგმა ადვილად მოიპოვა პოული, ხოლო ჰემილტონი ტრასაზე არ გამოსულა და რბოლას მეათე იწყებდა.

კვალიფიკაციის დროს მეორე ადგილის ავტორმა სებასტიან ფეტელმა ხუთი ადგილი დაკარგა გადაცემათა კოლოფის შეცვლის გამო, ასე რომ პირველი რიგიდან რბოლას როსბერგი და ბოტასი იწყებდნენ, მეორედან - რაიკონენი და მასა, მესამედან - რიკკარდო და პერესი.

საბურავების მწარმოებლებმა რუსეთის ეტაპზე არ მოიტანეს ახალი UltraSoft-ი და შემოიფარგლენ ტრადიციული სამეულით Medium - Soft - SuperSоft. ჯამში Medium-ით, უიქ-ენდის დროს არავის არ უმუშავია, ყველაზე რბილ SuperSoft-საც რამოდენიმე წრე ჭირდებოდა, რომ გამთბარიყო გრილ ამინდში.
ჰიულკინბერგი, გუტიერესი და ერიკსონი რბოლას Soft-ით იწყებდნენ, დანარჩენები SuperSoft-ით.

სტარტზე როსბერგმა ლიდერობა შეინარჩუნა. პირველ მოსახვევებს ინციდენტების გარეშე არ ჩაუვლია - ფეტელმა რიკარდოს შეუტია, უკნიდან დამუხრუჭების დროს გერმანელის მანქანას ორჯერ დაარგყა კვიატმა - თავიდან მეორე, ხოლო შემდგომ მესამე მოსახვევში. გუტიერესი ხარიანტოს და ხიულკინბერგს შეეჯახა. ფეტელი და ხიულკინბერგი ბრძოლას გამოეთიშნენ.

გამოვიდა უსაფრთხოების მანქანა. პერესი, გუტიერესი, კვიატი, რიკარდო და ერიკსონი ბოქსებისკენ გაემართნენ ბოლიდების შესაკეთებლად. Red Bull Racing-ის მრბოლელები და გუტიერესი Medium-ზე გადავიდნენ.

პირველი ათეული უსაფრთხოების მანქნის უკან: როსბერგი - რაიკონენო - ბოტასი - მასა - ჰემილტონი - ფერსტაპენი - ალონსო - გროჟანი - მაგნუსენი - პალმერი.
მეოთხე წრეზე ბრძოლა გაგრძელდა. როსბერგმა ლიდერობა შეინარჩუნა. ბოტასმა რაიკონენს გაასწრო, ჰემილტონმა მასას.

ერიკსონმა კვიატს შეუტია, მრბოლელები რამოდენიმე მოსახვევი ცვლიდნენ პოზიციებს, ჯამში მარკუსი წინ გავიდა, ხოლო შემდეგ კვიატს პერესმაც გაასწრო
მეშვიდე წრეზე რაიკონენი ცდილობდა ბოტასზე შეტევას, რითაც ჰემილტონმა ისარგებდა და კიმის გაასწრო.

მეცხრე წრეზე კვიატმა სტარტზე მოქმედებისთვის 10 წამიანი Stop&Go ჯარიმა მოიხადა, გუტიერესი პიტ-ლეინზე გავლით დასაჯეს.

პირველი ათეული მეათე წრეზე: როსბერგი - ბოტასი - ჰემილტონი - რაიკონენი - მასა - ფერსტაპენი - ალონსო - გროჟანი - მაგნუსენი - პალმერი.

მეთორმეტე წრეზე საინსმა საბურავები შეიცვალა. მეთოთხმეტე წრეზე ვერლაინმა შეასრულა პიტ-სტოპი, მეთხუთმეტეზე პალმერმა.

მეთხუთმეტე წრისათვის როსბერგს 12 წამიანი უპირატესობა ქონდა ბოტასზე, ხოლო ვალტერი, ჰემილტონი და რაიკონენი მჭიდროდ მოძრაობდნენ ბრძოლის გარეშე - შეტევის დისტანციაზე მიახლოება რთული იყო.

მეჩვიდმეტე წრეზე ბოტასმა და მაგნუსენმა შეიცვალეს საბურავები, მეთვრამეტეზე ჰემილტონმა და გრაჟანმა, მეცხრამეტეზე მასამ. ჰემილტონი ტრასაზე ბოტასის უკან დაბრუნდა და მეცხრამეტე წრეზე ვალტერის და ალონსოს გაასწრო. 21 წრეზე ბოტასმა ჰემილტონის მანევრი გამოიყენა და ალონსო უკან მოიტოვა.

21-ე წრეზე რაიკონენმა და ბატონმა შეიცვალეს საბურავები, კიმი ტრასაზე ბოტასის წინ დაბრუნდა.

22-ე წრეზე როსბერგმა და ალონსომ შეასრულეს პიტ-სტოპი. ნიკომ ლიდერობა შეინარჩუნა, ჰემილტონი კი მას თორმეტი წამით ჩამორჩებოდა . 23-ე წრეზე ფერსტაპენმა, ბოლომ შეიცვალა საბურავები.

პირველი ათეული 24-ე წრეზე: როსბერგი - ჰემილტონი - რაიკონენი - ბოტასი - მასა - პერესი - ფერსტაპენი - ერიკსონი - ალონსო - რიკკარდო.

სტიუარდებმა საინსი 10 წამიანი ჯარიმით დასაჯეს პალმერთან ინციდენტის გამო.
28-ე წრეზე პერესმა მეორედ შეიცვალა საბურავები, ხოლო კვიატმა ვერლაინს გაასწრო 17-ე ადგილისათვის ბრძოლაში.

30-ე წრეზე რიკკარდო Medium-იდან Soft-ზე გადავიდა. ბატონმა პალმერს მეთორმეტე პოზიციისთვის ბრძოლაში აჯობა.

34-ე წრეზე ფერსტაპენს ძრავმა უმტყუვნა და რბოლას გამოეთიშა ინტერვალი როსბერგსა და ჰემილტონს შორის დიდი ხანი სტაბილური რჩებოდა, მაგრამ 33-ე წრეზე ნიკომ რამოდენიმე წამი დაკარგა, რადგან წრეზე ჩამორჩენილ მრბოლელებს უსწორდებოდა, ხოლო ლიუისმა ტემპს მოუმატა.

პირველი ათეული 37-ე წრეზე: როსბერგი - ჰემილტონი - რაიკონენი - ბოტასი - მასა - ალონსო - მაგნუსენი - გროჟანი - პერესი - საინსი.

ინჟინერმა ჰემილტონს წყლის წნევის პრობლემებზე შეატყობინა, ლიუისმა ტემპს უკლო და ლიდერთან მისი დაშორები ისევ ათ წამს გადაცდა, მალე ჰემილტონმა გაიგო რომ წნევა დასტაბილურდა.

50-ე წრეზე ბატონმა მეათე პოზიციისთვის ბრძოლაში საინსს გაასწრო, 51-ეზე რიკარდომ პალმერს.

ნიკო როსბერგმა რუსეთის დიდი პრიზი მოიგო, სეზონში მეოთხე და კარიერაში 18-ე გამარჯვება მოიპოვა, პირველად კარიერაში დიდი ჩაფხუტი - პოული, გამარჯვება, საუკეთესო წრე და ლიდერობა სტარტიდან ფინიშამდე.

ლიუის ჰემილტონმა მეათე ადგილიდან დაწყებული რბოლა მეორე ადგილით დაასრულა, კიმი რაიკონენი პოდიუმის მესამე საფეხურზე ავიდა, და ფერარის ისტორიაში მე-700-ე პოდიუმი მოიპოვა. სეზონში პირველად McLaren Honda-ს ორივე პილოტმა მოიპოვა ქულები. პირველად სეზონში Red Bull Racing-ი ქულების გარეშე დარჩა.

ორ კვირაში სეზონი ბარსელონაში გაგრძელდება.

სრულად »

ქართული ჯავშან მანქანა დიდგორი 1

დიდგორი I - ქართული წარმოების ჯავშან მანქანა, რომელიც შეიქმნა სსსტც "დელტას" მიერ 2009 წელს. ისევე როგორც მისი უცხოური კლასის კონკურენტები იგიც მრავალმიზნობრივია და გამოიყენება სხვადასხვა დანიშნულებით. მაგალითად დესანტის გადაყვანა, მზვერავი, საცეცხლე მხარდამჭერი და ა.შ.

შექმნილია F550 Super Duty-ის ბაზაზე. (სხვათაშორის ეს ბაზა ჩვეულებრიც F550-ის ბაზასთან შედარებით მოდერნიზირებულია და უფრო მტკიცეა.) ხოლო მის მამოძრავებელ ძალას წარმოადგენს V ტიპის 8 ცილინდრიანი 6.4 ლიტრი მოცულობის ტურბო დიზელი ძრავა (Power Stroke - Scorpion), 356 ცხენის ძალით და დამხმარე ჰიდრავლიკური მართვით. მაქსიმალური სიჩქარე 120-140 კმ/სთ გზაზე, ხოლო უზოობაზე 80 კმ/სთ. აჩქარება 22 წამი (100 კმ/სთ). 1 გამართვით ფარავს 500 კმს, თუკი სიჩქარე იქნება არაუმეტეს 60 კმ/სთ. თითოეულ აგრეგატს მარაგში აქვს 20 ლიტრი. ავტომობილს შეუძლია ოპერაციების ჩატარება -22/+55 გრადუსში და აქედან გამომდინარე მისი გამოყენება ყველგანაა შესაძლებელი. საბურავები აღჭურვილია "Run flat tires" სისტემით, რაც საშუალებას იძლება დაზიანების შემთხვევაში გაიაროს 50 კილომეტრი, 50 კმ/სთ-ით. ასევე 60% დაქანებაზე და 40% აღმართზე ასვლა. მიუხედავად იმისა, რომ იგი არ არის ამფიბიური, შეუძლია 1 მეტრიანი სიღრმის გავლა წყალში.

თითოეულ მოდელი აღჭურვილია "Flir system"-ის თერმული და ღამის ხედვის ხელსაწყოებით, რომელიც დაყენებულია წინ, უკან და ე.წ "ბრმა" ადგილებში. ხელსაწყოებისგან მიღებული ინფორმაცია სალონში არსებულ 3 მონიტორს გადაეცემა. ასევე აღჭურვილია სპეციალური GPS სისტემით, რომელიც SMS სახით გზავნის ინფორმაციას ეკიპაჟთან. ყველა ჩამოთვლილი სისტემა მუშაობს ნებისმიერ მეტეოროლოგიურ პირობებში. კონსტრუქტორების თქმით, მას შეუძლია სრული დატვირთვით იმუშაოს -32/+55 გრადუსში ელექტრო სისტემების დაზიანების გარეშე. მთლიანი სისტემა მუშაობს 24 ვოლტზე, 200 ამპერმეტრიან გენერატორთან და 78 ამპ/სთ ბატარეასთან ერთად. ავტომობილს სტანდარტუალდ არ მოყვება რადიო, რაც დამატებით ოფციაში შედის და მყიდველის სურვილზეა დამოკიდებული.

სტანდარტულ შეიარაღებაში შედის M134 მინიგანი, რომელიც მონტაჟდება მაღლა და მუშაობს მექანიკურად ან ავტომატურად. ამ ტიპის მინიგანს შეუძლია 300-დან 6000-მდე გასროლა წუთში. დამონტაჟებული იარაღის წონა შეადგენს 22.7 კილოგრამს ამუნიციის გარეშე. ძირითადი ამუნიციაა 7.62x51mm. ამუნიციის ტევადობა 1500-დან (58კგ) 4500-მდეა (134 კგ) შესაძლებელი. არჩევითი სტანდარტული შეიარაღებაა 12.7x108 DSHK ან NSV ტიპის ტყვიამფრქვევები. უახლეს ვერსიებს აქვთ DRWS-1 ტიპის დისტანციურად მართვალი ტყუპი 12.7 და 7.62 ტყვიამფრქვევები. ალტერნატიული საშუალებაა ავტომატური ყუმბარმტყორცნი, ანტი-სატანკო და ახლო მანძილზე მომუშავე ჰსთ სისტემა.

აგებულებაზე დამოკიდებულების და კუთხური კომბონაციის გამო მანქანა ე.წ "კვერცხის გარსიანია". მისი ჯავშანი აკმაყოფილებს STANAG 4569 II და III დონეს მცირე კალიბრის წინააღმდეგ, 7.62x39 და 7.62x54 ჩათვლით. ძრავის და ეკიპაჟის ნაკვეთურ ადგილები განლაგებულია ორმაგი ჯავშნის ფენა, რომელიც უძლებს ისევე როგორც ნაღმს, ასევე სხვა ასაფეთქებელ საშუალებას, რომელიც ესაბამება STANAG 41569 2A დონეს. ეკიპაჟის სავარძელი ისეა დამზადებული, რომ შთანთქავდეს აფეთქებას. ისევე როგორც შესაძლებელია მასზე დაყენდეს სისტემა Run flat tires ასევე შესაძლებელია Central tires inflation system-ის დაყენება, რათა გაიზარდოს დაზიანებული საბურავის სიცოცხლისუნარიანობა. ოთხივე საბურავის კიდეები ბალისტიკურია. ჯავშნის მასალის ზუსტი კომბინაცია გასაიდუმლოებულია.

• ხელმისაწვდომი ვარიანტებია:

სამეთაურო / საკომუნიკაციო

შეჯავშნული მედევაკი

.

• საუდის არაბეთის შეიარაღებულ ძალებს ყავს 12, რომელიც მომავალში გაიზრდება კონტრაქტის მიხედვით.

• გაიმარჯვა საუდის არაბეთის ტენდერში რაც ითვალისწინებდა მანქანის დატვირთვას და ა.შ უდაბნოში.

• ტენდერის დროს მან ამერიკული Lenco BearCat და Oshkosh M-ATV დაჯაბნა.

• სისტემა Run flat tires - როდესაც ავტომობილის საბურავი მწყობრიდან გამოდის, სისტემა იწყებს მოქმედებას რაც ნიშნავს რომ "დაფუშული" საბურავებით მიაღწევს დანიშნულების ადგილას. მაგალითად დაზიანების შემთხვევაში შეუძლია განავითაროს 50 კმ/სთ და ამ სიჩქარით გაიაროს 50 კილომეტრი, რის შემდეგადაც უკვე მისი გამოცვლა იქნება საჭირო. სისტემას დღითიდღე ხვეწავენ და ცდილობენ სიჩქარე და კილომეტრაჟი გაზარდონ.

• სისტემა Central tires inflation system - საბურავის დაზიანდებისას სისტემა უზრუნველყოფს კონტროლი იქონიოს საბურავში არსებულ ჰაერის წნევაზე, რომ გაზარდოს ავტომობილის გადაადგილება სხვადასხვა რელიეფზე. მაგალითად, როდესაც ჰაერის წნევა შემცირდება, საბურავი ქმნის კონტაქტის დიდ ადგილს საბურავისა და მიწას შორის და მართვა რბილ მიწაზე ხდება უფრო მარტივი. ასევე ნაკლებ დაზიანებას აყენებს ზედაპირს.

• სისტემა Monocoque - "კვერცხის გარსი" - იგი არის სტრუქტურული მეთოდი რომლის დახმარებით ტვირთი/მგზავრი დაცულია ავტომობილის გარეგნული გარსით. სიტყვა ფრანგულიდან არის რაც ნიშნავს "ერთ გარსს" ან "ერთ ქერქს/ნაჭუჭს".

ვინაიდან და რადგან მანქანა ბრძოლაში არაა "მონათლული" მისი შეფასება ჭირს როგორც მებრძოლი, მაგრამ როგორც მანქანა დაამტკიცა მისი დადებითი მხარე საუდის არაბეთის ტენდერში.

სრულად »

ისრაელის ჯავშან მანქანა ვულფი

Wolf - ისრაელის მიერ წარმოებული დაჯავშნული ტიპის ავტომობილი, რისი შექმნის მთავარი მიზანიც იყო შეექმნათ უკეთესი განმავლობის და უკეთესად დაჯავშნული ავტომობილი, რომელიც შეცვლიდა მოძველებულ M113 (ბარდელას). მისი წონიდან გამომდინარე იგი მძიმედ დაჯავშნულ კლასში გადის და აერთიანებს სატვირთოს სიჩქარეს, მანევრულობას და "პერსონალური დაჯავშნული მზიდავის" სტილის ჯავშანს. ასე ვთქვათ, დახარისხებულია მცირე ჯგუფების საჭიროებისადმი გამოსაყენებლად. იგი ისევე როგორც ჩვენი სამამულო DIDGORI დამზადებულია F550-ის ბაზაზე და აქვს V ტიპის 8 ცილინდრიანი 6 ლიტრი მოცულობის ძრავა. ძრავა დაკავშირებულია 5 სიჩქარიან ავტომატურ გადაცემათა კოლოფზე რომელიც მართავს ოთხივე თვალს. (4x4)

როგორც მაღლა ითქვა. მისი შექმნის უმთავრესი მიზანი იყო სამხედროების უფრო უსაფრთხო ტრანსპორტირება საქალაქო სიტუაციაში, სამშვიდობი მისიებში და ა.შ. მისი პირველად გამოყენება დაფიქსირდა 2006 წლის 14 მარტს ოპერაცია - Bringing home the goods ისრაელის მიერ.

Wolf შედგება ტექ. ენით "კომერციული შელფის" მიერ, რაც ნიშნავს, რომ იგი გამოდის სტანდარტულად, ყველანაირი გაძლიერების, მოდერნიზაციის და ა.შ გარეშე. მართალია, მისი ბაზა სამოქალაქო ვერსიის ავტომობილიდანაა გადმოტანილი მაგრამ მისი ცოტაოდენი მოდერნიზაცია მაინც მოხდა. (მთლიანი მოდერნიზაცია მანევრულობას წაართმევდა პირველ რიგში). როგორც მაღლა ითქვა მის მამოძრავებელ ძალას წარმოადგენს დიზელის 6 ლიტრიანი ძრავი 325 ცხენის ძალით რომელიც დაკავშირებულია 5 სიჩქარიან ავტომატურ გადაცემათა კოლოფზე. მისი წონა შეადგენს 8 ტონას. როდესაც ჯავშანი დამონტაჟებულია, მას არანაირი სისტემის შეცვლას არ საჭიროებს (რა თქმა უნდა ავტომობილის). ჯავშანი ისეა დამზადებული, რომ იცავს სამხედროებს, ავტომობილის სხვადასხვა ელემენტებს და საბურავებს. ჯავშნის გარსი დამოუკიდებლადაა შექმნილი და განცალკევებულია შასისგან, რაც შესაძლებლობას იძლევა იგივე ჯავშანი სხვა შასზე (სხვა ავტომობილზე) გადავიტანოთ. რა თქმა უნდა იგივე მოდელზე.

იგი სრულიადაა დაცული, ასევე საბურავებიც, რომელიც აღჭურვილია Run flat tires სისტემით. ჯავშნის წონა 3 ტონაა (3.048 კგ). მისთვის ჯავშნის ამხელა წონა პრობლემა არაა რადგან მთლიანად 8 ტონას იწონის (8.128 კგ). ყოველი კარი ტყვიაგაუმტარია, ასევე ძრავი და გადაცემათა კოლოფი. მთლიანობაში მას აქვს 6 კარი: 4 გვერდზე და 2 წინ რაც საშუალებას იძლევა სამხედროები ადვილად ჩასხდნენ აღჭურვილობასთან ერთად. ასევე  ავარიული (გაქცევის) რეჟიმიც. ამ ყველაფერთან ერთად ექსტერიერი V-სებრი ფორმისაა რაც საშუალებას იძლევა რპგ, სმოვი და ა.შ "აისხლიტოს". ინტერიერი აღჭურვილია ორმაგი საჰაერო გაგრილების სისტემით და ყველა აუცილებელი ატრიბუტით.. რადგანაც შასზე არ ჩატარებულა ღრმა მოდერნიზაცია  არ გააჩნია პრობლემა ძრავის გადახურებასთან ან მანევრთან. (საუბარია 50+ გრადუსზე). შედეგად მისი გამოყენება ყველგანაა შესაძლებელი უპრობლემოდ, პლიუს დიდი ხნით. ასეთი წონის გამო, შეუძლია 10 კაცის გადაყვანა და პლიუს 2ის ოფციის დამატების შემთხვევაში. ტექნიკურად ავტომობილი მაინც ორიგინალ ნაწილებზეა მაგრამ თვალსაჩინოდ აქვს შეცვლილი საბურავები და სამანევრო ღერძი. მოდერნიზაციის გამო მისი მწყობრიდან გამოყვანა არც თუ ისე ადვილია.

• საქართველოს არმიას დაახლოებით 13+ ყავს.

• იყენებენ როგორც სპეცდანიშნულება და ა.შ ისევე მედევაკის სახით.

•სისტემა Run flat tires - როდესაც მანქანის საბურავი მწყობრიდან გამოდის, სისტემა იწყებს მოქმედებას რაც ნიშნავს რომ "დაფუშული" საბურავებით მიაღწევს დანიშნულების ადგილას. მაგალითად დაზიანების შემთხვევაში შეუძლია განავითაროს 50 კმ/სთ და ამ სიჩქარით გაიაროს 50 კილომეტრი, რის შემდეგადაც უკვე მისი გამოცვლა იქნება საჭირო. სისტემას დღითიდღე ხვეწავენ და ცდილობენ სიჩქარე და კილომეტრაჟი გაზარდონ.

•ასევე არსებობს მისი ჩინური ასლი, რომელიც "ვულფის" და "კობრას" ნაჯვარია.

რა თქმა უნდა პლიუსებთან ერთად მინუსებიც აქვს.

1. ცხაური (ცხვირი) არის სწორი და არა დაქანებული, რის გამოც მისი მწყობრიდან გამოსვლა ადვილია. ნაგულისხმევია ძრავის მწყობრიდან გამოყვანა და ა.შ

2. საბურავები კი არის დაცული მაგრამ ასე ვთქვათ მაინც შიშველია. რის გამოც მისი მოწყვეტა შესაძლებელია ღერძიდან.

სხვა ისეთი ვერაფერი მოვნახე ცნობილი რადგან მანქანას ჯერ კიდევ იყენებენ. მაშასადამე მისი მონაცემებიც გასაიდუმლოებულია.

სრულად »

გაიცანით – Tesla Model 3

(SmartBox) Tesla Motors-მა თავისი ახალი ელექტრომობილი – Model 3 წარმოგვიდგინა. ეს ავტომობილი არავის ჰქონდა ნანახი, მაგრამ ოფიციალურ პრემიერამდე ბოლო 24 საათის განმავლობაში, კომპანიის დილერებმა მასზე 115 000-ზე მეტი წინასწარი შეკვეთა მიიღეს. უფრო მეტიც, ახალ ავტომობილზე შეკვეთების მიღება პრეზენტაციის დროსაც გაგრძელდა და მის განმავლობაში, ავტომობილის შეძენაზე 1 000-დოლარიანი დეპოზიტი კიდევ რამდენიმე ათეულმა ათასმა ადამიანმა შეიტანა.

პრეზენტაციის დროს, ამერიკული კომპანიის აღმასრულებელმა ელონ მასკმა განაცხადა, რომ Model 3-ის საბაზო ვერსია 35 000 დოლარი ეღირება, ტოპ ვერსიების მყიდველს კი 50-60 ათასის გადახდაც მოუწევს. ამ ავტომობილს ხუთი ადამიანის კომფორტულად გადაყვანა შეუძლია. საბაზო ვერსიის სვლის სიშორე 350 კილომეტრამდე იქნება და მისი გაყიდვები 2017 წელს დაიწყება.

პრეზენტაციაზე, ახალი ავტომობილის შესახებ მხოლოდ მწირი ინფორმაცია გავრცელდა. ადრე იყო ლაპარაკი იმაზე, რომ Model 3 აიგებოდა Model S-ის მოდიფიცირებულ პლატფორმაზე. მაგრამ შემდეგ გადაწყდა, რომ მომცრო სედანისთვის ახალი შასი მოემზადებინათ. წარდგენის მიუხედავად, Model 3-ის ტესტები ჯერაც არ დასრულებულა. მასკი მის მყიდველს პირდება, რომ ეს იქნება თავის კლასში ყველაზე უსაფრთხო ავტომობილი და ის NHTSA-ს ყველა კატეგორიაში უმაღლეს, ხუთვარსკვლავიან შეფასებას დაიმსახურებს.

მასკმა ასევე განაცხადა, რომ Model 3-ის საბაზო ვერსია, ადგილიდან 100 კმ/სთ სიჩქარის აკრეფას 6.0 წამზე ნაკლებში მოასწრებს, ტოპ ვერსია კი იმავე აჩქარებას დაახლოებით ოთხ წამს მოანდომებს. მაქსიმალურ სიჩქარეზე მას არაფერი უთქვამს.

გარდა ამისა, ავტომობილი სადა ინტერიერით გამოირჩევა. იქ საჭის გვერდზე, დიდი ზომის ტაბლეტი განლაგდა, რომლითაც ავტომობილის სისტემების მართვა და სისტემების მდგომარეობის კონტროლია შესაძლებელი. სახურავი პანორამულია. მასკი ირწმუნება, რომ Model 3-ის სტანდარტულ ეკიპირებაში, ავტონომიური მართვის სისტემებიც შევა.

წყარო: SmartBox

სრულად »

ბაჰრეინის დიდი პრიზი: როსბერგი - რაიკონენი - ჰემილტონი

თუ სეზონის პირველი რბოლა ხშირად გვთავაზობს სიურპრიზებს, მაშინ ჩემპიონატის მეორე ეტაპი ბაჰრეინში, რომელიც ძრავების სიმძლავრეს და ეფექტურობას მოითხოვს, უფლება მოგვცა ძალთა გადანაწილება რეალურად შეგვეფაებინა.

უიკ-ენდი უჩვეულოდ გრილი გამოდგა, შუადღისკენ ჰაერის ტემპერატურა +25C-ს არ ცდებოდა, ასე რომ უდაბნოში გუნდები ერთ-ერთი მთავარი ფაქტორის გარეშე დარჩნენ, მაგრამ მეორე დაემატა - საბურავიების ტიპებს შორის სხვაობა გრილ ამინდში ძალიან დიდი აღმოჩნდა, ასე რომ გუნდებს გეგმების კორექტირება მოუწიათ.

პირველი ორი რიგი მთლიანად იმეორებდა ორი კვირის წინანდელ სიტუაციას - შაბათს ჰემილტონმა გადამწყვეტ სწრაფ წრეზე სეზონში მეორე პოული მოიპოვა, როსბერგი მას მხოლოდ 77 წამის მეათასედით ჩამორჩა, მეორე რიგიდან კი რბოლას ფეტელი და რაიკონენი იწყებდნენ.

Red Bull Racing-ისთვის შაბათის ღამემ სიტუაცია შეცვალა - ცარჯიშებზე კვიატი კმაყოფილი იყო მანქანით, ხოლო რიკარდო პრობლემებს უჩიოდა, კვალიფიკაციაში კი ყველაფერი პირიქით მოხდა, კვიატმა მხოლოდ მე-15-ე დრო ანახა, ხოლო დენი ფინალში გაძვრა და რბოლას მეხუთე იწყებდა.

McLaren Honda-ში ექიმებმა ალონსო რბოლაში არ დაუშვეს მელბურნში მომხდარის გამო, იგი გონდის სარეზერვო პილოტმა სტოფელ ვანდორნმა ჩაანაცვლა, სადებიუტო რბოლას სტოფელი მე-12-ე პოზიციიდან იწყებდა.

კვალიფიკაციაში პასკალ ვერლაინმა ყველა გააოცა - იგი თავის Manor-ით საუკეთესო აღმოჩნდა მათ შორის, ვინც ბრძოლას პირველი სესიის დროს გამოეთიშა, მან თანაგუნდელს, Sauber-ის, renault-ის პილოტებს და სერხიო პერესს გაასწრო.

კვალიფიკაცია იმავე ფორმატით ჩატარდა როგორც მელბურნში.

კევინ მაგნუსენი რბოლას პიტ-ლეინიდან იწყებდა - პარასკევს იგი ასაწონად არ მივიდა, რის გამოც იგი მსაჯებმა დასაჯეს.

პირველი რვა პილოტი რბოლას გაცვეთილი SuperSoft-ებით იწყებდა, დანარჩენებს არჩევანის უფლება ქონდათ. ჯამში საინსი, კვიატი, ვერლაინი, ერიკსონი, ხარიანტო, ნასრი და მაგნუსენი რბოლას Soft-ით, ხოლო დანარჩენები კი SuperSoft-ით იწყებდნენ.
გასახურებელ წრეზე ფეტელის მანქანაზე ძრავა გამოვიდა მწყობრიდან, მანქანამ ბოლის ღრუბელი გამოუშვა და სებასტიანი უსაფრთხოების ზონაში გაჩერდა. ჯოლიონ პალმერმა პიტ-ლეინისკენ გადაუხვია ჰიდრავლიკასთან დაკავშირებული პრობლემების გამო და რბოლაში მონაწილეობა არ მიუღია.

სტარტზე როსბერგმა ლიდერობა შეინარჩუნა. რაიკონენი ადგილიდან ცუდად მოწყდა და რამოდენიმე პოზიცია დაკარგა. ბოტასმა რამოდენიმე საფეხურით წინ წაიწია, მაგრამ დამუხრუჭების დროს დააგვიანა და პირველ მოსახვევში ჰემილტონს შეასკდა. დარტყმა საკმაოდ ძლიერი იყო, ლიუისი მოსრიალდა და მეცხრე აღმოჩნდა, მაგრამ ორივე პილოტმა განაგრძო მოძრაობა.

ჰიულკინბერგმა ინციდენტის შემდეგ ბოქსებს მიაშურა საბურავების შესაცვლელად. პერესთან კონტაქტის შემდეგ საინსს საბურავი გაუსკდა და ამის გამო ის დიდიხანი მიდიოდა ბოქსებისკენ.

პირველი ათეული მე-2-ე წრეზე: როსბერგი - მასა - ბოტასი - რიკარდო - რაიკონენი - გროჟანი - ჰემილტონი - გუტიერესი - ფერსტაპენი - ბატონი.

კვიატმა ვერლაინს და პერესს გაასწრო და მე-12-ე პოზიციაზე გადაინაცვლა
როსბერგი კომფორტულად ლიდერობდა, მეხუთე წრისთვის მასა მას შვიდი წამით ჩამორჩებოდა. რაიკონენმა რიკარდოს, ხოლო შემდეგ ბოტასსაც გადაუსწრო და მესამე პოზიციაზე ავიდა.

მეშვიდე წრეზე რიკარდომ შეიცვალა საბურავები, ხოლო ბატონმა ბოლიდი ტრასაზე გააჩერა, ძრავთან დაკავშირებული პრობლემების გამო.

მერვე წრეზე მასამ შეასრულა პიტ-სტოპი, იგი Medium-ზე გადაერთო, ხოლო ჰემილტონმა ბოტასს გაასწრო და სამეულში დაბრუნდა.

მეცხრე წრეზე ბოტასმა და გუტიერესმა შეიცვალეს საბურავები. მსაჯებმა ბოტასი პიტ-ლეინზე გავლით დასაჯეს ჰემილტონთან მომხდარი ინციდენტის გამო, და მეათე წრეზე მან ჯარიმა მოიხადა.

მე-11-ე წრეზე გუტიერესმა მანქანა ბოქსებში გააჩერა, ხოლო ფერსტაპენმა და ნასრმა საბურავები შეიცვალეს. ვანდორმა ჰიულკინბერგს გადაასწრო.

მე-12-ე წრეზე გროჟანმა და ვერლაინმა შეიცვალეს საბურავები. ფერსტაპენმა პერესს გაასწრო მე-11-ე პოზიციისთვის ბრძოლაში.

მე-13-ე წრეზე რაიკონენმა შეიცვალა საბურავები, რიკარდოს და მასას დუელის უკან დაბრუნდა - ჯამში ფელიპემ თავიდან დენი, შემდეგ კი კიმიც გაატარა, რაიკონენმა რიკარდოსაც გადაასწრო და ამ ჯგუფში გალიდერდა.

მე-14-ე წრეზე როსბერგმა და ჰემილტონმა შეასრულეს პიტ-სტოპი, ხოლო რაიკონენმა კვიატს გაასწრო. როსბერგი ტრასაზე ლიდერად დაბრუნდა, ჰემილტონი მხოლოდ მეექვსე.

მე-15-ე წრეზე პერესმა შეიცვალა საბურავები, მე-17-ეზე კვიატმა, მრბოლელებიდან ბოლომ. ჰემილტონმა რიკარდოს გადაასწრო და მესამე პოზიციაზე გადავიდა. მე-17-ე წრეზე ჰიულკინბერგმა მეორედ შეასრულა პიტ-სტოპი ხოლო გროჟანმა თავისი Haas-ით მასას გაასწრო Williams-ზე.

მე-20-ე წრეზე ფერსტაპენმა მასას გაასწრო მეექვსე პოზიციისთვის ბრძოლაში. კვიატმა ვერლაინს, ნასრს და ერიკსონს გაასწრო და მეცხრე პოზიციაზე გადავიდა.
პირველი ათეული 22-ე წრეზე: როსბერგი - რაიკონენი - ჰემილტონი - რიკარდო - გროჟანი - ფერსტაპენი - მასა - ვანდორნი - ბოტასი - კვიატი.

22-ე წრეზე საინსმა შეიცვალა საბურავები. 24-ე წრეზე გროჟანმა რიკარდოს გადაასწრო - Haas-ი Red Bull-ს ასწრებს მეოთხე პოზიციისთვის ბრძოლაში - ვის შეეძლო ცოტახინის წინ ასეთი რამ წარმოედგინა? კვიატმა ბოტასს გადაასწრო მეცხრე ადგილისთვის ბრძოლაში.
25-ე წრეზე რიკარდომ შეიცვალა საბურავები - პატარა შეფერხება მოხდა. 26-ე წრეზე ვანდორმა შეასრულა პიტ-სტოპი, ხოლო რიკარდომ ბოტასს გადაასწრო. 27-ე წრეზე ფერსტაპენმა შეიცვალა საბურავები, 28-ზე გროჟანმა, 29-ზე ჰემილტონმა 30-ზე რაიკონენმა.

რგოჟანმა და ფერსტაპენმა ბოტასს გაასწრეს, რიკარდომ - კვიატს და მასას.
30-ე წრეზე მასამ შეიცვალა საბურავები, 31-ზე როსბერგმა, ვერლაინმა და ერიკსონმა. როსბერგმა ლიდერობა შეინარჩუნა.

საინსი ბრძოლას გამოეთიშა, მან ბოლიდი ბოქსებში გააჩერა. გროჟანმა და ფერსტაპენმა კვიატს გაასწრეს, და დანიილმა ბოქსებისკენ შეუხვია საბურავების გამოსაცვლელად. მასამ ვანდორნს გადაასწრო, ჰიულკინბერგმა და ერიკსონმა პერესს, კვიატმა მაგნუსენს.
ვერლაინმა პერესს გადაასწრო მე-12-ე პოზიციისთვის ბრძოლაში. 38-ე წრეზე რაიკონენმა შეიცვალა საბურავები, მე-40-ზე - მაგნუსენმა და როსბერგმა.

კვიატმა ვანდორნს გადაასწრო მერვე პოზიციისთვის ბრძოლაში. 41-ე წრეზე გროჟანმა შეიცვალა საბურავები - უკანა მარცხენა საბურავის დამაგრების დროს შეფერხება მოხდა. 42-ე წრეზე ჰემილტონმა შეასრულა პიტ-სტოპი, 43-ზე ვანდორნმა და ვერლაინმა, 45-ზე კვიატმა, 46-ზე ხარიანტომ.

46-ე წრეზე გროჟანმა გადაასწრო მასას მეექვსე პოზიციისთვის ბრძოლაში. 47-ე წრეზე ფერსტპენმა შეიცვალა საბურავები.

51-ე წრეზე კვიატმა გაასწრო ბოტასს მერვე პოზიციისთვის ბრძოლაში - ვალტერიმ კონტრშეტევა განახორციელა, მაგრამ დანიილმა პოზიცია შეინარჩუნა.
ვერლაინმა ჰიულკინბერგს გაასწრო, ფერსტაპენმა მასას. 53-ე წრეზე ჰიულკინბერგმა შეიცვალა საბურავები.

ბოლოსწინა წრეზე კვიატმა მასას გადაასწრო მეშვიდე პოზიციისთვის ბრძოლაში.
ნიკო როსბერგმა ბაჰრეინის რბოლა მოიგო, სეზონში მეორე, ზედიზედ მეხუთე და კარიერაში მე-16-ე გამარჯვება მოიპოვა და პირად ჩათვლაში უპირატესობა გაზარდა.
კიმი რაიკონენმა ზედიზედ მეორედ დაასრულა ბაჰრეინის რბოლა მეორემ, მაგრამ ამჯერადაც ფინიშამდე Ferrari-ს მხოლოდ ერთმა ბოლიდმა მიაღწია. ლიუის ჰემილტონი პოდიუმის მესამე საფეხურზე ავიდა.

მელბურნში ყველას გაოცების შემდეგ, გროჟანმა ამჯერად მეხუთე პოზიციაზე დაასრულა რბოლა. სტოფელ ვანდორნმა თავის სადებიუტო რბოლაში Mclaren Honda-სთვის სეზონში პირველი ქულები მოაგროვა.

ორ კვირაში ბრძოლა შანხაიში გაგრძელდება! დრო სწრაფად გაივლის!

სრულად »

განახლებული Nissan GT-R

(SmartBox) უკვე რვა წელია, Nissan GT-R-ი ბაზარზეა, მაგრამ ამ დროის განმავლობაში, თითქმის არ შეცვლილა. ეს არცაა გასაკვირი, რადგან ამ ავტომობილს პრაქტიკულად არ აქვს ნაკლი. ყოველი ფეისლიფტინგი მინიმალური გარეგნული ცვლილებებით და სიმძლავრის მცირე მატებით შემოიფარგლება. ნიუ იორკის ავტო შოუზეც, GT-R-ი ოდნავ განახლებული წარსდგა.

დიზაინში ერთი საინტერესო სიახლეა: სუპერ ავტომობილს სედან Maxima-ს რადიატორის ცხაური „გადაუნერგეს“. შეიცვალა წინა და უკანა ბამპერებიც. რაც მთავარია, ისევ 0.26-ის დონეზე დარჩა აეროდინამიკური წინააღმდეგობის კოეფიციენტი. სხვა მხრივ, ის ისევ ის „ჯიტიარია“, რომელსაც მთელ მსოფლიოში უამრავი ფანი ჰყავს და რომელსაც მომავალში კლასიკური ავტომობილის თიკუნი არ ასცდება. და თუნდაც ის მინიმალურად იცვლება, მაინც პოპულარობით სარგებლობს.

ძრავიც – 3.8-ლიტრიან იV6 ტურბო, ოდნავ გაძლიერდა. ის ახლა 550-ის ნაცვლად, 570 ცხენის ძალას გამოიმუშავებს. ძრავთან წყვილში ისევ ორქუროიანი გადაბმით დაკავშირებული 6-საფეხურიანი რობოტიზებული გადაცემათა კოლოფი მუშაობს. ის უფრო რბილად მუშაობს და ნაკლებად ხმაურიანიცაა. ამ ტანდემის დახმარებით, ავტომობილს ასის ასაკრეფად 2.8 წამი ჰყოფნის, მისი მაქსიმალური სიჩქარე კი საათში 320 კილომეტრს აღწევს.

საგრძნობლად გაიზარდა ავტომობილის მზიდი სტრუქტურის სიმტკიცე და დაიხვეწა საკიდარი. შემცირდა ხმაური, რასაც ხელი შეუწყო ტიტანის გამოსაბოლქვის აღჭურვამ სისტემა „აქტივ საუნდ ენჰანსმენტით“. ამ სისტემის დახმარებით, შესაძლებელია გამოსაბოლქვის ხმაურის რეგულირება. ძრავის სიმძლავრის ზრდას კი, ინჟინრებმა ანთების სისტემის ოპტიმიზებით და ტურბინაში ჩაბერვის წნევის გაზრდით მიაღწიეს.

სიახლეებია სალონშიც. შეიცვალა მულტიმედიური სისტემა და კლიმატ კონტროლი, ასევე მაჩვენებლების დაფა, საჭის რგოლი და გადაცემების შესაცვლელი ბერკეტი. სალონში არსებული გადამრთველების რიცხვი, 27-დან 11-მდე შემცირდა. საერთო ჯამში, ინტერიერი უფრო სადა და სპორტული ხასიათისთვის შესაფერისად მარტივი გახდა.

                                                               წყარო: SmartBox

სრულად »

Lamborghini-მ მე-5000 Aventador-ი გამოუშვა

(SmartBox) Lamborghini-ს ფლაგმანმა სუპერ ავტომობილმა Aventador-მა მნიშვნელოვანი ზღვარი გადალახა – იტალიურმა კომპანიამ ის უკვე 5 000 ცალი დაამზადა. ამგავარად, ის წინამორბედ Murcielago-ზე პოპულარული გახდა. ცნობისათვის, Murcielago ათი წლის განმავლობაში, თითქმის 4 000 ცალი გაიყიდა. Aventador-ს კი ხუთ წელიწადში 5 000 მყიდველი გამოუჩნდა.

მე-5 000 ავტომობილი არის Aventador LP700-4 Roadster-ი, რომელიც წითელ (როსო ბია) ფერშია შეღებილი, რომელიც პირველად Aventador LP750-4 Superveloce-ზე გამოიყენეს. ფერი ოქროს ნაწილაკებს შეიცავს, რომელიც ძარის ზედაპირს განსაკუთრებულ ელვარებას ანიჭებს. ეს გამორჩეული ავტომობილი იტალიაში დარჩება, რადგან ის სწორედ აპინინზე შეუკვეთეს.

საინტერესოა, რომ Aventador-ს ჯერაც წინ ელის განახლება, რაც სანტ’აგატა ბოლონეზელებს იმედს აძლევს, რომ ამ ავტომობილის გაყიდვები 10 000-ს მიუახლოვდება. განახლების გარდა, კომპანია კიდევ ერთი სპეც ვერსიის გამოშვების მიზანშეწონილებას განიხილავს. შემდგ კი ბაზარზე Aventador-ის შემცვლელი გამოვა.

მართალია, Aventador-ი უკვე ხუთი წლისაა, ის მაინც შესაშური მახასიათებლებით გამოირჩევა. მისი 6.5-ლიტრიანი V12 ატმოსფერული ძრავი, 700 ცხენის ძალას და 690 ნიუტონმეტრს გამოიმუშავებს. ძრავთან დაკავშირებულია 7-საფეხურიანი ნახევრად ავტომატური ტრანსმისია, რომელიც მამოძრავებელ ძალას ოთხივე ბორბალს უნაწილებს. ამ ტანდემის დახმარებით, ავტომობილს ადგილიდან ასის აკრეფა 2.9 წამში შეუძლია, მისი მაქსიმალური სიჩქარე კი საათში 350 კილომეტრს აღწევს.

                                                                   წყარო: SmartBox

სრულად »

Ford Escape შუშის საწმენდის გამათბობლით

ამიერიდან, ფორდი თავის ქროსოვერ „ისკეიპის“ მყიდველს, საქარე შუშის საწმენდის გამათბობელით აღჭურვას შესთავაზებს. ასეთი სისტემა ვერსია „ტიტანიუმის“ სტანდარტულ ეკიპირებაში შევა, მოდიფიკაცია SE-ს მყიდველს კი მას დამატებითი ოპციის სახით შესთავაზებენ. ახალი სისტემა საკმაოდ მარტივია და ცივ მხარეებში მცხოვრებლებს ბევრ პრობლემას აარიდებს. მათ აღარ მოუწევთ მანქანის გაჩერების შემდეგ, საწმენდების ამოწევა, რათა ისინი შუშას არ მიეყინოს.

იმისათვის, რომ საქარე შუშის და მისი საწმენდის გაყინვა აირიდოს თავიდან, „ფორდი“ შუშას გამათბობელი ელემენტით აღჭურვავს, რომელიც ზუსტად იმ ადგილის გათბობას უზრუნველყოფს, სადაც საწმენდი არის გაჩერებული. ასეთი გამათბობლის დახმარებით, მინუს 28 გრადუსი ყინვის დროს, გაყინული შუშის და საწმენდის გალღობა 10 წუთში არის შესაძლებელი. ასეთი გამათბობელი დაახლოებით ისე მუშაობს, როგორც გაყინული უკანა შუშის გალღობის სისტემა.

კავშირის სისტემა SYNC-ით აღჭურვილი „ისკეიპის“ მფლობელებს, გამათბობლის შორიდანვე, მანქანაში ჩაჯდომამდე კარგა ხნით ადრე, სმარტფონის დახმარებით ჩართვის საშუალება ექნებათ. სმარტფონით მფლობელს თავისი ავტომობილის გადატვირთულ სადგომზე მოძებნა, მისი ჩაკეტვა ან გახსნა და დაქოქვაც კი შეუძლია. ახლა კი ამ ფუნქციებს საქარე შუშის და მისი საწმენდის გამათბობლის ჩართვაც დაემატა. უფრო მეტიც, SYNC კავშირის სისტემა იმის საშუალებასაც იძლევა, რომ ავტომობილი დათქმულ დროს სრულ მზადყოფნაში (რა თქმა უნდა, გალღობილი საქარე შუშით და მისი საწმენდით) დაგახვედროთ.

ცივი რეგიონებისთვის განკუთვნილ პაკეტში ასევე შედის გამათბობლით აღჭურვილი სავარძლები და გარე სარკეები, ასევე ძრავის გამთბობი სისტემა, რაც ცივ ამინდში მის დაქოქვას აადვილებს.

                                                              წყარო: Ford Georgia

სრულად »

Mansory 4XX Siracusa 778 ცხენის ძალით

(SmartBox) Ferrari-ს ავტომობილები თავისი სრულყოფილებით გამოირჩევიან, მაგრამ ტუნინგზე ორიენტირებული კომპანიები მაინც ახერხებენ ამ სრულყოფილების უფრო დახვეწას და თავიანთ მყიდველს, კიდევ უფრო დახვეწილ პროდუქტს სთავაზობენ. სატუნინგო ატელიეებს შორის კი Mansory ერთ-ერთი ყველაზე გამორჩეულია. ამის დასტურია 4XX Siracusa, რომელიც Ferrari 488 GTB-ს ბაზაზე შეიქმნა და ახლა უკვე 778 ცხენის ძალით ხიბლავს მდიდარ ავტო გურმანებს.

როგორც Mansory ამბობს, 4XX Siracusa უნიკალურ, კარბონის სტრუქტურაზეა აგებული. მისი წყვილ ტურბო კომპრესორიანი 3.9-ლიტრიანი V8 ძრავი კი 778 ცხენის ძალას და 870 ნიუტონმეტრს გამოიმუშავებს. ავტომობილის მთავარი ღირსება კი მისი ძარაა, რომელიც აეროდინამიკური ელემენტებით არის დახუნძლული. ამ ელემენტების დახმარებით, ავტომობილის გზასთან ჩაჭიდება მნიშვნელოვნად არის გაუმჯობესებული. ყველა ეს ელემენტიც კარბონისგან არის დამზადებული, რაც 4XX Siracusa-ს სიმსუბუქეს განაპირობებს.

„4XX სირაკუზა“ 20- (წინ) და 21-დუიმიან (უკან) ბორბლებზე დგას, რომლებიც შესაბამისად, 255/30 და 325/25 ზომის საბურავებით არის შემოსილი. დამოკლებული ზამბარების წყალობით, ავტომობილის სიმძიმის ცენტრმა 20 მილიმეტრით დაბლა დაიწია. „მანსორი“ ირწმუნება, რომ ძრავის გაძლიერებას, მხოლოდ მხოლოდ ძრავის მართვის ოპტიმიზებით და სპეციალური გამოსაბოლქვი სისტემის გამოყენებით მიაღწია.

ამ ყველაფრის მეშვეობით, „სირაკუზა“ საბაზო მოდელზე ოდნავ ტემპერამენტიანი გამოდგა: ადგილიდან ასის აკრეფა 2.9 წამში შეუძლია (488 GTB ამას 3.0 წამშ ახერხებს), მისი მაქსიმალური სიჩქარე კი საათში 341 კილომეტრია (488 GTB-ს შემთხვევაში, 330 კმ/სთ).

                                                                 წყარო: SmartBox

სრულად »

Aston Martin-ი F1-ზე სწრაფ ჰიპერ ავტომობილს გამოუშვებს

(SmartBox) Aston Martin-ს სურს, რომ მისი ახალი პარტნიორის, ფორმულა 1-ის გუნდ Red Bull-ის ტექნიკურმა დირექტორმა ედრიან ნიუიმ, მისთვის ისეთი ჰიპერ ავტომობილი შეიმუშაოს, რომელიც სილვერსტოუნის ტრეკს, ფორმულა 1-ის ბოლიდზე სწრაფად გაივლის. სუპერ ავტომობილების მწარმოებელმა ბრიტანულმა კომპანიამ და მსოფლიოს ოთხგზის ჩემპიონმა, ტექნოლოგური პარტნიორობის შესახებ, ფ1-ის სეზონის პირველი ეტაპის წინ გამოაცხადეს.

ხელშეკრულების თანახმად, Red Bull-ი Aston Martin-ს ისეთი ჰიპერ ავტომობილის შემუშავებაში დაეხმარება, რომელიც ყველა დროის უსწრაფესი საგზაო ავტომობილის სახელს მოიხვეს. პარალელურად, Aston Martin-ის რეკლამა, ავსტრიული გუნდის ბოლიდებზე დაიტანეს. პირველადი გეგმით, ბრიტანული კომპანია ამ ავტომობილს მხოლოდ 99 ცალს დაამზადებს, თითოეულის ფასი კი მილიონ დოლარზე მეტი იქნება.

ჰიპერ ავტომობილს სახელად AM-RB 001 შეურჩიეს. ინიციალები შესაბამისად, „ასტონ მარტინს“ და „რედ ბულს“ ნიშნავს, რიცხვი კი – მათს პირველ ერთობლივ პროექტს. მიზანი, რომლის შესაბამისადაც, ეს ავტომობილი ფ1-ზე სწრაფი უნდა იყოს, „ასტონის“ მთავარმა აღმასრულებელმა ენდი პალმერმა დასახა.

„როცა ჩვენ ასეთ ავტომობილს გამოვუშვებთ, ყველას მიზანი მისი ჯობნა გახდება. ჩვენი მიზანია, ჩვენი მანქანა, სილვერსტოუნზე ფ1-ის მანქანებზე სწრაფი იყოს. ან თუნდაც მსოფლიოს ნებისმიერ სხვა ტრეკზეც. დარწმუნებული ვარ, არის ავტომობილები, რომლებსაც სწორზე ფ1-ზე მეტი სიჩქარის აკრეფა შეუძლიათ. მაგრამ ჩვენ ავტომობილებს დრეგისთვის არ ვაკეთებთ. ჩვენ ისეთ ავტომობილებს ვუშვებთ, რომლების გამოყენებაც შესაძლებელია“, – ამბობს პალმერი.

ამ ეტაპზე, Aston Martin-ს არ აქვს გადაწყვეტილი, თუ რა სპეციფიკაციები ექნება ახალ ავტომობილს. თუმცა ცნობილია, რომ მისი ფორმა, გრაუნდ ეფექტის აეროდინამიკის შესაბამისად შემუშავდება. ამ საქმეში კი ნიუი მსოფლიოში საუკეთესო სპეციალისტია. სხვა თუ არაფერი, სწორედ მისი დიდი დამსახურებაა ის, რომ Red Bull-მა ზედიზედ ოთხჯერ მოიპოვა ფ1-ის მსოფლიო ჩემპიონის ტიტული და ფ1-ის კონსტრუქტორთა თასი.

„უნივერსიტეტში ჩემი ბოლო პროექტი, ავტომობილებზე გრაუნდ ეფექტის აეროდინამიკის გამოყენებას ეხებოდა. მე ამ პროექტზე 1980 წელს დავიწყე ფიქრი და დღემდე მისი ერთგული ვარ“, – ამბობს ნიუი და დასძენს, რომ ამ ტიპის ავტომობილის შემუშავება იმ თავისუფლებას ანიჭებს, რაც ფ1-ს ძალიან აკლია: „ეს კრეატიულობის მეტ შესაძლებლობას მანიჭებს. ფორმულა 1-ის რეგლამენტი, ფაქტობრივად გამზადებულ პროექტს გვაძლევს. ამიტომაა, რომ სარბოლო ავტომობილები სულ უფრო მეტად ემსგავსება ერთმანეთს. საგზაო ავტომობილებზე მუშაობისას კი გაცილებით მეტი თავისუფლებაა და ამიტომ, არსებულისგან ძალიან განსხვავებული პროდუქტის შექმნას შევძლებთ“.

Red Bull-ის შეფი კრისტიან ჰორნერი დარწმუნებულია, რომ ერთობლივად შემუშავებული ჰიპერ ავტომობილი, ფ1-ის ხელმძღვანელობას იმას დაანახებს, თუ რისი შექმნაა შესაძლებელი, რომ არა მეტისმეტი შეზღუდვები. „ჩემი აზრით, ამ მანქანის მთავარ ღირსება, შეუზღუდავი აეროდინამიკა იქნება. ვფიქრობ, ფ1-ს აქვს იმის საშუალება, რომ გაცილებით სწრაფი იყოს. ამ მიმართულებით, 2017 წელს იგეგმება ნაბიჯის გადადგმა. შეუზღუდავი აეროდინამიკის წყალობით, ეს მანქანა ძალიან სწრაფი იქნება. მისი აეროდინამიკის საშუალებით, შესაძლებელი გახდება, ჩვენს მიერ ოდესმე შექმნილი ყველა დანარჩენ ავტომობილზე გაცილებით მეტი ჩაჭიდების ძალის გენერირება“, – ამბობს ჰორნერი.

ამ ფოტოებზე გამოსახულია ნიუის და „რედ ბულის“ მიერ შემუშავებული კონცეპტუალური ავტომობილი X2010, რომელიც პირველ რიგში, სწორედ აეროდინამიკით გამოირჩევა. კომპიუტერულმა გათვლებმა აჩვენა, რომ მას მოსახვევების გავლა, ფ1-ის ბოლიდებზე გაცილებით სწრაფად შეუძლია…

                                                                   წყარო: SmartBox

სრულად »

აი, როგორი იქნება ახალი Lincoln Navigator-ი

”ლინკოლნის” დიდი ქროსოვერის, ”ნავიგატორის” ახალი თაობა 2017 წლის ბოლოს უნდა გამოვიდეს, მანამდე კი ამერიკელებმა კონცეპტი წარმოადგინეს - მაშ ასე, როგორი იქნება ახალი ”ნავიგატორი”?

”მშვიდი ფუფუნება” - სწორედ ასე მოიხსენიებენ ლინკოლნელები თავიანთ ახალ კონცეფციას, რომელსაც ფოტოებზე ხედავთ. დიდი დაკვირვება არ ჭირდება იმას, რომ ავტომობილი ულტრა-მდიდრულია - ამას ნებისმიერი რაკურსით გადაღებულ ფოტოზე შეამჩნევთ. საქმე ისაა, რომ ”ნავიგატორის” ეს კონცეპტი ვიზუალურად მართლაც უფრო მშვიდია, ვიდრე აგრესიული.

”ლინკოლნის” დიზაინერები აცხადებენ, რომ მუშაობის დროს, მათთვის იდეების წყარო თანამედროვე მდიდრული იახტები იყო. თუმცა კრიტიკული თვალი აუცილებლად შეამჩნევს მსგავსებებს Range Rover-თან. კარების ამგვარი კონცეფცია, რა თქმა უნდა, არფრთოვანებას გამოიწვევს, მაგრამ ნაკლებად სავარაუდია, რომ სერიულ მოდელს ასეთი კარები ჰქონდეს.



სამაგიეროდ, დიდია იმის შანსი, რომ ახალი ”ნავიგატორი” ვიზუალურად მართლაც ასე გამოიყურებოდეს - მით უმეტეს ინტერიერი! იმ ქვეყნებში, სადაც ამხელა ქროსოვერები უყვართ, ნამდვილად აღფრთოვანდებიან იმითაც, რომ საბარგულში რეალური, ნამდვილი გარდერობია.

კონცეპტი აღჭურვილია 3,5-ლიტრიანი EcoBoost ძრავით, რომლის სიმძლავრე მინიმუმ 400 ცხენის ძალაა. ახალ, სერიულ ”ლინკოლნ ნავიგატორს” საავტომობილო მსოფლიო 2017 წლის ბოლოს ელოდება.

                                                                   წყარო: AutoBild

სრულად »

Volvo V40 ოფიციალურად

წინა კვირაში გაკეთებული განცხადების შემდეგ, შვედური Volvo ოფიციალურად წარმოგვიდგენს 2017 V40–ის ფეისლიფტინგს, რომელიც ასევე ჟენევას ავტო შოუზე წარდგება ოფიციალურად.

ეს გახლავთ Volvo–ს ბესთსელერი ევროპაში და კომპანიის ნომერ მეორე პოპულარული ავტომობილი მსოფლიო მასშტაბით, ასე რომ კომპანიას მთელი ძალისხმევით უნდა ემუშავა მის გაუმჯობესებაზე.

ყველაზე თვალშისაცემი ცვლილება განახლებული წინა LED მაშუქებია, რომელიც დიზაინით XC90, S90 და V90 მოდელებისას წააგავს. ფეისლიფტმა მოდელს ასევე განახლებული რადიატორის ბადე, ახალი ლოგო და 5 ახალი საღებავი: Amazon Blue, Denim Blue, Bursting Blue, Mussel Blue და Luminous Sand შეამატა.

2017 Volvo V40–ის ინტერიერს ახალი ტყავი, ახალი საჭე, ალუმინის პანელები, ოფციონალური ახალი გასაღები, განახლებული მულტიმედია და ჰაერის გაფილტვრის ფუნქცია შეემატა.

რაც შეეხება ტურბოდიზელის 4 ცილინდრიან 2 ლიტრიან D2 ძრავას, იგი განახლებულ 6 საფეხურიან მექანიკურ გადაცემათა კოლოფზეა გადაბმული, რომელიც ეკოლოგიურ/ეკონომიურ მონაცემს საგრძნობლად აუმჯობესებს.

ფეისლიფტირებულ V40–ს კომპანია 1 მარტს ჟენევაში წარმოადგენს V90–თან ერთად, და მისი გაყიდვები გაზაფხულის შუა პერიოდიდან დაიწყება.

სრულად »

Audi Q2 ოფიციალურად

წარმოგიდგენთ Audi–ს სრულიად ახალ პროდუქტს Q2–ს, რომელიც ჟენევის ავტო შოუზე წარდგა ოფიციალურად. ეს გახლავთ ის აუდი რომელსაც სრულიად დამოუკიდებელი დიზაინი გააჩნია, უახლესი დიზაინის ცხაურით, ახალი მაშუქებით, დიდი ჰაერმიმღებებით, პლასტმასის და ალუმინის დეტალებით, დავარდნილი უკანა სახურავით, ახალი დიზაინის მქონე დისკებით, მოლდინგებით, ახალი უკანა სტოპებით, LED მაშუქებიანი ტექნოლოგიით, ანდერბოდი დამცავით და სხვა.

Audi Q2 ხელმისაწვდომი იქნება 5 კარიან ვერსიად საკმაოდ დიდი საბარგულით (1050 ლიტრი). Audi-ს ყველაზე მცირე Q მოდელის ინტერიერი MMI–ს ტაჩსქრინით, განახლებული ნავიგაციის სისტემით, სპორტული სავარძლებით და ალუმინის დეტალებით არის გაფორმებული. დამატებით საფასურად მას შესაძლოა დაემატოს ინსტრუმენტთა ახალი დაფა, სტოპ & გოუ და უამრავი დამხმარე სისტემა.

რაც შეეხება ძრავთა გამას თავდაპირველად ხელმისაწვდომი იქნება 2 დიზელის და 3 ბენზინის ძრავა, რომელთა შორისაც უმცირესია 3 ცილინდრიანი 1 ლიტრი მოცულობის TFSI 116 ცხენისძალით. შედარებით დიდი მოცულობის გახლავთ 1.4 ლიტრიანი TFSI, ხოლო ყველაზე დიდი 2 ლიტრიანი 4 ცილინდრიანი TFSI–ა, რომელსაც 190 ცხენისძალა გააჩნია. რაც შეეხება დიზელის 1.6 და 2 ლიტრიან TDI ძრავებს, მათი ტექნიკური მახასიათებლები ჯერ უცნობია.

ყველა აღნიშნულ ძრავს 6 საფეხრურიანი მექანიკური ან ოფციონალური 7–იანი ავტომატი ექნება, რომელიც სიმძლავრეს წინა ამძრავს ან ოფციონალურ კვადრო სისტემას მიაწვდის.

სრულად »

Lamborghini Centenario ოფიციალურად

კომპანია Lamborghini-ი დამაარსებელი Ferrucio–ს 100 წლის იუბილეს აღნიშნავს. Aventador SV–ს ბაზაზე აწყობილ Centenario–ს, კარბონის ექსტერიერი გააჩნია და მისი მაქსიმალური წონა 1.520 კილოგრამს იწონის, მისი წონის და სიმძლავრის ფარდობა კი 1.97 კილოგრამს შეადგენს 1 ცხენისძალაზე. კარბონის დეტალებმა ადგილი ექსტერიერში მხოლოდ წონის გამო არ დაიკავეს, მათ აგრესიული და ძალიან აეროდინამიკური ვიზუალიც შექმნეს, რაც აუმჯობესებს ავტომობილის პერფორმანსს.

ცვლილებები ინტერიერსაც შეეხო სადაც 10.1 ინჩიანი თაჩსქრინი, ძვირფასი ტყავი და კარბონის დეტალები ჩამონტაჟდა.

რაღა თქმა უნდა 6.5 ლიტრიანმა V12–მაც გარკვეული მოდიფიკაციები გაიარა და მას ამჯერად 770 ცხენისძალა გააჩნია. Centenario–ს 0–100 კმ/სთ–მდე ასაჩქარებლად 2.8 წამი სჭირდება, 0–300 კმ/სთ–მდე კი 23.5 წამი, მისი მაქსიმალური სიჩქარე კი 350 კმ/სთ–ს შეადგენს.

აღსანიშნავია უკანა თვლების მოხვევის სისტემა და ახალი სამუხრუჭე სისტემა, რომელიც ცენტენარიოს 100 კმ/სთ–დან 30 მეტრში ჩერდება, ხოლო 300 კმ/სთ–დან 290 მეტრში.

Lamborghini, Centenario–ს მხოლოდ 40 ერთეულად გამოუშვებს რომელთაგან 20 როდსტერი იქნება. თითქმის ყველა მათგანი უკვე გაყიდულია საწყის ფასად 1.9 მილიონი.

სრულად »