Apollo-ს 1000 ცხენისძალიანი „ისარი“

ამ კომპანიას ადრე Gumpert-ი ერქვა და Apollo-ს სახელით, ის მსოფლიოში ერთ-ერთ ყველაზე სწრაფ, მაგრამ საკმაოდ უშნო ავტომობილს უშვებდა. მერე გერმანული კომპანია გაკოტრდა და მის ადგილას ახალი კომპანია შეიქმნ, რომელმაც სახელად Apollo დაიტოვა. ამ სახელის მქონე სუპერ ავტომობილის ბაზაზე კი თავისი პირველი მოდელი, Arrow დაამზადა და ის პირველად ჟენევის მოტორ შოუზე წარადგინა.

„ისარი“ ძველი „აპოლოსგან“ გარეგნულად ძლიერ განსხვავდება. აშკარაა, რომ მისი შემუშავებისას, დიდი ყურადღება დაეთმო აეროდინამიკას. სუპერ ავტომობილი ბევრი ისეთი ელემენტითაა აღჭურვილი, რომელთა დანიშნულებაც, ძარისთვის გარსშემოდენილი ფორმის მინიჭება და ბორბლებზე დინამიური დატვირთვის და შესაბამისად, მათი გზის საფართან ჩაჭიდების გაზრდაა. გაუმჯობესდა გაგრილების სისტემის ეფექტურობა. ასეთი რადიკალური ცვლილების მიუხედავად, ახალი ავტომობილიც, წინამორბედზე არანაკლებ აგრესიულად და რაც მთავარია, თანამედროვედ გამოიყურება.

Arrow კარბონის კომპოზიტისგან დამზადებულ მონოკოკურ არქიტექტურაზეა აგებული. მისი გარეგნობაში აშკარადაა გამოკვეთილი ხასიათი – ეს ავტომობილი ექსტრემალური მართვის მოყვარულებისთვის არის შექმნილი. მას აქვს ეგრეთ წოდებული თოლიას ფრთის სტილის კარები. ძრავი კი ბაზაში, კაბინის უკან არის განლაგებული. ასეთი შეთანწყობაც სუპერ ავტომობილების ჟანრს შეესაბამება და მოსახვევების სწრაფად და მდგრადად გავლის საშუალებას იძლევა.

Apollo Arrow აღჭურვილია 4.0-ლიტრიანი წყვილ ტურბო კომპრესორიანი V8 ძრავით, რომელიც 1000 ცხენის ძალას (!) და 1000 ნიუტონმეტრს (!) გამოიმუშავებს. ძრავთან ორქუროიანი გადაბმულობით 7-საფეხურიანი სეკვენტალური გადაცემათა კოლოფია დაკავშირებული. ამ ტანდემის დახმარებით, ავტომობილს ადგილიდან 100 კმ/სთ სიჩქარის ასაკრეფად 2.9 წამი ჰყოფნის, ორასს 8.8 წამში აღწევს, მისი მაქსიმალური სიჩქარე კი 360 კმ/სთ-ია.

Apollo ამბობს, რომ Arrow-ს საგზაო სერტიფიკატი აქვს მიღებული და იმავდროულად, სრულად შეესაბამება FIA-ს (საერთაშორისო საავტომობილო ფედერაცია) სტანდარტებს. ეს კი იმას ნიშნავს, რომ სხვადასხვა სარბოლო სერიების ჰომოლოგაციის მიღება არ გაუჭირდება.

                                                                   წყარო: SmartBox

სრულად »

BMW ადასტურებს i8 Roadster-ის გამოშვებას

ოთხი წელი გავიდა, რაც BMW-მ პირველად გვიჩვენა i8-ს ღია ვერსია, სახელად i8 Spyder-ი. მას შემდეგ, ბაზარი ამ ავტომობილის გამოსვლის მოლოდინშია და აი, გერმანულმა კომპანიამ, მისი წარმოება გადაწყვიტა. ბავარიელთა მიერ გამოქვეყნებულ ოფიციალურ განცხადებაში ნათქვამია, რომ i8 Roadster-ის გარდა, ჰიბრიდული და ელექტრული მოდელების მწარმოებელი ქვებრენდი i ასევე გეგმავს ჰეჩბეკ i3-ის განახლებას, რის შემდეგაც გაიზრდება მისი ელემენტების ბლოკის ტევადობა და შესაბამისად, ავტომობილის სვლის სიშორე.

ამ ორი ავტომობილის მახასიათებლები ჯერჯერობით არ გამოქვეყნებულა. სამაგიეროდ, BMW-ს რელიზში ლაპარაკია იმაზეც, რომ მალე i-ს მოდელების რაოდენობა შვიდამდე გაიზრდება. მათ შორის იქნება როგორც ელექტროობილები (როგორიცაა i3), ასევე პლაგ-ინ ჰიბრიდული ავტომობილები, რომლებიც ელექტრო ძრავების გარდა, შიდაწვის ძრავებითაც აღიჭურვება. ამათგან მეორის დანიშნულება, მხოლოდ ელექტრო ენერგიის გამომუშავება იქნება. გარდა ამისა, ამ შვიდ ავტომობილს, პლაგ-ინ სისტემით აღჭურვილი Mini-ც დაემატება.

უფრო მეტიც, ჰიბრიდების და ელექტრომობილების პარალელურად, BMW წყალბადის ფიჭური ელემენტების ტექნოლოგიებსაც განავითარებს და მათ დანერგვაზეც იზრუნებს. საინტერესოა, რომ ასეთი სისტემებით აღჭურვილი მისი სატესტო ავტომობილების სვლის სიშორე 700 კილომეტრს აღწევს.

მწვანე ტექნოლოგიების გარდა, ბავარიელები ავტონომიურ ავტომობილებზეც მუშაობენ. კონცეპტუალური პროექტი, სახელად Project i 2.0, ამ მიმართულებით მათი პირველი დიდი ნაბიჯია და ისინი იმედოვნებენ, რომ მისი დახმარებით, ავტონამიური ავტომობილების მოწინავე მწარმოებლის სახელს დაიმკვიდრებენ. სხვათა შორის, ამ მიმართულებით BMW უკვე ინტენსიურად მუშაობს და ავტონომიური ავტომობილისთვის საჭირო არაერთი ტექნოლოგია, ახალ მე-7 სერიაზე დანერგა.

                                                                   წყარო: SmartBox

სრულად »

Global-Platform Subaru მის ახალ გლობალურ პლატფორმას გვაცნობს

Subaru-მ თავისი უახლესი, „გლობალური პლატფორმის“ მოკლე აღწერა გამოაქვეყნა. ეს პლატფორმა მოდულურია და მას იაპონური კომპანია თავისი ახალი თაობის მოდელებისთვის გამოიყენებს. მათ შორის პირველი ახალი Impreza გახდება, რომლის პრემიერაც მალე ნიუ იორკის ავტო შოუზე გაიმართება.

ახალი პლატფორმა, Subaru-ს საშუალოვადიანი გეგმის ნაწილია და კომპანიის განვითარების ძირითად ელემენტს წარმოადგენს. ისეთივეს, როგორებიცაა ბოქსერის ტიპის ძრავების ახალი ოჯახი და სიმეტრიული სრულ ამძრავიანი სატრანსმისიო სისტემა. პლატფორმა დინამიურ, უსაფრთხო და კომფორტულ მართვას, ასევე შემცირებუ ხმაურსა და ვიბრაციის დაბალ დონეს უზრუნველყოფს.

გარდა ამისა, მისი მოდულური სტრუქტურა იმის საშუალებასაც იძლევა, რომ კომპანიამ ეს პლატფორმა ელექტრომობილებისა და ჰიბრიდული მოდელებისთვისაც გამოიყენოს. როგორც Fuji Heavy Industries-ის (Subaru მის ჯგუფში შედის) პრეზიდენტი იასუიუკი იოშინიგა ამბობს, მისი კომპანია მალე ჰიბრიდული ავტომობილების წარმოებას დაიწყებს.

ახალი პლატფორმის წყალობით, მასზე დაფუძნებული მოდელების სტრუქტურული სიმტკიცე, ახლანდელი მოდელების შესაბამის მაჩვენებლებზე, 70-100 პროცენტით მეტი იქნება. გარდა ამისა, საშუალოდ 5 მილიმეტრით დაბლა დაიწევს სიმძიმის ცენტრი. გაზრდლი სიმტკიცის წყალობით, დაახლოებით 50 პროცენტით შემცირდება მოსახვევების გავლისას, ავტომობილის დახრა. ძარაში ინტეგრირებული იქნება უკანა განივი მდგრადობის სტაბილზატორი. ახალი პლატფორმის წყალობით, შეჯახებისას ავტომობილების ენერგოშთანმთქმელი უნარი დაახლოებით 40 პროცენტით გაიზრდება.

კუპე BRZ-ის გარდა, Subaru-ს პრაქტიკულად ყველა მოდელი ამ ახალ პლატფორმაზე აეწყობა. მისი აგებულება იმის საშუალებას იძლევა, რომ მასზე განსხვავებული კლასის და გაბარიტების ავტომობილები აიგოს. იგივე ითქმის შიდაწვის ძრავებზე, ჰიბრიდულ სისტემებსა და ელექტრულ ძალურ დანდგარებზე, რომლებითც ეს ავტომობილები აღიჭურვება.

                                                                   წყარო: SmartBox

სრულად »

ავსტრალიის დიდი პრიზი: როსბერგი - ჰემილტონი - ფეტელი

2016 წლის სეზონში რეგლამენტი თითქმის არ შეცვლილა, ისევე როგორც ძალების განლაგება, რაც კვალიფიკაციამაც დაამტკიცა, რომელიც პირველად ჩატარდა ახალ ფორმატში და მალევე სერიოზული კრიტიკა დაიმსახურა. პირველი რიგი Mercedes -ის მრბოლელებმა დაიკავეს - ლიუის ჰემილტონმა კარიერაში 50-ე პოული მოიპოვა, მეორე რიგიდან რბოლას Ferrari-ს მრბოლელები იწყებდნენ.

ფერარის ძრავებზე გადასვლის შემდეგ სერიოზულად მოუმატეს Toro Rosso-ში და მაქს ფერსტაპენმა კვალიფიკაციაში მეხუთე დრო აჩვენა, იგი მხოლოდ უძლიერესებს ჩამორჩა. მის გვერდით მესამე რიგიდან რბოლას მასა იწყებდა, ხოლო მეოთხედან საინსი და რიკარდო.

Red Bull Racing-ში ახალ კვალიფიკაციას ოპტიმალურად ვერ მიუდგნენ, დანიილ კვიატი ბრძოლას პირველივე სესიაში გამოეთიშა, ტრაფიკში მოყვა. რიკარდო ფინალში კი გაძვრა, მაგრამ პირველ რვა კაცს შორის ბოლო აღმოჩნდა.

შეიცვალა სპორტული რეგლამენტი - პირელიმ ეტაპზე სამი სახის საბურავი - Medium, Soft და SuperSoft მოიტანა - პირველი ორი გამოცხადდა აუცილებლად და გუნდებმა თითო-თითო კომპლექტი გადადეს, რათა ერთ-ერთი მაინც გამოეყენებინათ რბოლაში
კვალიფიკაცია ყველამ SuperSoft-ით ჩაატარა, და თუ პირველი რვა მრბოლელისთვის აუცილებელი იყო რბოლა დაეწყოთ გაცვეთილი საბურავებით, რომლებითაც მათ საუკეთესო დრო აჩვენეს მეორე სესიაში, დანარჩენებს შესაძლებლობა ქონდათ აერჩით მათთვის სასურველი საბურავები პირველი მონაკვეთისთვის, რითაც გარკვეულ უპირატესობას მოიპოვებდნენ. ჯამში პერესი, ჰიულკინბერგი, ბატონი, ბოტასი, კვიატი, გროჟანი, და გუტიერესი რბოლას იწყებდნენ Soft-ით, დანარჩენები SuperSoft-ით.

სტარტმა ინციდენტების გარეშე ჩაიარა. Mercedes-ის მრბოლელები ადგილიდან ნელა მოწყდნენ, ლიდერობა ხელში ფეტელმა ჩაიგდო, მეორე პოზიციას რაიკონენი დაეუფლა,ხოლო ჰემილტონი მეექვსეზე აღმოჩნდა.

პირველი ათეული მე-2-ე წრეზე: ფეტელი - რაიკონენი - როსბერგი - ფერსტაპენი - მასა - ჰემილტონი - საინსი - ჰიულკინბერგი - რიკარდო - ალონსო.

მეორე წრეზე მაგნუსენმა საბურავები შეიცვალა, მესამეზე ჰემილტონმა მასას გაასწრო მეხუთე პოზიციისთვის ბრძოლაში, მეოთხეზე რიკარდომ მერვე პოზიციისთვის ჰიულკინბერგს აჯობა.

მერვე წრეზე საინსმა შეიცვალა საბურავები, ბოტასმა ერიკსონს და ვერლაინს გაასწრო, ხოლო მეცხრეზე რიკარდომ მასას მეექვსე პოზიცია წაართვა.

მეათე წრისათვის ფეტელი რაიკონენს 2.5 წამს უგებდა, ხოლო როსბერგს 3,4-ს.
მე-10-ე წრესე ნასრმა შეასრულა პიტ-სტოპი, მეთერთმეტეზე მასამ, ერიკსონმა და ვერლაინმა, მეთორმეტეზე ბოტასმე ეფექტური დუელის შემდეგ პალმერს გაასწრო.

მე-12-ე წრეზე როსბერგმა, რიკარდომ, ალონსომ და პალმერმა შეიცვალეს საბურავები.

მე-13-ეზე ფეტელმა და ფერსტაპენმა. ფეტელი პირდაპირ როსბერგის წინ გამოვიდა, ნიკომ მას შეუტია, მაგრამ ფეტელი წინ დარჩა.

ფეტელმა SuperSoft-ის კიდევ ერთი კომპლექტი მიიღო მეორე მონაკვეთისთვის და მე-15-ე წრეზე ჰემილტონს გაასწრო, რომელსაც საბურავები ჯერაც არ ქონია შეცვლილი.
მე-15-ე წრეზე ბატონმა, რაიკონენმა, ჰემილტონმა და ჰიულკინბერგმა შეიცვალეს საბურავები.

მე-17-ე წრეზე სერიოზული ინციდენტი მოხდა. ალონსო გუტიერესის გასწრებას ცდილობდა და წინა მარჯვენა საბურავით გამოკრა მექსიკელის მანქანას, Mclaren-ი ჰაერში ავარდა, ბარიერს შეეჯახა, უსაფრთხოების ზონისკენ გადავარდა, ორჯერ ამობრუნდა ჰაერში და ისევ ბარიერს შეასკდა.

ალონსომ დამოუკიდებლად დატოვა კოკპიდი და მაყორებელს მიესალმა, შემდეგ გამოკვლევა ჩაიტარა სამედიცინო ცენტრში - ყველაფერმა ჩაიარა!

გამოვიდა უსაფრთხოების მანქანა , მე-18-ე წრეზე რბოლა წითელი დროშებით შეაჩერეს - საჭირო იყო ნატეხების გატანა და ბარიერის აღდგენა.

პირველი ათეული მე18-ე წრეზე: ფეტელი - როსბერგი - რაიკონენი - რიკარდო - ფერსტაპენი - საინსი - ჰემილტონი - მასა - გროჟანი - ბოტასი.

ბევრმა პილოტმა შეიცვალა საბურავები, Medium-ზე გადაერთვნენ, რომ ფინისამდე არ შეესრულებინათ პიტ-სტოპი, მაგრამ ფერარი SuperSopt-ზე დარჩა - და ფინიშის შენდეგ შეცდომა აღიარეს.

მაგნისენს უფლება მიცეს ლიდერთან ერთ წრეში დაბრუნებულიყო.
მე-19-ე წრეზე უსაფრთხოების მანქანა პიტ-ლეინზე დაბრუნდა. ფეტელმა ლიდერობა შეინარჩუნა. ბატონმა პერესს გაასწრო მე-13-ე პოზიციისთვის ბრძოლაში.

22-ე წრეზე რაიკონენმა ბოქსებში შეუხვია და ბოლში გახვეული მანქანა გააჩერა - გაჩნდა ცეცხლი და მექანიკოსებს ცეცხლჩამქრობის გამოყენება მოუწიათ.

პირველი ათეული 24-ე წრეზე: ფეტელი - როსბერგი - რიკარდო - ფერსტაპენი - საინსი - ჰემილტონი - მასა - გროჟანი - ჰიულკინბერგი - ბოტასი.

ფეტელი SuperSoft-ზე დარჩა და ვერ ახერხებდა Medium-ზე დარჩენილი როსბერგის მოცილებას - თავიდან ინტერვალი სტაბილური რჩებოდა, შემდეგ ფეტელის საბურავებმა ეფექტურობა დაკარგა და ნიკომ ჩამორჩენა შეამცირა.

პერესმა ბატონს გაასწრო მე-12-ე პოზიციისთვის ბრძოლაში.

30-ე წრეზე ბატონმა შეიცვალა საბურავები, 31-ეზე საინსმა, 32-ეზე ვერლაინმა და ფერსტაპენმა - მანქნის მომსახურების დროს შეყოვნება მოხდა. 35-ე წრეზე ფეტელი ეწვია პიტ-ლეინს და ტრასაზე მეოთხე დაბრუნდა.

პირველი ათეული 35-ე წრეზე: როსბერგი - რიკარდო - ჰემილტონი - ფეტელი - მასა - გროჟანი - ჰიულკინბერგი - ბოტასი - პალმერი - საინსი.

მე-40-ე წრეზე მარკუს ერიკსონი ბრძოლას გამოეთიშა, მანქანა კი ბოქსებში გააჩერა.
საინსი პალმერის უკან გაიჭედა, უკნიდან მას ფერსტაპენი უტევდა, რომელიც გუნდს თავაზობდა რომ იგი კარლოსს გაეტარებინა, მაგრამ საინსი არ დანებდა და პალემრს გაასწრო, შემდეგ კი მაქსმაც.

42-ე წრეზეჰემილტონმა რიკარდოს მეორე ადგილისთვის ბრძოლაში გაასწრო და დანილმა ბოქსებისკენ შეუხვია საბურავების გამოსაცვლელად, ტრასაზე კი მეხუთე დაბრუნდა SuperSoft-ის კომპლექტით.

45-ე წრეზე რიკარდომ მასას გაასწრო მეოთხე ადგილისთვის ბრძოლაში.
პირველი ათეული 46-ე წრეზე: როსბერგი - ჰემილტონი - ფეტელი - რიკარდო - მასა - გროჟანი - ჰიულკინბერგი - ბოტასი - საინსი - ფერსტაპენი.

ბოლო წრეებზე ჰემილტონის საბურავებმა ეფექტურობა დაკარგა, ფეტელი მას შეტევის დისტანციაზე მიუახლოვდა - -ბრძოლა მეორე ადგილისათვის გრძელდებოდა იქამდე, სანამ სებასტიანი ბალახისკენ არ გადავარდა შეცდომის შემდეგ - იგი ტრასაზე დაბრუნდა, მაგრამ ლიუისი გაუშვა.

ნიკო როსბერგმა სეზონის პირველი, კარიერაში მე-15-ე და ზედიზედ მეოთხე გამარჯვება მოიპოვა. ლიუის ჰემილტონი პოდიუმის მეორე საფეხურზე ავიდა - Mersedes-მა დუბლი მოიპოვა, მესამე ადგილი ფეტელმა მოიპოვა. წელს Mercedes-ისა და Ferrari-ის ბრძოლა საინტერესოდ უნდა განვითარდეს.

ახალმა ამერიკულმა გუნდმა Haas F1-მა თითქმის შეუძლებელი შეძლო - პირველივე რბოლაში ქულები მოიპოვა - გროჟანმა რბოლა მეექვსე პოზიციაზე დაასრულა!
სამ დებიუტანტს შორის საუკეთესო ჯოლიონ პალმერი აღმოჩნდა, მე-11-ე ადგილი.
ორ კვირაში სეზონი ბაჰრეინის რბოლით გაგრძელდება. დრო მალე გაივლის!

სრულად »

Chevrolet Camaro ZL1 – 640-ცხენისძალიანი ქარიშხალი

Chevrolet-მ თავის პოპულარულ მასქლ ქარ Camaro-ს ახალი თაობის სატრეკო ვერსია ZL1 შეიმუშავა, რომელის პრემიერაც მალე, ნიუ იორკის ავტო შოუზე გაიმართება. ახალი ავტომობილი 6.2-ლიტრიანი LT4 V8 ძრავით აღიჭურვა, რომელიც მექანიკური კომპრესორის დახმარებით, 640 ცხენის ძალას და 868 ნიუტონმეტრს ანვითარებს.

მართალია, ეს მონაცემები 10 ცხენის ძალით და 13.5 ნიუტონმტერით ნაკლებია ამავე ძრავის სხვა ვერსიისაზე, რომელიც Corvette Z06-ს ამოძრავებს, მაგრამ 60 ცხენის ძალით და 114 ნიუტონმეტრით სჯობნის წინა თაობის Camaro ZL1-ის 6.2-ლიტრიანი LSA V8 ძრავის მონაცემებს. უფრო მეტიც, ახალი ZL1 მკაცრ დიეტაზეც დასვეს, რის შემდეგაც წონაში 91 კილოგრამი დაიკლო.

 General Motors-ი ჯერჯერობით ახალი Camaro ZL1-ის დინამიკურ მონაცემებს არ აქვეყნებს, თუმცა ძნელი მისახვედრი არ უნდა იყოს, რომ ის წინამორბედზე სწრაფი და ტემპერამენტიანი იქნება. ძველ ZL1-ს ადგილიდან 100 კმ/სთ სიჩქარის აკრეფა, მექანიკური კოლოფით 4.0 წამში, ავტომატურით კი 3.9 წამში შეუძლია, მაქსიმალური სიჩქარე კი შესაბამისად, 290 და 296 კილომეტრია საათში.



რაც შეეხება ტრანსმისიას, არჩევანშია 6-საფეხურიანი მექანიკური გადაცემათა კოლოფი და 10-საფეხურიანი ავტომატი, რომელიც Ford-ის და General Motors-ის ერთობლივი პროდუქტია. მექანიკურ კოლოფს, ლილვების ბრუნვების გამთანაბრებელი მექანიზმი აქვს. ეს კოლოფი სტანდარტულ აღჭურვილობაში შევიდა. რაც შეეხება ავტომატს, მისი საფეხურების გადართვა, საჭის რგოლთან არსებული ბერკეტებით ხდება. ამ კოლოფს გენერლები თავიანთ რვა მოდელზე გამოიყენებენ.

 ახალი Camaro ZL1 ასევე აღჭურვილია საკიდარის სისტემა მაგნეტიკ რაიდით, ჩაჭიდების მართვის სისტემით, ელექტრონიკით მართვადი, გაზრდილი ხახუნის დიფერენციალით, ლონჩ კონტროლით და მართვის რეჟიმის შესარჩევი სისტემით. ავტომობილი 20-დუიმიან ალუმინის ნაჭედ ბორბლებზე დგას, რომლებიც Goodyear-ის 285/30ZR20 (წინები) და 305/30ZR20 (უკანები) საბურავებით არის შემოსილი. ავტომობილის შენელებას Brembo-ს მუხრუჭები უზრუნველყოფენ, რომელთაგან წინებს ექვსი ცილინდრი აქვს, უკანებს კი – ოთხი.



ახალ Camaro ZL1-ს აეროდინამიკურ მილში ტესტების 100 საათი აქვს გატარებული, რა დროსაც, მისი აეროდინამიკის გარდა, გაგრილების სისტემაც დაიხვეწა. სწორედ ამის შედეგია ის, რომ ავტომობილს რადატორის უზარმაზარი ცხაური აქვს. მისი დანიშნულება არამხოლოდ ძრავის გაგრილება და მისთვის ჰაერის მიწოდებაა, არამედ აეროდინამიკის გაუმჯობესებაც – აქ „შეგროვილ“ ჰაერის ნაკადს საჭირო მიმართულება ეძლევა, რაც ავტომობილის მდგრადობას და გარსშემოდენილობას აუმჯობესებს.

 ახალი კაპოტიც, რომელსაც აქვს კარბონის კომპოზიტისგან დამზადებული სეგმენტი და ძრავის სეგმენტიდან ცხელი ჰაერის გამომშვები ჭრილი. საბარგლის უკანა ნაწილზე დამაგრებულია ანტი ფრთა, წინ და გვერდბზე კი სპლიტერებია განლაგებული. გაიზარდა ბორბლების თაღები, რათა იქ ზორბა ბორბლები ჩატეულიყო.

 ახალი Chevrolet Camaro ZL1-ის გაყიდვები წლის მწურულს დაიწყება.

წყარო: SmartBox

სრულად »

ტოიოტა GT86-ს ანახლებს

დგება მომენტები როდესაც მანქანას უწევს განახლება,  ზუსტად ამ სიტუაციაშია დღევანდელი ჩვენი გმირი - Toyota GT86.

როგორც ცნობილია მის განახლებაში შევა: წინა ბამპერი ახალი შემწოვით, LED განათება და "შერეული" დიზაინის დისკები.

რაც შეეხება შასის, მისი წონა შემცირებულია "დატუნინგებული" ამორტიზაციის და "პრუჟინის" დამსახურებით. ასევე ინტერიერმაც მიიღო რიგი განახლება: სალონი გადაიკვრება ტყავით ან ალკანტარით, ასევე კარები ზამშით ან ნაჭერით. ეს ყველაფერი კი თქვენზეა დამოკიდებული.
სამწუხაროდ ჯერ-ჯერობით ინტერიერის სურათები არაა გამოქვეყნებული.

რაც შეეხება ძრავს: ისევ და ისევ ატმოსფერული 2.0-ით აღიჭურვება, რომელიც გამოიმუშავებს 197 ცხენის ძალას და 151 ნიუმეტრს.

სრულად »

ფორდი ავტომობილებს ორმოებზე გადახტომას ასწავლის

გზებზე არსებული ორმოები მარტო საქართველოს პრობლემა არ არის. ისეთ განვითარებულ ქვეყანაშიც კი, როგორიც ბრიტანეთია, უხარისხო გზების გამო, შარშან 25 000-ზე მეტი ავტომობილი დაზიანდა. სამეფოს საავტომობილო კლუბის ინფორმაციით, ეს წინა წლის ანალოგიურ მაჩვენებელზე დაახლოებით 25 პროცენტით მეტია. კვლევები აჩვენებს, რომ ცუდი საგზაო პირობები, ევროპის გზებზე შარშან მომხდარი საგზაო შემთხვევების დაახლოებით მესამედის მიზეზია.

 ამ პრობლემის მასშტაბურობის გათვალისწინებით, „ფორდ მოტორმა“ ბელგიის ლომელის პოლიგონზე, ააგო სპეციალური საგზაო მონაკვეთი, რომლის სიგრძეც 1.9 კილომეტრია და რომელზეც მსოფლიოში ყველაზე ცუდი საგზაო მონაკვეთებია დუბლირებული. „ავტომობილების საკიდარისთვის სასიკვდილო ბულვარზე“, ავტომობილები ტესტირებას გაივლიან და მიღებული ანათვლების ანალიზის საფუძველზე, ინჟინრები ისეთი სიახლეების შემუშავებას ეცდებიან, რომლებიც ცუდი გზებისგან ავტომობილების დაცვას შეუწყობენ ხელს.

გზის ახალი მონაკვეთი არის ნაწილი პოლიგონის 80-კილომეტრიანი გზისა, რომელზეც „ფორდ მოტორი“ საკუთარი ავტომობილების ტესტებს ატარებს. მასზე 25 ქვეყნის (მათ შორის, ევროპის ქვეყნების და აშშ-ის) 100 ყველაზე პრობლემური გზის მონაკვეთის თავისებურებებია იმიტირებული. გზებზე შესაბამისი ინფორმაციის შესაგროვებლად, „ფორდის“ ინჟინრებმა სამი წლის განმავლობაში, ევროპის, ჩრდლოეთ და სამხრეთ ამერიკის, აზიის ქვეყნების და ავსტრალიის გზები შემოიარეს, რათა ყველაზე ცუდ მდგომარეობაში მყოფი მონაკვეთები ენახათ და მათი ვერსიები ლომელის ტრეკზე შეექმნათ.

„გზის ეს მონაკვეთი არის კრებული მსოფლოს ყველაზე პრობლემური საგზაო მონაკვეთებისა, რომლებზე გადაადგილებაც ჩვენს კლიენტებს შეიძლება უწევდეთ. მსოფლიოში რეალურად არსებული გზების ასლების ჩვენს პოლიგონზე გადმოტანა დაგვეხმარება ისეთი ავტომობილების შემუშავებაში, რომლებიც ცუდ საგზაო პირობებს უკეთ გაუმკლავდებიან“, - ამბობს ლომელის პოლიგონის თანმშრომელი ერიკ-ჟან შარლი, რომელიც ავტომობილების გამძლეობის ტესტებზე მუშაობს.

ინჟინრები ყოველთვის ცდილობენ პოლიგონზე საგზაო ორმოების და გადაბმის ადგილების შესაძლებლობის გათვალისწინებას. ამასთან, ისინი იყენებენ მოწყობილობებს, რომლებიც ჩვეულებრივ, სეისმოლოგებს სჭირდებათ ხოლმე, როცა მიწისძვრებს სწავლობენ. „ფორდის“ ინჟინერ-გამომცდელები ცუდ გზებზე 70 კმ/სთ სიჩქარით გადაადგილდებიან, რა დროსაც საკიდარზე და ავტომობილის სხვა ნაწილებზე დეფორმაციებს და დატვირთვებს სეციალური სენსორებით ზომავენ.

 პოლიგონის ახალ მონაკვეთში შესულია ბელგიის ცნობილი გრანიტის ბლოკები, რომელიც მრავალდღიანი ველორბოლებიდან ცნობილი, პარიზის ხიდების ქვაფენილები, ბრაზილიის უსწორმასწორო გზები, რუსეთის გაყინული გზები, რომლებიც ძლიერი ყინვებისგან ორმოებითაა დაფარული და ავტომობილებისთვის ნამდვილ ჯოჯოხეთს წარმოადგენს.

მალე „ფორდი“ თავის ევროპულ მოდელებს აღჭურვავს სისტემით, რომელიც ამოტრიზატორების დინამიკურ მართვას უზრუნველყოფს. მას აქვს ორმოებისგან დამცავი ფუნქცია. პირველად ასეთ სისტემას სედან „მონდეოზე“ დააყენებენ. შემდეგ კი ის „გალაქსისა“ და „S-მაქსზეც“ გამოჩნდება. სისტემა წინასწარ გრძნობს, როცა ბორბალმა ორმოზე უნდა გადაიაროს, საკიდარს მყისიერად შესაბამისად მომართავს და ამით მას დაზიანებისგან იცავს. მეორე სისტემა, ბორბლებში არსებულ წნევას აკონტროლებს და მძღოლს ბორბლის დაზიანების შესახებ ატყობინებს. საკურსო მდგრადობის სისტემა კი ავტომობილის კონტროლს უზრუნველყოფს სიტუაციაში, როცა მძღოლს წინაღობისთვის მანქანის არიდება უწევს.

 „ფორდის“ ყველა ევროპულ მოდელს ტესტირება ლომელის პოლიგონზე უტარდება, სადაც ინჟინრებს და გამომცდელებს წლიურად დაახლოებით 6 მილიონი კილომეტრის გავლა უწევთ. მაგალითად, ახალ „ტრანზიტზე“ მუშაობისას, ტესტ პილოტებმა პოლიგონზე დაახლოებით 5 000 წრე გაიარეს, რა დროსაც, ავტომობილის ათწლიანი ექსპლუატაციის იმიტირება შესრულდა. ამას კი „სულ რაღაც“ ექვსი თვე დასჭირდა. პოლიგონის ტრასა ცუდი გზების გარდა მოიცავს ჩქაროსნულ ტრეკს, ტალახიან გზებს, ასევე მაღალტენიან სეგმენტებს, სადაც ავტომობილებს კოროზიაზე უტარდებათ ტესტები. პოლიგონზე ტესტების გარდა, საცდელ ავტომობილებს მთელს მსოფლიოში, გამოცდები -40°С-დან +40°С ტემპერატურების დიაპაზონში უტარდება.

წყარო: Ford Georgia

სრულად »

ეს მაიბახი თითქმის ტანკია

ეს მანქანა ფაქტობრივად ტანკია ავტომობილებს შორის! გაიცანით: Mercedes-Maybach S 600 Guard , რომელიც ყველაზე საიმედოა შეჯავშნულ ავტომობილებს შორის.

Maybach-ი ძალიან მდიდრულ ავტომობილს ნიშნავს, თუმცა ეს ისედაც იცით. კონკრეტულად ეს ვერსია კი არა მარტო უკიდურესად კომფორტულია, არამედ დაუჯერებლად უსაფრთხოცაა! Mercedes-Maybach S 600 Guard პირველი ცივილური ავტომობილია, რომელიც ბალისტიკურ კლას VR10-ს აკმაყოფილებს, რაც აქამდე მხოლოდ ნამდვილ ტანკებს შეეძლოთ!

თუმცა ეს Maybach-ი სხვა დაუჯერებელი შესაძლებლობებითაც გამოირჩევა. მაგალითად, თუ ეს მანქანა ცეცხლში გაივლის, ავტომობილის ქვეშ დამონტაჟებული სპეციალური სისტემა ცეცხლს ჩააქრობს. გაზის შემოტევას კი მანქანა ასე პასუხობს: რამდენიმე წამში ავტომობილის ყველა საჰაერო იკეტება და გაზი ინტერიერში არავითარ შემთხვევაში არ შეაღწევს!

ზოგადად, S600 Guard შესაძლოა, ისე გამოიყურება, როგორც ჩვეულებრივი Maybach-ი, მაგრამ სერიულ ვერსიასთან ტექნიკურად თითქმის არაფერი აქვს საერთო. სერიულ მოდელთან ის მხოლოდ ექსტერიერის დიზაინსა და ინტერიერის რამდენიმე ელემენტს ინაწილებს. მისი წონა 4,5 ტონაა, რაც იმას ნიშნავს, რომ ჩვეულებრივ ვერსიაზე ორჯერ მძიმეა!

”უსაფრთხო ავტომობილებზე იმაზე დიდი მოთხოვნაა, ვიდრე წარმოგიდგენიათ. ამიტომაც ვქმნით საუკეთესოს!” - აცხადებს მარკუს ნასტი, რომელიც Daimler-ში შეჯავშნული ავტომობილების დეპარტამენტის ხელმძღვანელია.

 ეს ავტომობილები ზინდელფინგენის Daimler-ის ქარხანაში მზადდება და იქ ამაზე დაახლოებით 600 ადამიანია დასაქმებული. ასეთი მაქსიმალურად უსაფრთხო Maybach-ი მინიმუმ 470 000 ევრო ღირს და ამ ფასში ზონდერ-კომპლექტაცია არ შედის. ასეთი ვერსიები მეტწილად ნახევარ მილიონზე ძვირად იყიდება. ”დაიმლერი”, რა თქმა უნდა, არაფერს გვეუბნება ასეთი ”მაიბახების” მფლობელების შესახებ - მათი ვინაობა მკაცრად გასაიდუმლოებულია. ვიცით მხოლოდ ის, რომ Mercedes-Maybach S 600 Guard-ის გასაღების ბაზარი მეტწილად აღმოსავლეთ ევროპა, აზია და სამხრეთი ამერიკაა.

წყარო: AutoBild

სრულად »

U.S. Army Begins Testing Tech to Enable Self-Driving Convoys This Summer

Beginning in June, the Army will road-test communications technology that could lead the way to autonomous big-rig convoys.​

Beginning this June, the U.S. Army will conduct road tests of technology that promises to enable self-driving heavy truck convoys—though this summer's experiments will still put drivers behind the wheel.

Trucks.com reports that the Army will send at least four experimental vehicles out for testing along Interstate 69 in Michigan. The trucks will be equipped with advanced vehicle-to-vehicle and vehicle-to-infrastructure communications devices, meant to examine how future autonomous big-rigs in a convoy could communicate with one another, with other traffic, and with high-tech infrastructure equipment to sense traffic patterns, speed limits, road construction, and more.

Army spokesman Douglas Halleaux told Trucks.com that interstate testing of fully driverless, robotically controlled vehicles isn't far off. "It won't be in June, but it won't be long," he said.

The armed forces have a particular interest in developing autonomous heavy-duty trucks. "Army line-haul convoys currently require at least two personnel in each vehicle, not including escort or protection vehicles," Paul Rogers, director of the Army's Tank Automotive Research, Development and Engineering Center in Warren, MI, told Trucks.com. Removing soldiers from convoy duties could reduce the potential for battlefield casualties as well as those incurred in accidents outside of battle zones.

And autonomous convoy technology could have great benefits for the civilian trucking industry. Experts envision a future where a series of semi-autonomous smaller cargo trucks follows a lead truck (piloted either by a human or autonomously), able to handle bridge weight limits, tight turns, or narrow streets more nimbly than a single large truck. This could also alleviate the growing shortage of truck drivers, with as many as 48,000 unfilled openings for drivers as of the end of 2015.

The Army has been testing self-driving tech on military bases for several years: The photo above shows a convoy of driverless Army trucks navigating the Department of Energy's Savannah River Site in South Carolina in May of 2014. But with its first public-road tests set for this coming summer, the Army is ready to make its next advance on the self-driving future.

Source: Road and Track

სრულად »

აშშ-ს არმია იწყებს ფუნქციურად დამოუკიდებელი მართვის სისტემის ტესტირებას

ივნისის დასაწყისში აშშ-ს არმია იწყებს "თვით-მმართავი კონვოის" პროექტის ხელმძღვანელობას, რომელიც მოიცავს: მძიმე სამხედრო სატვირთო მანქანების ფუნქციიურად დამოუკიდებელი მართვის ტესტირებას. როგორც აღნიშნეს ტესტირება ჯერ ისევ ექსპერიმენტის სტატუსშია რაც ნიშნავს რომ მანქანაში ადამიანს მაინც უწევს ყოფნა.

 Trucks.com-ის განცხადებით არმიას დაგეგმილი აქვს გააგზავნოს მინიმუმ 4 ექსპერიმენტული მანქანა, რომლებიც იქნება აღჭურვილი შემდეგი სისტემებით: "მანქანა-მანქანა", "მანქანა - ინფრასტრუქტული კომუნიკაციის" სისტემებით. რაც გულისხმობს თუ როგორი იქნება სამომავლოდ კონვოის მსვლელობის დროს კომუნიკაცია ეკიპაჟებს შორის, სხვა (თუნდაც სამოქალაქო მანქანებთან), ტექნოლოგიურად მაღალ ინფრასტრუქტურულ აღჭურვილობასთან, სიჩქარის ლიმიტთან, გზის მშენებლობის, ავარიის დროს მოქცევას და ა.შ.

 არმიის წარმომადგენლის თქმით ტესტირება სრული დატვირთვით მუშაობს და ფუნქციურად დამოუკიდებელი მანქანების წარმოებაში ჩაშვება არც ისე შორსაა. "მართალია ეს ივნისში არ მოხდება, მაგრამ არც დიდი დრო დარჩა" - დასძენს იგი.

 ასევე შეიარაღებული ძალები განსაკუთრებულ ყურადღებას იჩენს, რადგან მათი თქმით ეს სისტემა არამარტო კონვოის დროს არამედ ბრძოლის დროსაც შეამცირებს სამხედროთა დაშავებას და ა.შ.
კონვოის ამ მომენტში საჭიროებს 2 კაციანი ეკიპაჟი, ესკორტის და დამცავი მანქანების გარეშე.

 თუკი სისტემამ გაამართლა ექსპერტების თქმით მას სამოქალაქო ინდუსტრიაშიც გამოიყენებენ. კერძოთ: კონვოის დროს "დიდ" სატვირთო მანქანას (რომელსაც ადამიანი მართავს) გაჰყვება შედარებით "მომცრო" სატვირთო მანქანები (მძღოლის გარეშე).

სრულად »

ინფინიტი მერსედესის ტექნიკით

Mercedes A-კლასიც მოგწონთ და GLA-ც, მაგრამ ვერ გადაგიწყვეტიათ, რომელი შეიძინოთ? არსებობს საინტერესო ალტერნატივა: Infiniti Q30, რომელიც ”ნისანისა” და ”დაიმლერის” თანამშრომლობის ფარგლებში შეიქმნა, აქვს იგივე ტექნიკა, რაც ”ბენცს” - ოღონდ, სხვანაირად შეფუთული.

დიზაინი თვალშიმოსახვედრია, ”ინფინიტის” აქცენტებიც იგრძნობა, ინტერიერი ხარისხიანადაა შესრულებული, სავარძლები ოდნავ ამაღლებული და ზოგიერთ ჩამრთველსა თუ გადამრთველსაც ”მერსედესიდან” იცნობთ. სრულიად ტყავში გადაწყვეტილი კოკპიტი კი ”ინფინიტის” ექსკლუზივია. უკანა სავარძელზე, რა თქმა უნდა, სივიწროვეა, უკან ხილვადობა კი - შეზღუდული

მოხვევა და გადართვები პირდაპირია, სავალი ნაწილი კი უფრო ხისტი, ვიდრე რბილი და მანქანა თავისი 17-დუიმიანი დისკებით უსწორმასწორობებს კარგად აუთოვებს. როგორც კი 109-ცხენისძალიანი საბაზო მოდელი ტურბო-ხვრელს გადალახავს, 1,4-ტონიანი Q30 წინ ჯანსაღად მიიწევს და მაქსიმუმ 190 კმ/სთ-ს ავითარებს.

გარდა ამისა, ”ინფინიტი” გვთავაზობს 2,2-ლიტრიან ტურბოდიზელს (170 ცხ. ძ.) სრული ამძრაობის ოფციით და ბენზინის კიდევ სამ ვარიანტს 122-დან 211 ცხენის ძალამდე. ორდისკინია ავტომატიკა ახლებურადაა ფორმირებული და რბილი გადართვებით გამოირჩევა. საწყისი ფასი დაახლოებით 22 000 ევროა და ფასები ზოგადად A-კლასთან უფრო ახლოსაა, ვიდრე GLA-სთან. მთავარი მაინც ისაა, რომ ”მერსედესის” ტექნიკით აღჭურვილი ”ინფინიტი”, რა თქმა უნდა, თავად ”ბენცზე” იაფია. აქვე შეგახსენებთ, რომ გამოვიდა QX30-იც.

ტექ. მახასიათებლები
ძრავა: 4-ცილინდრიანი, Turbo; მოცულობა: 1461 სმ3; სიმძლავრე: 80 კვტ (109 ცხ. ძ.)/4000; ბრუნის მომენტი: 260 ნმ/1750; მაქს. სიჩქარე: 190 კმ/სთ; აჩქარება 0-100 კმ/სთ: 12,0 წამში; ამძრაობა: წინა/6-საფეხურიანი გად. კოლოფი; ავზი: 50 ლიტრი; სიგრძე/სიგანე/სიმაღლე: 4425/1805/1495 მმ; საბარგულის მოცულობა: 368 ლიტრი; წონა: 1434 კგ; საწვავის ხარჯი (EU): 3,9 ლიტრი დიზელი/100 კმ-ზე; გამონაბოლქვი: 103 გ/კმ

წყარო: AutoBild

სრულად »

Ford’s Police Interceptors Get Serious Ballistic Body Armor

Strong words against crime, and good news for law enforcement came out of Ford World Headquarters in Dearborn, Michigan.

Ford police interceptors, such as the Explorer, Taurus and Fusion, are now available with U.S. Department of Justice standard Type IV protection against armor-piercing .30 caliber rifle ammunition. Which also makes them the only pursuit-rated police vehicles to offer such type of armor.

In case you’re wondering what the US Department of Justice standard is, here’s their very own description: “Type IV hard armor or plate inserts tested in a conditioned state with .30 caliber armor piercing (AP) bullets (U.S. Military designation M2 AP) with a specified mass of 10.8 g (166 gr) and a velocity of 878 m/s ± 9.1 m/s (2880 ft/s ± 30 ft/s).” Got that?

According to Ford, this solidifies the commitment that the American auto manufacturer has with law enforcement, and represents results of years of testing with the sole purpose of improving a type of vehicle that has been stagnant for decades (referring to police interceptors).

Besides the protection to common areas like doors, etc. Additional body panels with ballistic protection can be added if desired by the purchasing entity, which could cover the majority of the vehicle with the hopes of keeping its occupants safer.

Source: Ford-Trucks

სრულად »

Ford-ის საპოლიციო ავტომობილები სერიოზულ ბალისტიკურ დაცვას მიიღებენ.

"ძლიერი სიტყვები კრიმინალის წინააღმდეგ, და კარგი ამბავი სამართალდამცავებს". - ასე გაიჟღერა ახალმა ამბავმა დეტროიტიდან - Ford-ის შტაბიდან.

Ford-ის საპოლიციო მანქანები როგორებიცაა: Explorer, Taurus, Fusion, ახლა უკვე ხელმისაწვდომია აშშ-ს სამართლებრივი დეპარტამენტის 4 დონის ტიპის დაცვით, რომლის ჯავშანიც უძლებს .30 კალიბრიან ვაზნებს. ასეთმა განახლებამ ზემოთ ჩამოთვლილი ავტომობილები აქცია "ერთადერთ" მდევნელ - საპოლიციო ავტომობილებად რომლებსაც ასეთი სერიოზული დაცვა აქვს.

"მეოთხე ტიპის მძიმე ჯავშანი ან მეტალის ფირფიტების ჩანართებით გატესტილია .30 კალიბრის ჯავშანგამტანი ვაზნებით სპეციფიური 10.8 გ(166 გრინიანი) მასით და ტყვიის სიჩქარით 878 მ/წ+-9.1მ/წ(2880 ფუტი/წმ+-30 ფუტი/წმ" - ასე აღწერს დეპარტამენტი 4 ტიპის დაცვის დონეს.

სამართლებრივი დეპარტამენტის განხცადებით, 4 დონე შესაძლებელია როგორც მთლიან ჯავშნად, ასევე ფირფიტებათ რომელიც წლების მანძილზე გადიოდა ტესტირებას და როგორც ავღნიშნეთ უძლებს .30 კალიბრიან ვაზნებს.

გვერდითა დაცვა, როგორიცაა: კარები და ა.შ. შესაძლოა ჯავშნის დამატება ბალისტიკურ დაცვასთან ერთად, რომელიც დამატებით ოფციაში შედის.

სრულად »

მფრინავმა დრონმა “McLaren 650s”-ს გაუსწრო

პირველი დრონების ჩემპიონატის “World Drone Prix 2016“-ის ორგანიზატორებმა დუბაიში დრონის და დუბაის პოლიციის 4 მილიონად შეფასებული ავტომობილის “McLaren 650s”-ის შეჯიბრება მოაწყვეს.

 შეჯიბრების დროს გადაღებული ვიდეორგოლი “WDP – 2016”-ის რეკლამის სახითაა წარმოდგენილი. ავტომობილის და დრონის მარშრუტი ცოტა განსხვავებული იყო. დრონმა, რომელსაც პატარა ბავშვი მართავდა, მოძრაობა ცათამბრჯენიდან ბურჯ-ჰალიფადან დაიწყო, ხოლო “McLaren 650s”-მა მოძრაობა გზიდან დაიწყო. შეჯიბრის გამარჯვებული დრონი გახდა

 რაც შეეხება თვითონ ჩემპიონატს, ის 11-12 მარტს დუბაიში გაიმართება და მასში 100-მდე ჯგუფი მიიღებს მონაწილეობას. მონაწილეები დრონების სიძლიერის მიხედვით შეირჩა და ყველა თავის მსგავს დრონს შეეჯიბრება. შეჯიბრების საპრიზო ფონდი 1 000 000 დოლარია. პირველ ადგილზე გასული 250 000 დოლარს მიიღებს.

სრულად »

Lamborghini-ს ახალი ექსკლუზიური სუპერ ავტომობილი

Centenario – ასე ჰქვია Lamborghini-ს კიდევ ერთ საოცარ ავტომობილს, რომელიც იტალიურმა კომპანიამ თავისი დამაარსებლის, ფერუჩო ლამბორგინის დაბადებიდან ასი წლის იუბილეს მიუძღვნა. სანტ’აგატა ბოლონეზელები ამ ავტომობილს მხოლოდ 40 ცალს დაამზადებენ, რომელთაგან ნახევარი კუპე იქნება და ნახევარიც – როდსტერი. თითოეულის ფასი 1.75 მილიონი ევროა და ისინი უკვე გაყიდულია!

Centenario კარბონის კომპოზიტის მონოკოკური სტრუქტურის ბაზაზე დამზადდა, რომელიც Aventador-ის შესაბამისი სტრუქტურის მოდიფიცირებული ვერსიაა. მას ძარაც კარბონის აქვს. იმის მიუხედავად, რომ უზარმაზარი V12 ძრავითაა აღჭურვილი, ავტომობილი მაინც „მხოლოდ“ 1520 კილოგრამს იწონის. ეს კი 55 კილოგრამით ნაკლებია Aventador-ის წონაზე.

 Centenario-ს სიგრძე 4 924 მილიმეტრია, სიმაღლე კი – 1 143 მილიმეტრი. ანუ, Aventador-ზე 144 მილიმეტრით გრძელი და 7 მილიმეტრით მაღალია. ავტომობილი აეროდინამიკური ელემენტებითაა აღჭურვილი, რომლებიც მის გარსშემოდენილ ფორმას უზრუნველყოფენ. მათ შორისაა წინა და უკანა დიფუზორები, წინა და გვერდითა სპლიტერები, ორივე კარის უკან მოთავსებული ჰაერის ამღები, რომლებითაც, ახალ Ford GT-ს ჰგავს, ასევე სახურავზე მოთავსებული ჰაერის ამღები და დასაკეცი უკანა ფრთა, რომელიც 150 მილიმეტრის სიმაღლეზე ამოდის და დახრის კუთხეს 15 გრადუსით იცვლის.

უკანა ზორბა დიფუზორის სტრუქტურაში მოთავსდა სამმაგი გამოსაბოლქვი, უკანა ფარებს კი დაწოლილი Y-ის ფომა აქვს. „ჩენტენარიოს“ წინა ბორბლები 20-დუიმიანია, უკანები კი – 21-დუიმიანი. ისინი ალუმინისგან არის ჩამოსხმული და გაჩარხული და Pirelli-ს მარკა Pzero რეზინითაა შემოსილი, რომელბიც სპეციალურად ამ ავტომობილისთვის არის შემუშავებული.

 ავტომობილს მამოძრავებელი ძალით 6.5-ლიტრიანი ატმოსფერული V12 ძრავი უზრუნველყოფს, რომლის სიმძლავრეც 770 ცხენის ძალაა. ამგვარად, ეს არის „ლამბორგინის“ მიერ სერიული ავტომობილებისთვის შემუშავებული ყველაზე მძლავრი აგრეგატი. მისი დახმარებით, „ჩენტენარიოს“ ადგილიდან ასის ასაკრეფად 2.8 წამი ჰყოფნის, სამასს კი 23.5 წამში აღწევს. მაქსიმალური სიჩქარე საათში 350 კილომეტრია. გარდა ამისა, 100 კმ/სთ სიჩქარიდან სრულ გაჩერებამდე მხოლოდ 30 მეტრი ჰყოფნის, 300 კმ/სთ-დან გაჩერებამდე კი – 290 მეტრი.

და ბოლოს, Centenario-ს ოთხივე ბორბალი მართვადია. დაბალი სიჩქარით მოძრაობისას, უკანა ბორბლები საპირისპირო მიმართულებით მოტრიალდება, რაც ვიწრო ადგილზე მოხვევას აადვილებს. მაღალ სიჩქარეზე კი უკანა ბორბლებიც წინების მიმართულებით (ოღონდ არა ისეთივე კუთხით) ტრიალდება, რაც მოსახვევების უკეთ გავლის საშუალებას იძლევა.
წყარო:Smartbox

სრულად »

მართვის მოწმობის აღება სხვადასხვა ქვეყანაში

ყველა ქვეყანაში მართვის მოწმობის გამოცდებს განსხვავებულად აბარებენ. ზოგიერთ მათგანთან დაკავშირებულ რამდენიმე უცნაურობაზე გვინდა, გიამბოთ:

მექსიკაში მართვის მოწმობის არანაირი გამოცდა არ არსებობს. უბრალოდ მიდიხართ და ყიდულობთ მას სულ რაღაც 677 პესოდ (რაც, დაახლოებით, 30 ევროს უდრის).

იაპონიაში თავისუფლად შეიძლება, ჩაიჭრათ გამოცდაში, თუ ავტომობილის დაძვრამდე არ შეამოწმებთ, მის ქვეშ კატებს ხომ არ სძინავთ ტკბილად.

ჩინეთში გამოცდაზე აუცილებლად შეგხვდებათ შეკითხვა: - რას იზამთ იმ შემთხვევაში, თუ თქვენი ავტომობილით წყალში გადავარდებით?

ბრაზილიაში ჯერ ფიზიკურ და ფსიქოლოგიურ ტესტს აბარებთ, შემდეგ კი ავტომობილის მართვის თეორიულ და პრაქტიკულ გამოცდას. აქაურ მძღოლებს გზაზე სიცოცხლისთვის საშიშ სიტუაციებთან გასამკლავებლად ამზადებენ და პირველადი სამედიცინო დახმარების გაწევასაც ასწავლიან.

სრულად »

Pagani-Huayra-BC Pagani Huayra BC – უფრო მსუბუქი და მძლავრი

სუპერ ავტომობილების მწარმოებელმა იტალიურმა კომპანია Pagani-მ, თავის მოდელ Huayra-ს ბაზაზე, მისი კიდევ უფრო მსუბუქი და მძლავრი ვერსია, Huayra BC შეიმუშავა, რომელიც თავისუფლად შეიძლება ჩაითვალოს მსოფლიოში ერთ-ერთ ყველაზე გიჟურ ავტომობილად. ამას კი მისი მონაცემები განაპირობებს.

ადრე გავრცელებული ინფორმაცია იტყობინებოდა, რომ Huayra BC-ს ძრავი, სტანდარტულ ვერსიაზე 100 ცხენის ძალით მძლავრი იქნებოდა. თუმცა, რეალობაში, სიმძლავრის მატება მხოლოდ 60-ცხენისძალიანია. ამ ავტომობილის პატრონის განკარგულებაში 789 ცხენის ძალა და 1100 ნიუტონმეტრია. ამ ძალას 6.0-ლიტრიანი წყვილ ტურბოიანი V12 აგრეგატი გამოიმუშავებს. მასთან კი Xtrac-ის წარმოების სრულიად ახალი, 7-საფეხურიანი ავტომატიზებული მექანიკური ტრანსმისიაა შეწყვილებული.

ამ ახალ კოლოფში ბევრი სიახლეა გამოყენებული. მათ შორისაა მოდიფიცირებული ელექტრო-ჰიდრავლიკური ჩამრთველი და კარბონის ბოჭკოსგან დამზადებული სინქრონიზატორები. ტრანსმისიის მოდიფიცირების მთავარ მიზანს, საფეხურების გადართვის დროის განახევრება (150-დან 75 მილიწამამდე) და შემსუბუქება წარმოადგენდა. ასეც მოხდა, ახალი კოლოფი, წინამორბედზე 40 პროცენტით ნაკლებს იწონის.

სტანდარტული „ჰუაირა“ 1350 კილოგრამს იწონის, რაც უზარმაზარი V12 ძრავის გათვალისწინებით, ნამდვილი მიღწევაა. მაგრამ ვერსია BC ამაზე 132 კილოგრამით ნაკლებს იწონის! ამას ინჟინრებმა სხვადასხვა დეტალების შემსუბუქებით მიაღწიეს. მაგალითად, გამოსაბოლქვი სისტემა ტიტატსგან დამზადდა და მხოლოდ 2.9 კილოგრამს იწონის. ის ამავე სისტემის სტანდარტულ ვერსიაზე 7.1 კილოგრამით ნაკლებს იწონის. შემსუბუქებას ხელი Brembo-ს ახალმა მუხრუჭებმაც შეუწყო, რომლებიც სტანდარტულზე დაახლოებით 6 პროცენტით მსუბუქია. 9 კილოგრამი დაიკლო ბორბლებმა, რომლებიც ნაჭედი ალუმინისგან დამზადდა.

და ესეც არაა ყველაფერი – Pagani-მ სრულიად ახალი კომპოზიციური მასალა შეიმუშავა, რომელიც პირველად სწორედ Huayra BC-ზე გამოიყენა. როგორც იტალიური კომპანია ირწმუნება, ეს მასალა კარბონის კომპოზიტზე 50 პროცენტით მსუბუქი და 20 პროცენტით მტკიცეა. მის შესახებ „პაგანი“ დეტალებს არ ახმაურებს, თუმცა არსებობს ვარაუდი, რომ მასში კარბონის ბოჭკოსთან ერთად, ტიტანიცაა გამოყენებული.

ამ ყველაფრის გარდა, Huayra BC ახალი აეროდინამიკური ელემენტებითაც აღიჭურვა. როგორც კომპანიის დამაარსებელი და მფლობელი ჰორაციო პაგანი ამბობს, ეს ელემენტები, სარბოლო ავტომობილების მწარმოებელ Dallara-ში მუშაობისას დაგროვილი გამოცდილებით შეიმუშავა. მათ შორისაა უფრო წაგრძელებული წინა სპლიტერი, ჰაერის მასიური წინა არხები, გვერდითა კალთები, მასიური უკანა ანტი ფრთა და აგრესიული უკანა დიფუზორი.

ავტომობილის შიგნითაც კარბონი უხვადაა გამოყენებული, რომელთანაც ალკანტარა შეახამეს. კოკპიტი სისადავით არ გამოირჩევა, თუმცა არც ზედმეტად გადატვირთულია. ასევე ახალია სავარძლები, რომლებიც ოთხწერტილოვანი ღვედებითაა აღჭურვილი.

რაც შეეხება სახელში დამატებულ ინიციალებს, BC ჰორაციო პაგანის მეგობრისა და მისი კომპანიის პირველი მომხმარებლის, ბენი კაიოლას აღნიშნავს.

Pagani მხოლოდ 20 ცალი Huayra BC-ს გამოშვებას გეგმავს. თითოეულის ფასი 2.3 მილიონი ევროა. და როგორც კომპანია აცხადებს, ყველა მათგანზე შეკვეთები უკვე მიღებული აქვს.
წყარო: Smartbox

სრულად »

MTM S8 Talladega R – ოთხბორბლიანი რაკეტა

მონაცემები, როგორებიცაა სიმძლავრე 802 ცხენის ძალა, სიჩქარე 350 კმ/სთ, ადგილიდან 100 კმ/სთ-მდ 3 წამში აჩქარება, ეგზოტიკურ სუპერ ავტომობილებს ახასიათებს და არა ხუთადგილიან ლუქს სედანებს, როგორიცაა მაგალითად, Audi S8. მაგრამ სატუნინგო ატელიე MTM-მა ეს წესი დაარღვია.

MTM-ი Audi S8-ს ბაზაზე საკუთარ მოდელ Talladega S-ს ადრეც აწარმოებდა. ამჯერად კი ამ ავტომობილის კიდევ უფრო მძლავრი და ტემპერამენტიანი ვერსია, Talladega R შეიმუშავა. ზემოთ მოყვანილი ტექნიკური მახასიათებლები სწორედ ამ ავტომობლს ეკუთვნის. უფრო მეტიც, Talladega R-ს ადგილიდან ორასის ასაკრეფად 9.9 წამი ჰყოფნის, სამასს კი 29 წამში აღწევს. ასეთ ავტომობილებს ხშრად სუპერ ავტომობილების მკვლელებსაც უწოდებენ.

 802 ცხენის ძალის მოთვინიერებაში, Talladega R-ს Bimoto-ს წარმოების 22-დუიმიანი ბორბლები ეხმარება, რომლებიც 265/30 ზომის საბურავებით არის შემოსილი. სამუხრუჭე სისტემაში კი კარბონ-კერამიკული დისკოებია გამოყენებული, რომლებიც ეფექტურად ახერხებენ ასეთი დინამიკის მქონე, საკმაოდ მძიმე ავტომობილის შენელებას და გაჩერებას.

სხვათა შორის, ავტომობილი რალიში მსოფლიოს ორგზის ჩემპიონმა, გერმანელმა ვალტერ რიორლმა გატესტა, რომელმაც ის ძალიან მოიწონა. „მართვა შესანიშნავია“, „გაზის პედლის უკუქმედება ფანტასტიური“, – ასე შეაფასა ლეგენდარულმა მრბოლმა Talladega R-ი. ის კი ასეთ ეპითეტებს ტყუილად არ იმეტებს

 MTM-ი თავის ოთხბორბლიან რაკეტას ძვირად – 222 000 ევროდ აფასებს. თუმცა, ამ ფასში დონორი ავტომობილის, Audi S8-ს ღირებულებაც შედის. თან, ასე „იაფად“ 800-ცხენისძალიანი ავტომობილის შოვნაც შეუძლებელია.

წყარო: Smartbox

სრულად »

Ford-ი ოთხ წელიწადში ოთხ ახალ ქროსოვერს გამოუშვებს

Ford-ს უახლოეს ოთხ წელიწადში ოთხი ახალი უგზობის მოდელის გამოშვება აქვს დაგეგმილი. ამასთან, ოთხივე ავტომობილი იმ სეგმენტისა იქნება, რომლებშიც ამერიკული კომპანია ჯერჯერობით არაა წარმოდგენილი. ამის შესახებ, ჩიკაგოს ავტო შოუს დროს, ცისფერი ოვალის მარკეტინგის, გაყიდვების და სერვისის ვიცე პრეზიდენტმა მარკ ლანევემ განაცხადა.

მისი თქმით, ახალი ავტომობილები, ძირითადად ათასწლეულების მიჯნის თაობის (1980-იანი წლების შემდეგ დაბადებულების) მყიდველის მოთხოვნების გათვალისწინებით მუშავდება. როგორც კვლევები უჩვენებს, ამ ეპოქის მყიდველს არ სურს დიდგაბარიტიან სედანებით მგზავრობა და მათი უმეტესობა, სატრანსპორტო საშუალებად უგზობის მოდელებს არჩევს.

ასეთი ავტომობილების პოპულარობას არაერთი ფაქტორი განაპირობებს. მათ შორისაა საწვავის გაიაფება, ახალი, ეკონომიური და მძლავრი ძრავები, ასევე ბაზარზე სულ უფრო მეტი ისეთი ავტომობილის გამოჩენა, რომლების ძალურ სისტემაშიც, ელექტრო ძრავებია ჩართული. ამ ფაქტორების გამო, უგზობის მოდელები აღარ მიიჩნევა შთანმთქმელ ავტომობილებად. უფრო მეტიც, „ფორდის“ მარკეტოლოგები ირწმუნებიან, რომ საწვავის გაძვირების შემთხვევაშიც კი, უგზობის მოდელებზე მოთხოვნილება არ შემცირდება. უბრალოდ, მყიდველი უპირატესობას მომცრო ავტომობილებს მიანიჭებს.

ამჟამად Ford-ის“ სამოდელო გამაში, უგზობის რამდენიმე ავტომობილი შედის. ესენია Ecosport, Escape (ევროპაში მისი ანალოგია Kuga), Edge (ფოტოზე), Flex, ასევე დიდგაბარიტიანი Explorer და Expedition. სხვათა შორის, მალე Fiesta-ს ბაზაზე დამზადებულ Ecosport-ს ამერიკის ბაზარზეც შეიტანენ. ლანევეს არ დაუკონკრეტებია ახალი ავტომობილების სეგმენტები. მხოლოდ მიანიშნა, რომ ერთი მათგანი მინი ქროსოვერი იქნება. სავარაუდოდ, მინიმუმ ერთის აღჭურვილობაში ელექტრო ძრავიც შევა.
წყარო: Ford Georgia

სრულად »