Chevrolet-მა SS-ის წარმოება შეაჩერა

Chevrolet-მა Motoring-თან საუბრისას ცნობილი მოდელის, SS-ის წარმოების შეჩერების შესახებ ოფიციალურად განაცხადა. რასაც, ოქტომბერში ადელაიდეში Holden-ის ქარხნის დახურვის გადაწყვეტილებაც ადასტურებს.

საბოლოო მოდელი შავ ფერსა და 6 სიჩქარიანი გადაცემათა კოლოფით შეკაზმეს. და ცოტათი გამორჩეული რომ ყოფილიყო, Holden-ის პერსონალმა ძარის ზედა (კაპოტი) შიგნიდან თავიანთი ხელმოწერებით შეამკეს.

საბოლოო ჯამში, Holden-მა 12.953 SS-ის და 7.305 Caprice Police Pursuit-ის ექსპორტი მოახდინა შეერთებულ შტატებში. სამწუხაროდ, ამერიკელ მწარმოებელს არანაირი გეგმები არ გააჩნია მის ჩასანაცვლებლად.

სრულად »

How Its Made Dream Cars

სრულად »

შეეგებეთ უმძლავრეს პიკაპს - Ford Shelby F-150 Super Snake

Shelby-მ წარმოადგინა მეორე მოდელი რომელსაც ხვალინდელ გამოფენაზე ვიხილავთ. პირველი კონცეფტუალური Mustang-ია.

Shelby F-150 Super Snake - როგორც კომპანიაში ეძახიან, ნამდვილი ამერიკული პიკაპია. როგორც ვინს ლავიოლეტე ამბობს, "იგი მთლიანად ქეროლ შელბის ფილოსოფიითაა შექმნილი: მეტი სიმძლავრე, მეტი ხმა, მეტი დიზაინი და მეტად ვაჟკაცური სამართავი."

როგორც სხვა Super Snake-ები, ეს უკანასკნელიც 5 ლიტრი მოცულობის V ტიპის 8 ცილინდრიანი ძრავითაა აღჭურვილი, რომელიც 750 ცხენს გამოიმუშავებს. ხელმისაწვდომია 2 ან 4 თვლიანი ამძრაობით.

ექსტერიერში დამატებულია ორმაგი შემწოვი "ram air" ცხაური, ასევე ე.წ "ფიჭისებრი გრილი", გვერდითა სპლიტერი, უკანა ბამპერის პანელი, ბორლას გამოსაბოლქვი სისტემა და უკანა ძარის გადასაფარებელი. ასევე დადაბლდა ამორტიზაცია, დაუყენდა 22 ინჩიანი რეტრო ქრომირებული დისკები და გაფორმდა Shelby-ის საფირმო ზოლებითა და ნიშნებით.

" 'Shelby Super snake' ნიშანი ახდენს უზარმაზარ პრესტიჟს, რადგან ყოველი მანქანა, რომელიც ამ ნიშანს ატარებს, წარმოადგენს პერფორმანსის მწვერვალს" - ამბობს გარი პატერსონი, Shelby American-ის პრეზიდენტი.

Shelby F-10 Super Snake დამზადდება სულ რაღაც 150 ცალი. ღირებულება კი 96.880 დოლარი იქნება. კომპანია მყიდველს 3 წლიან ან 36.000 მილის გარანტიას სთავაზობს.

სრულად »

Shelby-ის ახალი კონცეფტუალური Super Snake

როგორც უკვე ვიცით, ხვალ Shelby ქეროლ შელბის მე-5 წლისთავთან და GT500-ის დაბადების დღესთან დაკავშირებით გამოფენას ატარებს. სადაც, როგორც დაგვპირდა, 2 უახლეს მოდელს წარადგენს. ერთ-ერთი Super Snake-ის კონცეპტია.

"ლურჯი ელვა" - როგორც მას უწოდებენ კომპანიაში, წინამორბედებისგან დიდად განსხვავდება. რასაც გავრცელებული სურათები მოწმობს.

ექსტერიერში, როგორც სურათებიდან ჩანს, დამატებული აქვს ე.წ Wide Body, 4 ინჩი ზომის track-ი და 2.5 ინჩი ზომის სპლიტერი, მართვის მაქსიმალური რეგულირებისათვის. ასევე სპეციალური: ტრეკის ამორტიზაცია, უკანა ე.წ დაბლითა გიტარები, ლილვი, გიტარები, რა თქმა უნდა ახალი საბურავები თავისი დისკებითურთ და Brembo Shelby-ის სამუხრუჭე სისტემა 16 ინჩიანი როტორით და 4 ცილინდრიანი სუპორტით წინ, ხოლო უკან 14 ინჩიანი როტორით და 6 ცილინდრიანი სუპორტით.

რაც შეეხება ყველაზე მთავარს: მის მამოძრავებელ ძალას. კომპანიაში გადაწყვიტეს ისევ ის ძველი 5 ლიტრი მოცულობის V ტიპის 8 ცილინდრიანი ძრავი გამოეყენებინათ, რომელსაც ძველ Super Snake-ებში ვხვდებით. თუმცა, ამჯერად იგი 750 ცხენის ძალით იქნება აღჭურვილი.

"რეგულირებადი ამორტიზაციის "პრუჟინა" და უზარმაზარი Brembo-ს სამუხრუჭე სისტემა, ფართე დისკებისა და საბურავების გვერდით, მრავალმნიშვნელოვნად ცვლის მანქანის მართვის დინამიკას. ყოველივე ეს კი წარმოქმნის უფრო მეტ მოჭერას შემდეგი დამუხრუჭებისათვის და ნაადრევი აჩქარებისთვის კუთხეებში.

იგი უფრო მეტ კომუნიკაციას დაამყარებს მძღოლთან და უკეთესად შთანთქავს ტრეკის არასაკმარისობას" - ასე განუცხადა ვინს ლავიოლეტემ, Shelby Amerian-ის ოპერაციების ვიცე პრეზიდენტმა ჟურნალისტებს და სტუმრებს.

სრულად »

104 წლის ფოტოაპარატით დანახული ფორმულა 1

არსებობს ხალხთა კატეგორია, რომელთა გატაცებაც ე.წ "ძველი სკოლაა"... ჩემსავით. დღევანდელი პოსტიც ჩვეულებრობისგან დიდად არ განსხვავდება თუ არ ჩავთვლით ზემოთხსენებული "ძველი სკოლის" ჩარევას.

როგორც ვიცით, ფორმულა ერთის კადრების დასაჭერად საჭიროა მსწრაფლმფეთქი გადაღება. თუმცა, ეს დიდად არ აღელვებდა ჯოშუა პოლს და 2013 წლის ესპანეთის გრან პრიზე მეტად უცნაური და "ძველი სკოლის" წარმომადგენლით გამოცხადდა. ეს უკანასკნელი კი გახლავთ 1913 წლის Graflex 4x5. რომელიც, ასაკის მატებასთან და ტექნოლოგიურად უძველესი ნაბიჯების მიუხედავად, მაინც შესანიშნავ ფორმაშია 104 წლის შემდეგაც კი (!) თუ როგორში თავად შეაფასეთ...

სრულად »