ძრავის მუშაობის თავისებურებიდან გამომდინარე, იმის გამო, რომ უმეტესად შეუღლებული დეტალები სრიალის ხახუნით მოძრაობენ ერთმანეთის მიმართ, აუცილებელია მიიღოთ სრიალის ხახუნის ის სახეობა, რომელიც მიკროდონეზე შემოწმებისას გორვის ხახუნის მახასიათებელს შეიცავს. აღნიშნულის მიზანია შემცირდეს მოხახუნე ელემენტების ცვეთის ინტენსიურობა, რომელიც ყველაზე მაღალია დეტალების მისახმარისების პერიოდში და მისახმარისების პერიოდის გავლის შემდეგ აღნიშნული სიდიდე მუდმივია. ცვეთის ინტენსიურობის მუდმივობის შესაბარჩუნებლად, აუცილებელია ვუზრუნველყოთ ე.წ სველი (ან თხევადი) ხახუნი, ნაცვლად მშრალი ან ნახევრადმშრალის. სველი ხახუნი მიიღწევა მოხახუნე დეტალების ზედაპირზე ზეთის ინტენსიური მიწოდების შედეგად, რაშიც ძრავის შეზეთვის სისტემა გვეხმარება. მოხახუნე დეტალებისთვის მიწოდებული ზეთის ხარისხი უნდა შეესაბამებოდეს მუშაობის და სადატვირთო პირობებს ისე, რომ მოხახუნე ზედაპირზე მუდმივად იყოს ზეთის თხელი ფენა.
შეზეთვის სისტემის მთავარი ამოცანაა მუდმივად იყოს ზეთის თხელი ფენა მოხახუნე დეტალების ზედაპირზე. ყველაზე დატვირთულ დეტალებს იგი წნევით მიეწოდება, ხოლო ნაკლებად დატვირთულს–გაშხეფვით და თვითდინებით. ასევე, აგრილებს მოხახუნე ზედაპირებს და იცავს მათ კოროზიისაგან. შეზეთვის სისტემის მთავარი კონსტრუქციული ელემენტებია: ზეთის ტუმბო, ზეთის ფილტრი, შეზეთვის სისტემის სადინარები, (რიგ შემთხვევაში გამოიყენება ზეთის გაგრილების რადიატორი), შეზეთვის სისტემის ერთ-ერთი უმნიშვნელოვანესი ელემენტია ზეთის კარტერი ე.წ რეზერვუარი.
თანამედროვე ავტომობილებში შეზეთვის სისტემის ნორმალური ფუნქციონირებისთვის დამატებულია ელექტრონული მართვის ელემენტები. ესენია: ზეთის ტემპერატურის და სიბლანტის განმსაზღვრელი სენსორები.
ხოლო რაც შეეხება პროპილაქტიკურ მხარეს..
შეზეთვის სისტემის ტექნიკური მომსახურების ძირითადი სამუშაო და ზეთის შეცვლის სამუშო, რომელიც განეკუთვნება პროფილაქტიკურ სამუშაოების ჯგუფს. ზეთის შეცვლის პერიოდულობა დამოკიდებულია ავტომწარმოებელზე და კონკრეტულ საექსპულატაციო გარემოზე. ზეთის შეცვლის სამუშაო მოითხოვს შეირჩეს შესაბამისი მარკის ზეთი ჩამოვუშვათ კარტერიდან ნამუშავები ზეთი, დავხუროთ კარტერი, ჩავასხათ შედარებით დაბალი სიბლანტის ზეთი, (მაგალითისთვის სატრანსმისიო) ვამუშაოთ მაქსიმუმ 3 წუთის განმავლობაში და ჩამოვუშვათ აღნიშნული ზეთი. ამის შემდეგ, ძრავის მოხახუნე დეტალების ნამწვისგან გასაწმენდად გამოიყენება სპეციალური დანამატი. ზეთვისთვის აღნიშნულ დანამატს ვასხამთ ზეთის სასხმელი არხიდან, ვიდრე ზეთს შევცვლით. ვამუშავებთ მხოლოდ უქმსვლაზე 3-5 წუთის განმავლობაში, ჩამოვუშვებთ ნამუშევარ ზეთს, ვცვლით ნამუშევარ ფილტრს და ვაკეთებთ შეზეთვის სისტემის ახალი ზეთით შევსებას.
