სამომავლო Mercedes-AMG Project One რა თქმა უნდა კითხვგარეშეა რომ სწრაფია, რადგანაც იგი სულ რომ არაფერი ფორმულა 1-ს ტექნოლოგიას იყენებს - კერძოთ ძალურ დანადგარს.
ხოლო ახლა როგორც ჩანს მან შესაძლოა ეს ნიჭი ნიუბურგრინგის წრიული რეკორდების განადგურებას მიუძღვნას. AMG შეფის, ტობიას მოერსის აზრით სამართლიანია იმის ფიქრი, რომ ბრენდის ახალ ჰიპერქარს შესწევს ძალა დაამხოს უკვე დამყარებული წრიული რეკორდები. კონკრეტულად ამაში კი მოიაზრება 6 წუთი და 11.13 წამი, რომელიც 1983 წელს Porsche -ს სარბოლო 956 -მა დაამყარა შტეფან ბელოფის პილოტაჟით.
უშუალოდ რაც შეეხება მიმდინარე ქალაქისთვის აპრობირებულ რეკორდს, იგი Mclaren P1 LM-ს ეკუთვნის 6:43.22 დროის შედეგით, ხოლო მასიური წარმოების კატეგორიაში Porsche 911 GT2 RS-ს 6:47.3 დროით რომელიც შარშან დაამყარა.
ჯერ-ჯერობით Mercedes-AMG-ის დღემდე არ გამოუვლენია მისი ქმნილების სრული დეტალები, თუმცა მას შიგაწვის V ტიპის 6 ცილინდრიანი 1.6 ლიტრი მოცულობის ტურბოდამჭირხნიანი და დამატებით 4 ელექტრო ძრავა ექნება, რაც საბოლოო ჯამში 1000 ცხენის ძალას გამოიმუშავებს. შიგაწვის ძრავა შეწყვილებულია ელექტრო ძრავთან, რაც ხელს უწყობს ძალის გადაცემას უკანა თვლებზე. მეორე ძრავა ინტეგრირებულია ტურბოდამჭირხთან და ეხმარება კომპრესორის დატრიალებაში. ხოლო დანარჩენი ორი დამატებითი ძალისა და წევისთვის წინა 2 თვალზეა მიერთებული.
მისი სათანადოდ გლუვი და აქტიური აეროდინამიკის მქონე ძარის გამო, აღნიშნული მოდელი უნდა გამოიმუშავებდეს დაახლოებით 680 კილოგრამ დაწნევას, რაც დაეხმარება ზემოთხსენებული გეგმის განხორციელებაში.
ასეა თუ ისე, Project One-ს შეუძლია გახდეს მსოფლიოში უსწრაფესი ავტომობილი ნიუბურგრინგის გარშემო და თუკი ეს მართლაც მოხდება, სავსებით გაიზაირებს მასიური პროდუქციის მქონე ავტომობილის სტატუსს.
შეგახსენებთ, რომ კომპანია მას მომდევნო წელს წარადგენს, სადაც მის ნამდვილ სახელსაც გავიგებთ.
