იმ დროს, როცა ”ფოლკსვაგენი” დიზელის ძრავების სკანდალის ჯარიმებს ითვლის, გერმანული კონცერნის უმთავრესი კონკურენტი ”ტოიოტა” ”ტოკიო მოტორ შოუზე” (29 ოქტომბერი - 8 ნოემბერი) ახალ ეკოლოგიურ კონცეფციას წარმოგვიდგენს.
ფოტოზე ხედავთ ფუტურისტულ სტუდიურ მოდელს Toyota FCV Plus. ეს გახლავთ 3,80 მეტრი სიგრძის ორადგილიანი ავტომობილი, რომელიც არც CO2-ს გამოყოფს და არც სხვა რაიმე მავნე ნივთიერებას. ამ ”ტოიოტას” მაყუჩიდან მხოლოდ წყალი გამოდის!
უკან წყალბადის ავზია ჩამონტაჟებული, წყალბადის აგრეგატი კი ელექტროენერგიას წარმოშობს. ეს გახლავთ ”ტოიოტას” კიდევ ერთი წყალბადზე მომუშავე ავტომობილის კონცეპტი. მოგეხსენებათ, წყალბადის პირველი სერიული ავტომობილი Toyota Mirai უკვე იყიდება.
წყარო: Auto Bild Georgia
